2 Ɓakɔlítɔ 12:14 - Ɔngana á Kɛ̌kɛ

¹⁴ Nesóɔmɛa ka gǎ mɔtɛ-anu ka mɔngɔ á ko isaɔ. Kénokumbisɛku ɓoɗoko ani nga, kéokáɓa nkumba nɛnu, ne ndiu tɔ onokáɓa ɓenu. Nga, nna ɓaniki ɓáunge ɓáɔ̌kɔngɔɛa ɓaɓɔkɔti aɓɔ imɔna. Ɓaɓɔkɔti ndiu ɓáunge ɓáogea ɓó ka ɓ'anaɓɔ.

2 Ɓakɔlítɔ 12:14 Iomraidhean Croise

Ekuma á ɓateki 20:33

Eme gǎkɛ, ɗékénɔmɛmigi tanda imɔna, láté, kaɓɛ bɔngɔ ndea nkpa.

1 Ɓakɔlítɔ 10:24

Ambe nkpa na nkpa kakáɓɛgɛmbɛ kema á ka phɔa akɛ sasakɛ, ákaɓɛgɛ ndiu kema á ka phɔa á ɓakpa ɓuangbo.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 11:34

Aoɓá nkpa n'ana nja, áeɛgɛ k'éndu nɛkɛ, ka ɓangisa gea, mbenɔ nde ɓoodondanaga, Mokonga katenɛmbɛ nyɔngɔ nɛnu. Cɔ, nɛɓɔngisiagande nyɔngɔ nɛngbo, nnde ajigi, mbenɔ nde nejuande mɔtɛ-anu.

1 Ɓakɔlítɔ 16:5

Nejúande mɔtɛ-anu ka nyɛ́nyɛa nci á Makɛdɔnía nga, netingande ú.

1 Ɓakɔlítɔ 4:19

Cɔ, kaɓɛ gǎkɛ Mɔkɔta n'akondi, ámbé nekamisagande donda anu. Mpɔ, neúbande, nna tɔndɔ yɔnga á ɓunde ɓáǒbeba, neúbande phɔtɔ kema nde ɓá na ɓukpɛkpɛ á gea í.

1 Ɓakɔlítɔ 9:12

Cɔ, kaɓɛ ɓakpa ɓuangbo na ɓá na kɔkɔta á tɔá á kema ka njaga anu, ɓesu ɓéké phɔtɔ na kɔkɔta phɛɛ á tɔá á kema ka njaga anu? Cɔ, ɓesu, ɗéɓekébɛɗaneigi kɔkɔta ndɔ, ɓê ndiu oɗeketa kɔkɔta ndɔ ka gea, ɓékéimisiɛ mɔnɔ tútuisa á Nyɔngɔ-Ánjá ndea Kiísito.

1 Ɓakɔlítɔ 9:18

Cɔ, ophendɔ nɛmɔ ande kema sina? Ande tɔ̌miaga á Mbino-Ánjá kángá óphendɔ. Nɛɔtɔmiaga Mbino-Ánjá kángá á mɛma gǎkɛ ka kema nde amokeni ně.

1 Ɓakɔlítɔ 9:19

Nna na nkpa nde nende nkɔɓɛ nɛkɛ. Eme, ɗéněbisi gǎkɛ sasani nkɔɓɛ ndea ɓakpa ɓɔbu ka gea, nééɓoteɛ ɓakpa ɓásii, ɓáɓɛ ɓakiísito.

2 Ɓakɔlítɔ 1:15

Cɔ, ɓî a ɓó, ɗéangi júa ani mɔtɛ-anu goto ka gea te, ɓóɓɛ na ngɔwa á dondana ani na ɓenu mɔngɔ iɓɛ.

2 Ɓakɔlítɔ 11:9

Ɓî ɗétú mɔtɛ-anu, nna na nkpa nde ɗátú omogabea kema nde ɗétú na siki í. Ɓadani ɓaɓêki á ka Makɛdɔnía ɓáunge ɗáɓáomobikia na nkumba bui nde ɗéna siki í. Ɗékébisi ɓoɗoko ani ka ɓenu na kébisɛku.

2 Ɓakɔlítɔ 12:13

Cɔ, kema ánjá sina nde negi ka kanisa nɛngbo nnde kégi ka phɔanu, ande ka nyɔngɔ á kanga ɓenu kumba ɓoɗoko ani? Aoɓá n'a ɓó, ómoímiani nyɔngɔ ndɔɔ!

Ɓagalatía 4:19

Cɔ, ɓaniki amɔ, ne goto otambaga ka nyɔngɔ anu ɓea nke n'aka ɓoaé. Na ka ɓî aúbikanande base gea, Kiísito a suɓi anu.

Ɓaphilípi 4:1

Ɓadani ékondi, ne goto na siki á ɔna anu phɛɛ. Nena maseye ka phɔanu na ka nyɔngɔ anu unge néǒbeba. Ɓadani ékondi, ɓî a ɓó, mamani akpɛ ɓî ɓo kimoci na Mɔkɔta.

Ɓaphilípi 4:17

Nna gea te, neokáɓa ɛkɔmi. Ne ndiu tɔ okáɓa ɓikisa á ɓokambia nɛnu.

1 Ɓatɛsalɔníka 2:11

Ɓo phɔtɔ oúba ɓî ɗéɓetú ɓea ɓaba-ɓaniki ka ɓenu ɓɔbu.

1 Ɓatɛsalɔníka 2:8

Nga, ɗéɓetú na siki anu phɛɛ. Kaɓondɔ unge, ɗéɓenɔ́tɔ̌migi Mbino-Ánjá ndea Mokonga. Nna tɔndɔ nndɔ, ɓê phɔtɔ oɓá na mɔphɛ á kuia anu. Eya, ɗéɓenókondi phɛɛ.