2 Ɓakɔlítɔ 12:10 - Ɔngana á Kɛ̌kɛ

¹⁰ Kaɓondɔ unge, nena maseye ka nyɔngɔ á ɓɔɔlɔ bui, kaɓɛ mbóma, ɓuyɛnɛ, tambaga ɗanga-ɗanga, k'ína á Kiísito. Mbenɔ nde nena ɓɔɔlɔ, wandɔ unge nena ɓukpɛkpɛ.

2 Ɓakɔlítɔ 12:10 Iomraidhean Croise

Lóka 6:22

Maseye ka ɓenu ɓî ɓakpa ɓáonókangea, ɓáonóphaphea, ɓáonóbóma, ɓáonóyága ka nyɔngɔ ani, eme Muna-Nkpa.

Yoáni 15:21

Cɔ, ɓánotambisagande ɓó ka nyɔngɔ ani. Nga, ɓánaomúba mmbé amoteki.

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

Ɓalɔ́ma 5:3

Nanga ɓéotambaga, ɓena maseye nga, ɓeoúba gea, tambaga aobikisa moíngí,

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

2 Ɓakɔlítɔ 1:4

Nga, aosóphɔngisa měma ka tambaga asu bui, ka gea, ɓéephɔngisɛ phɔtɔ ɓadasu měma ka mbenɔ á tambaga, ɓíndɔ Mokonga ɗági k'ama mosá-mosá ka phɔasu.

2 Ɓakɔlítɔ 10:18

Nga, nkpa nde aǒɗokomisa sasakɛ, nna aámbé Mɔkɔta amɓeeki. A ndiu nkpa nde Mɔkɔta sasakɛ anɗokomisi.

2 Ɓakɔlítɔ 12:9

Mpɔ, Mokonga â gǎkɛ omosikisia gea: «Ɓonjánja ékondi nɛmɔ k'óɓɛ áɓɛ phɔ́ úngaa! Ɓukpɛkpɛ nɛmɔ atɔtɔkɛani suɓi á ɓɔɔlɔ nɛkɔ.» Kaɓondɔ, eme Pɔ́lɔ, nekondi gǎkɛ, néebebɛ ka nyɔngɔ á ɓɔɔlɔ nɛmɔ ka gea te, ɓukpɛkpɛ ndea Kiísito ámogbukumiɛ.

2 Ɓakɔlítɔ 13:4

Ande ɗoni gea, mbenɔ nde ɗáɓánkɔkɛigi Kiísito ka moyangɔ, nyama akɛ ɗáɔlɔmani. Kɛ̌kɛnde gǎkɛ aoenda ka ɓukpɛkpɛ ndea Mokonga. Ɓesu ɓateki phɔtɔ, ɓî ɓe kimoci na yɛ, ɓɛɔlɔmani. Ɓukpɛkpɛ ndea Mokonga abɛɗanagande gǎkɛ na ɓesu ka ɔlɔ anu.

2 Ɓakɔlítɔ 13:9

Eya, ɓena maseye ɓî ɓeútú, ɓô gǎkɛ oɓá na ɓukpɛkpɛ. Kema nde ɓɛɔmmɛma Mokonga ka ɓenu ande gea ɓóɓɛ kángá ɓojeɗe.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

2 Ɓakɔlítɔ 5:15

Nga, Kiísito ɗáku ka ɓesu ɓɔbu gea te, ɓakpa nde ɓá phɔtɔ koenda, ɓákáendɛ mɔnɔ ye ka ɓɔ sasaɓɔ, ɓáendɛ ndiu ka Kiísito mmbé ɗáku na jujúka ka nyɔngɔ aɓɔ.

2 Ɓakɔlítɔ 5:20

Ɓende ɓakpa nde ɓɛɔyɔnga k'ína á Yéso nga yɛ aámbé asóteki. Ande gea te, Mokonga aámbé agi te ɓɛ́nɔɔphanɛ. Cɔ, ɓenóɗengemisigi k'ína á Kiísito gea te, ɓɔ́ɔnganɛ na Mokonga.

2 Ɓakɔlítɔ 6:4

Ɓe ndiu okaɓa gea, ɓakpa ɓásɔɔnɛ ɓea ɓabɛɗanigi ndea Mokonga esa bui. Kaɓondɔ unge, ɓeophiphia phɛɛ tambaga, ngomi na ea á minyɔ.

2 Ɓakɔlítɔ 7:4

Nenóseɓei phɛɛ na ɓe phɔtɔ ǒbeba na ɓenu. Nanga ɓétambaga, měma ani atúmi na nténdé na maseye.

Ɓaɛphɛ́sɔ 6:10

Cɔ, ka sungiaga, ógbagisanagani phɛɛ suɓi á Mɔkɔta na ɓukpɛkpɛ phɛɛ ndea Mɔkɔta.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

2 Ɓatɛsalɔníka 1:4

Kaɓondɔ unge, ɓeǒbeba ka phɔanu mosá á ɓato á kanisa ndea Mokonga ka nyɔngɔ á moíngí nɛnu na ɓeekea nɛnu suɓi á tambaga bui na kema ájeɗe phɛɛ nde ɓosuɓi í.

2 Timɔtɛ́ɔ 3:11

Ɔphɔtɔ oúba ɓî ɓakpa ɓámodaɗi na tambisaga ani ka Antiɔkía, Ikɔnía, na ka Lísta. Eya, ɗétambigi phɛɛ. Mɔkɔta â gǎkɛ ómoamisa kíndɔ bui.

Yakɔ́ɓɔ 1:2

Ɓaya, ɓáni na maseye phɛɛ mbenɔ nde ɓoongia ka tombaga ɗanga-ɗanga.

Mphaniɔ 2:3

Eya! Ona měma á phiphia, otambigi ka nyɔngɔ á ina ani, kángá ɛla.