2 Ɓakɔlítɔ 13:4 - Ɔngana á Kɛ̌kɛ

⁴ Ande ɗoni gea, mbenɔ nde ɗáɓánkɔkɛigi Kiísito ka moyangɔ, nyama akɛ ɗáɔlɔmani. Kɛ̌kɛnde gǎkɛ aoenda ka ɓukpɛkpɛ ndea Mokonga. Ɓesu ɓateki phɔtɔ, ɓî ɓe kimoci na yɛ, ɓɛɔlɔmani. Ɓukpɛkpɛ ndea Mokonga abɛɗanagande gǎkɛ na ɓesu ka ɔlɔ anu.

2 Ɓakɔlítɔ 13:4 Iomraidhean Croise

Yoáni 10:18

Nna na nkpa nde aomoúta enda, eme sasani tɔndɔ aámbé neoɗeketa ú. Nga, nena ɓukpɛkpɛ á phúia í, ne phɔtɔ na ɓukpɛkpɛ á ɓoá í goto. Nndɔ ungɔ Abɛ amososi.»

Ekuma á ɓateki 2:36

Eya, ambe ɓenu Ɓaisilaɛ́li ɓɔbu, ɓóúbɛ base gea, Yéso mmbɔ ɗóɓɔnkɔkɛigi gǔ á moyangɔ, yɛ aámbé Mokonga ambisi, Mɔkɔta na Kiísito.»

Ekuma á ɓateki 3:16

Cɔ, nɗɔti nde ɓɔɔmɔna na ɓoomúba wani, aami ánjá phɛɛ ka nyɔngɔ á ɓeekea á ɓukpɛkpɛ á ina á Yéso. Ɓeekea ndɔ unge akpengeanisi ɓoamia nde mosá anu.

Ɓalɔ́ma 1:4

ɓáombisa na ɓukpɛkpɛ ka ɓá Muna-Mokonga, mbenɔ nde Měma á kanga ɓojeɗe ɗánjujúkisi Yéso Kiísito Mɔkɔta nɛsu ka kukuwa.

Ɓalɔ́ma 14:9

Ka nyɔngɔ índɔ unge, Kiísito ɗáku na enda goto ka gea, áɓɛ Mɔkɔta á ɓasí na ɓunde ɓáoenda.

Ɓalɔ́ma 6:4

Ka phɔa oɓatisɔ ndɔ ɗéɓejúkani na yɛ ka kukuwa akɛ na ka úmba akɛ gea te, ɓíndɔ Kiísito ɗájujúki ka kukuwa sɔsɔɓɛ á ɓasí ka ɓoombia ndea Abɛ, ɓesu phɔtɔ ɓéɓɛ na tambea á enda á kɛ̌kɛ.

1 Ɓakɔlítɔ 1:25

Ka nyɔngɔ nde, kobóbó nde ɓáte Mokonga aně, ande kɔɓɔɔngɛ phɛɛ kɔnyɛ́nya kɔɓɔɔngɛ ndea ɓakpa. Ɓɔɔlɔ nde ɓáte Mokonga aně, ande ɓukpɛkpɛ phɛɛ kɔnyɛ́nya ɓukpɛkpɛ ndea ɓakpa.

1 Ɓakɔlítɔ 15:43

Mbenɔ nde ɓáoúmba mǒnda, kaɓɛ na ɓoombia na ɓukpɛkpɛ. A ye ojujuka ka kukuwa, áoɓá na ɓoombia na ɓukpɛkpɛ.

1 Ɓakɔlítɔ 2:3

Kaɓondɔ, mbenɔ nde eme ɗéjú mɔtɛ-anu, ɗékétú na ɓukpɛkpɛ, néoɓá na kɔɓɔɓɔkɔ, nyama áɔmɔsɔka.

1 Ɓakɔlítɔ 6:14

Mokonga ɗánjujúkisi Mɔkɔta Yéso ka kukuwa, na asójujukisande ka kukuwa ka ɓukpɛkpɛ nɛkɛ phɛɛ.

2 Ɓakɔlítɔ 10:10

Nga, ɓuangbo ɓáogea te: «Ɓaoɓa ndea Pɔ́lɔ akái na gbaga phɛɛ. Mbenɔ nde aoɓá sɔsɔɓɛ asu, áoɓá aɔlɔ, nyɔngɔ nɛkɛ â tɔ oɓá ecici.»

2 Ɓakɔlítɔ 12:10

Kaɓondɔ unge, nena maseye ka nyɔngɔ á ɓɔɔlɔ bui, kaɓɛ mbóma, ɓuyɛnɛ, tambaga ɗanga-ɗanga, k'ína á Kiísito. Mbenɔ nde nena ɓɔɔlɔ, wandɔ unge nena ɓukpɛkpɛ.

2 Ɓakɔlítɔ 13:9

Eya, ɓena maseye ɓî ɓeútú, ɓô gǎkɛ oɓá na ɓukpɛkpɛ. Kema nde ɓɛɔmmɛma Mokonga ka ɓenu ande gea ɓóɓɛ kángá ɓojeɗe.

Ɓaphilípi 3:10

Kema nde nekondi, a tɔ úba á Kiísito na ɓukpɛkpɛ á jujúka akɛ ka kukuwa, tambaga kimoci na yɛ, kuwa ɓea yɛ.

Ɓaɛbulanía 5:7

Mbenɔ nde Yéso ɗátú ka mokonda, ɗáonɗengemisaga Mokonga k'ɛ́mɛmi n'ɛsɔ akpɛ n'aogáma nga, Mokonga aámbé ɗáɔtɔka amisa akɛ ka kukuwa. Ka nyɔngɔ á édidisa akɛ unge Mokonga ɗáɔ́ki ɛmɛmi ndɔɔ.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.