2 Ɓakɔlítɔ 11:6 - Ɔngana á Kɛ̌kɛ

⁶ Nanga ɓî kéoúba yɔnga ánjá, ne ndiu na úbapha phɛɛ. Ɗéɓenɔɔnisi kema bui base ka mbenɔ bui.

2 Ɓakɔlítɔ 11:6 Iomraidhean Croise

1 Ɓakɔlítɔ 1:17

Kiísito ɗákámoteki ka ɓatisa á ɓakpa, ɗámoteki ndiu ka tɔ̌mia á Mbino-Ánjá. Kɛ́ɔtɔmia ú na kɔɓɔɔngɛ á yɔnga á kokpa ka gea, kukuwa á Yéso ka moyangɔ kaɓɛmbɛ kángá kantíti.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 12:8

Měma á kanga ɓojeɗe aomopha nkpa egabɔ á yɔnga na kɔɓɔɔngɛ. Měma ndɔ tɔ, aomopha nkpa egabɔ á yɔnga nyɔngɔ á úbapha phɛɛ.

1 Ɓakɔlítɔ 2:13

Ɓéké ɔphɛa ú na yɔnga á kɔɓɔɔngɛ á kokpa, ɓe ndiu ɔphɛa na yɔnga nde Měma á Mokonga aosópha. Kaɓondɔ, ɓɛɔyɔnga nyɔngɔ á ka phɔa Měma á Mokonga na ɓakpa nde ɓá tɔ na Měma á Mokonga.

2 Ɓakɔlítɔ 10:10

Nga, ɓuangbo ɓáogea te: «Ɓaoɓa ndea Pɔ́lɔ akái na gbaga phɛɛ. Mbenɔ nde aoɓá sɔsɔɓɛ asu, áoɓá aɔlɔ, nyɔngɔ nɛkɛ â tɔ oɓá ecici.»

2 Ɓakɔlítɔ 12:12

Ɗɔ́ɓɔɔni nyɔngɔ ɗanga-ɗanga á nteki n'aɔtɔtɔkɛana sɔsɔɓɛ anu: Ɓá na měma á phiphia ka tombaga bui, mphangiɔ á ketangaɔ, ketangaɔ na kema á ɓukpɛkpɛ.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

2 Ɓakɔlítɔ 5:11

Cɔ, ɓeoúba kantíti á ɓánga á Mɔkɔta. Kaɓondɔ, ɓeokaɓa tɔka á ɓakpa ka měma aɓɔ. Mokonga aosóúba ánjá phɛɛ. Neseɓei phɔtɔ gea, ɓoósoúba ka měma anu.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

2 Ɓakɔlítɔ 7:2

Ambe měma anu ákoɗokanɛ ka ɓesu. Nga, ɓékéngǐí nkpa ájeɗe, ɓékémúji nkpa, ɓékémbɛɗanisigi nkpa ecici.

Ɓaɛphɛ́sɔ 3:4

Ɓî ɓootanga ɓaoɓa nɛmɔ, ɓoengekisande gea, neoúba nyɔngɔ á ɓɔsɔmɛa ndea Kiísito.