2 Ɓakɔlítɔ 13:10 - Ɔngana á Kɛ̌kɛ

¹⁰ Kaɓondɔ unge, nenóɗundui ɓaoɓa ndee na neɗanga na ɓenu. Nga ne ye okiɗia, kékóndi néɓɛ nkáe ka kɔkɔta nde Mokonga amopi ka ɓenu. Kɔkɔta ndɔ nna á kusa anu, a ndiu ka mɔtisaga anu ka měma.

2 Ɓakɔlítɔ 13:10 Iomraidhean Croise

1 Ɓakɔlítɔ 4:21

Cɔ, ɓokondi ɓo? Nébikɛ mɔtɛ-anu na gbútu, kaɓɛ na měma ékondi na ɓɔphɔngɔ?

2 Ɓakɔlítɔ 10:2

Nenóɗengemisigi gǎkɛ ɓe: Mbenɔ nde nejúande mɔtɛ-anu, kékóndɛku ɓómokáisɛ. Nga, neoúba gea negeande ɓó ka ɓakpa nde ɓáokanisia te, ɓesu ɓeobɛɗanaga na mɔphɛ á kokpa.

2 Ɓakɔlítɔ 10:4

Nkumba émani nɛsu nna á kokpa, a ndiu á ɓukpɛkpɛ ndea Mokonga, nnde aɔgɔɓa ɓukpɛkpɛ á ɓaɓiɓia. Ɓeotúkatúka kanisia ájeɗe,

2 Ɓakɔlítɔ 10:8

Mɔkɔta aámbé ɗásópi kɔkɔta ka gea ɓénómamisɛ ndiu nga, ɓékéokáɓa gúsa anu. Neǒbeba ně phɛɛ na ké gǎkɛ ɔtɔka na neku na soni í.

2 Ɓakɔlítɔ 13:2

Nena nyɔngɔ á ngoɗea ɓakpa nde ɗáɓági ɓojeɗe mosá na ɓenu ɓɔbu phɔtɔ. Ɗéneyɔngi ú ɓî ɗétú na ɓenu ka tamba nɛmɔ á ko iɓɛ. Nesikíí goto kɛ̌kɛnde na nekéɓei. Ka tamba ndea mbusa ɓî neɓande kó, kénkuiɛku ye nkpa ngomi.

2 Ɓakɔlítɔ 13:8

Nga, ɓékéokonda gea nnde atingani na ɗoni. Ɓe tɔ ɔbɛɗanaga ka úbisa anu ɗoni.

2 Ɓakɔlítɔ 2:3

Kaɓondɔ unge, ɗénóɗundui gea, kébikɛku ka gea kěɓɛiɛmbɛ ɓakpa nde ɓátómotɛbisande ka kiɗiani mɔtɛ-anu. Ɗoni, nenoseɓei tɔ ɓenu ɓɔbu nga, neoúba gea, kema nde aomopa maseye a phɔtɔ ɓó ka ɓenu ɓɔbu.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

Títɔ 1:13

Nyɔngɔ bui nde ɓáyɔngi ka phɔa Ɓakɛɛ́tɛ, ande ɗoni. Kaɓondɔ, óphekeaga akpɛ phɛɛ ka gea, ɓáɓɛ na ɓeekea á ɗoni,