2 Ɓakɔlítɔ 12:20 - Ɔngana á Kɛ̌kɛ

²⁰ Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

2 Ɓakɔlítɔ 12:20 Iomraidhean Croise

Ɓalɔ́ma 1:29

Ɓátúmi n'etéte á kanga koɗoni bui, ɓojeɗe, kokae, mɔphɛ ájeɗe, kuma, ɓátúmi na nsengo, moaga á ɓakpa, sani, maibe, ɓɔ ɓánde ɓato á tɔngana.

Ɓalɔ́ma 1:30

Ɓáɔyɔngaga ájeɗe ka phɔa ɓadaɓɔ, ɓaɓiɓia á Mokonga, ɓato á mbóma, ɓato á ébeba, ɓato á měma ájeɗe, ɓato á ɓemboko, ɓato á phɔtanaga, ɓato á maibe ka tɔá kema ájeɗe, ɓakpa nde ɓákáɔ̌ɓɔka ɓaɓɔkɔti aɓɔ.

Ɓalɔ́ma 2:8

Aphangiande gǎkɛ ɓɛí na esúia nɛkɛ ka ɓakpa nde ɓánde ɓaɓiɓia akɛ na ɓunde ɓáoyá ɗoni na ɓeá á ɓojeɗe.

1 Ɓakɔlítɔ 1:11

Ai ɓaya! Nɛyɔngi ɓó ka nyɔngɔ nde, ɓato á k'ékombo ndea Kɔlɔ́ɛ ɓábiki omongoɗea gea, ɓoosanaga.

1 Ɓakɔlítɔ 14:33

nga, Mokonga nna nto á eongo, a ndiu nto á ɓujɛjɛ. A tɔ ɓó ka kanisa bubui ndea ɓaɓêki ndea Mokonga.

1 Ɓakɔlítɔ 5:2

Cɔ, ɓenu, ɓo goto ǒbeba! Atókeni ndiu ɓóɓɛ na ɓɔmbɛ na ɓómɓeɛgɛ nkpa nde atɔtɔkisi kema ndɔ sɔsɔɓɛ anu.

2 Ɓakɔlítɔ 1:23

Eme gǎkɛ, nembisi Mokonga nɗigimisi ka enda ani. Aoɓá na nɛɔyɔnga mbɛa, ámomowɛ. Kéji ye na Kɔlítɔ ka nyɔngɔ nde neonokuia ngomi.

2 Ɓakɔlítɔ 10:2

Nenóɗengemisigi gǎkɛ ɓe: Mbenɔ nde nejúande mɔtɛ-anu, kékóndɛku ɓómokáisɛ. Nga, neoúba gea negeande ɓó ka ɓakpa nde ɓáokanisia te, ɓesu ɓeobɛɗanaga na mɔphɛ á kokpa.

2 Ɓakɔlítɔ 10:6

Mbenɔ nde ɔ́kapha nɛnu a ye oɓá kángá kisɛki, ɓeɓande bíbí ka tena á nyɔngɔ akpɛ, tambea á kanga ɔ́kapha.

2 Ɓakɔlítɔ 12:21

Ne phɔtɔ oɓánga gea, ɓî nejúande goto mɔtɛ-anu, Mokonga kamokusɛmbɛ na soni mosá anu. Nga, něgámeande ɓakpa ɓásii ɓunde ɓákáɗeketimbɛ ɓojeɗe nɛɓɔ á kala na kětia tambea aɓɔ ka nyɔngɔ á ɓɔjɔɔkiɔ, otungɔ, mambɔ na ɓojeɗe nde ɓáogea.

2 Ɓakɔlítɔ 13:2

Nena nyɔngɔ á ngoɗea ɓakpa nde ɗáɓági ɓojeɗe mosá na ɓenu ɓɔbu phɔtɔ. Ɗéneyɔngi ú ɓî ɗétú na ɓenu ka tamba nɛmɔ á ko iɓɛ. Nesikíí goto kɛ̌kɛnde na nekéɓei. Ka tamba ndea mbusa ɓî neɓande kó, kénkuiɛku ye nkpa ngomi.

2 Ɓakɔlítɔ 2:1

Kaɓondɔ, ɗénegi gea, kéjeku ye mɔtɛ-anu ka gea te, kɛnɔɓɛisɛmbɛ goto.

Ɓagalatía 5:15

A gǎkɛ oɓá ɓoiki anu n'a ɓea ɓanyama á k'osaa ka kokanaga na kaɗuanaga ngǔngu anu, óambani, ámbé ɓomowanagande.

Ɓagalatía 5:26

Ɓékéɓɛmbɛ na ɓemboko, kaɓɛ uɓana, kaɓɛ kuina na nsengo.

Yakɔ́ɓɔ 4:11

Ɓaya, ɓókoyɔngɛanɛmbɛ ájeɗe. Mmbé aɔn'yɔngɛa dakɛ ájeɗe, kaɓɛ tena á nyɔngɔ nɛkɛ, ayɔngɛi ɛɔphi ájeɗe na tena á nyɔngɔ í. O ye gǎkɛ otena nyɔngɔ ɛ́ɔphi mmbe ǒbisi ye tɔ nteni-nyɔngɔ. Kó ye nto á amba ɛ́ɔphi.

1 Pɛ́tɛɛ 2:1

Cɔ, ɓî aɓó, ɗeketani etéte á ɓojeɗe bui: mbɛa, maibe, nsengo na maca.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.