2 Ɓakɔlítɔ 11:9 - Ɔngana á Kɛ̌kɛ

⁹ Ɓî ɗétú mɔtɛ-anu, nna na nkpa nde ɗátú omogabea kema nde ɗétú na siki í. Ɓadani ɓaɓêki á ka Makɛdɔnía ɓáunge ɗáɓáomobikia na nkumba bui nde ɗéna siki í. Ɗékébisi ɓoɗoko ani ka ɓenu na kébisɛku.

2 Ɓakɔlítɔ 11:9 Iomraidhean Croise

Ekuma á ɓateki 18:3

Áoika mɔtɛ-aɓɔ n'aɔbɛɗanaga nga, ekuma nɛɓɔ ɗátú á etéte moci, n'ande á ɓɔngisiaga á ɛma.

Ekuma á ɓateki 18:5

Mbenɔ nde Síla na Timɔtɛ́ɔ ɓájú ka toka na Makɛdɔnía, Pɔ́lɔ â gǎkɛ ǒyamea buakɛ ka phɛá nyɔngɔ á Mokonga. Áǒengekisia Ɓayúda gea, Yéso ande Kiísito.

Ekuma á ɓateki 20:33

Eme gǎkɛ, ɗékénɔmɛmigi tanda imɔna, láté, kaɓɛ bɔngɔ ndea nkpa.

Ɓalɔ́ma 15:26

Kanisa á ka Makɛdɔnía na nnde á ka Akáya ɗáɓáɔni ánjá ɓákɔngɔɛ imɔna ka taɓea ɓaɓêki á ka Yɛusalɛ́ma ɓunde ɗáɓátú ka ɓuyɛnɛ.

1 Ɓakɔlítɔ 16:17

Nena maseye ka kiɗia á Sɛtɛphána, Phɔɔtunátɔ na Akaíkɔ. Nga, ɓánɔpɛni ye tɔ.

2 Ɓakɔlítɔ 6:4

Ɓe ndiu okaɓa gea, ɓakpa ɓásɔɔnɛ ɓea ɓabɛɗanigi ndea Mokonga esa bui. Kaɓondɔ unge, ɓeophiphia phɛɛ tambaga, ngomi na ea á minyɔ.

2 Ɓakɔlítɔ 9:12

Nga, ekuma ndɔ ɓɔɔbɛɗanaga, nna tɔ ka enga á ɓakpa ndea Mokonga. A phɔtɔ kǒɓopha ɓakpa mɔphɛ á sega Mokonga phɛɛ.

Ɓaphilípi 2:25

Cɔ, nɛtɔ́ɔni ánjá gea nentekɛ goto Ɛpaphɔdítɔ mɔtɛ-anu. Yɛ, ande dani, aɔbɛɗanaga kimoci n'eme, na a phɔtɔ nto émani ɓea eme. Yɛ aámbé ɗóɓonteki ka enga ani na kema nde ɗéna siki í

1 Ɓatɛsalɔníka 2:6

Ɓéké phɔtɔ okáɓa obebɔ ka ɓakpa, kaɓɛ ka ɓenu, kaɓɛ ka ɓakpa ɓuangbo.

1 Ɓatɛsalɔníka 2:9

Ɓaya, ɓoúba ɓî ɗéɓeɔbɛɗanaga akpɛ phɛɛ mɔtɛ-anu, keiphe n'esa gea te, ɓékénóɗokomaneɛ mɔnɔ, mbenɔ nde ɗéɓeɔ́nɔtɔmiaga Mbino-Ánjá ndea Mokonga.

Ɓaɛbulanía 11:37

Ɓáɔ̌ɓɛta ɓuangbo n'ɛtɛ ɓáokuwa. Ɗáɓětenigi ɓuangbo na ngɔa gbútuka iɓɛ. Ɗáɓěme ɓuangbo na píndí. Ɓuangbo ɗáɓáɔkɔɓa na ɓáɔ́li mpoko á ɓamɔgɔgɔ na nnde á ɓamɛmɛ. Ɗáɓáendi ka keuka, tambaga na gea á ɓojeɗe ka phɔaɓɔ.