2 Ɓakɔlítɔ 11:4 - Ɔngana á Kɛ̌kɛ

⁴ Nndɔ atókani ka ɔna ɓî ɓomɓeeki nkpa buakɛ mmbé abiki mɔtɛ-anu na tɔ̌mia anu mbino á Yéso ɓaangbo, mmbé atingani na mmbé ɗéɓenɔtɔ̌mi mbino akɛ. Á bǎ í, ɓokamisigi ɓeekea á měma nɛngbo na mbino nɛngbo nde atingani na Měma á Mokonga na Mbino ánjá nde ɗɔ́ɓɔtɔi mɔtɛ-asu.

2 Ɓakɔlítɔ 11:4 Iomraidhean Croise

Málikɔ 7:9

Eya, ɓogi ánjá ka ya ɛɔphi ndea Mokonga ka gea te ɓótetemisɛ asii nɛnu.

Ekuma á ɓateki 4:12

A tɔ yɛ aámbé aǒamisa ɓakpa ka měma. Nga, ka mokonda bui nna tanda na ina nde Mokonga aeɓophi ɓakpa n'ana ɓukpɛkpɛ á amisa á ɓɔ ka měma.»

Ɓalɔ́ma 8:15

Cɔ, Měma á Mokonga nnde ɓɔtɔí mɔtɛ á Mokonga, nna měma índɔ á ngisa anu ka kɔkɔɓɛ na túmisa goto kɔɓɔɓɔkɔ suɓi anu, a ndiu Měma nde anobisi ɓóɓɛ ɓana-Mokonga. Ka nyɔngɔ á Měma ndɔ aunge ɓɛɔtɔka ɔphana á Mokonga «Abɛ.»

1 Ɓakɔlítɔ 3:11

Nga, ɛtɛ á kpanga á mɔphɛkɔ a ye ɓei, ande gea Yéso Kiísito. Nna ye na nkpa nde aɔtɔka n'abisi nɛngbo.

2 Ɓakɔlítɔ 11:1

Cɔ, ɓaya, ómophiphiani phɔ́ ábɔa ka yɔnga nde nɛɔyɔnga ɓea mbóbó. Eya, nɛnɔmɛmi gea, ómophiphiani!

2 Ɓakɔlítɔ 2:12

Cɔ, ka kiɗia ani ka Tɔ́a ka tɔ̌miaga á Mbino-Ánjá ndea Kiísito, ɗɛ́ɔni gea, Mɔkɔta ɗámokoɗei aphe ka bɛɗanaga kó.

Ɓagalatía 3:2

Cɔ, ómongoɗeani phɔ́, ɗɔ́ɓɔtɔi Měma á Mokonga ka nyɔngɔ nde ɗóɓoambi ɛɔphi na nna tɔ ka nyɔngɔ á ɔ́ka Mbino-Ánjá ndea Mokonga na ɓeekea í?

1 Timɔtɛ́ɔ 1:3

Ɓî ɗétúoga na Makɛdɔnía, ɗékongonɗi gea, óikɛ ka Ɛphɛ́sɔ. Kó, óimisiɛ ɓakpa nde ɓáogoisaga ɓɔphɛi á mbɛa.

1 Timɔtɛ́ɔ 2:5

Mokonga a tɔ mo. Mɔɔnganisi á ɓakpa na Mokonga a tɔ mo, n'ande nkpa, Kiísito Yéso,