2 Ɓakɔlítɔ 12:21 - Ɔngana á Kɛ̌kɛ

²¹ Ne phɔtɔ oɓánga gea, ɓî nejúande goto mɔtɛ-anu, Mokonga kamokusɛmbɛ na soni mosá anu. Nga, něgámeande ɓakpa ɓásii ɓunde ɓákáɗeketimbɛ ɓojeɗe nɛɓɔ á kala na kětia tambea aɓɔ ka nyɔngɔ á ɓɔjɔɔkiɔ, otungɔ, mambɔ na ɓojeɗe nde ɓáogea.

2 Ɓakɔlítɔ 12:21 Iomraidhean Croise

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓalɔ́ma 9:2

Měma ani atúmi na ɓɛí phɛɛ na tambaga nde nna na sungiaga.

1 Ɓakɔlítɔ 5:1

Mbino anu aɔɔ́kɛkana ɔma bui gea, ɓona nyɔngɔ á iɛɓɛ sɔsɔɓɛ anu. Iɛɓɛ kau, aájeɗe phɛɛ nnde ɓákádondimbɛ mɔnɔ, nanga áɓá ka ɓunde ɓáná ɓaɓêki nga, ɓági te, ka ɓenu moci amukí nka-abakɛ!

2 Ɓakɔlítɔ 10:6

Mbenɔ nde ɔ́kapha nɛnu a ye oɓá kángá kisɛki, ɓeɓande bíbí ka tena á nyɔngɔ akpɛ, tambea á kanga ɔ́kapha.

2 Ɓakɔlítɔ 12:7

Mokonga ɗámɔɓɛti na kenkumbɔ ka gea te, kěbebɛ mɔnɔ sasani, ka nyɔngɔ á mphaniɔ ángbó ndɔɔ. Kenkumbɔ ndɔ ɗátú ɓea mphaniɔ ndea nteki nde ɓa Sɛtáni nnde ɗámɔɓɛti ka imisiani ɓá na ɓemboko phɛɛ.

2 Ɓakɔlítɔ 13:2

Nena nyɔngɔ á ngoɗea ɓakpa nde ɗáɓági ɓojeɗe mosá na ɓenu ɓɔbu phɔtɔ. Ɗéneyɔngi ú ɓî ɗétú na ɓenu ka tamba nɛmɔ á ko iɓɛ. Nesikíí goto kɛ̌kɛnde na nekéɓei. Ka tamba ndea mbusa ɓî neɓande kó, kénkuiɛku ye nkpa ngomi.

2 Ɓakɔlítɔ 8:24

Kaɓondɔ, phangiani ekondi nɛnu ka ɓakpa ndɔɔ. Mpɔ, kanisa bui aengekisande gea ɓena ekondi ka ɓenu na úba gea, ɓekeni ébeba na ɓenu.

Ɓagalatía 5:19

Cɔ, mɔphɛ á nyama aoúbukana base ka: Otungɔ, ɓɔjɔɔkiɔ, mambɔ,

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

Ɓaɛbulanía 13:4

Ambe ɓakpa ɓɔbu ɓáɗokomisɛ eyamani. Ɓɔ́kɔjɔɔkisɛmbɛ eka nga, Mokonga atenande akpɛ nyɔngɔ á komusɔngɔ na nyɔngɔ á iɛɓɛ.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

Yúda 1:23

Óamisani ɓuangbo na nsa. Ɓunɛngbo goto, ókuiani ngomi índɔ ana kɔɓɔɓɔkɔ. Ɓókodungɛmbɛ ka ngɔ́mbɛ á ka nyama aɓɔ, ka nyɔngɔ nde a ye jɔɔkani n'ekuma nɛɓɔ ájeɗe.

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.

Mphaniɔ 21:8

Ka ɓato á kɔɓɔɓɔkɔ, ɓato á kanga ɓeekea, ɓato á jɔɔkana, ɓato á kaiso, ɓato á iɛɓɛ, ɓato á ɓiji-ɓiji, ɓato á gbukaga muanku aɓɔ mosá á tɔnkɛngɛ na ɓato á mbɛa gǎkɛ ɔma nɛɓɔ ande k'ɛɛmbɛ á nsa n'ande kukuwa á mongɔ á ko iɓɛ.»

Mphaniɔ 22:15

Ɓunde ɓájigande gǎkɛ ka nsɛngɛ ɓáungee: Ɓambwa, ɓakume, ɓato á jɔɔkana, ɓato á kaiso, ɓato á gbukiaga tɔnkɛngɛ muanku na ɓato á yɔnga á mbɛa na konda í.

Mphaniɔ 22:20

Mmbé amamei nyɔngɔ á suɓi á ɓuku ndee, ayɔngi ɓe: «Eya, neobika kɛ̌kɛnde.» Áɓɛ ɓó, Mɔkɔta Yéso, bika!