2 Ɓakɔlítɔ 11:29 - Ɔngana á Kɛ̌kɛ

²⁹ Aoɓá nkpa na nna akpɛkpɛ, nê phɔtɔ ɔ̌yɔka ɓɔɛlu. Nkpa aogua ka ɓojeɗe, nyɔngɔ ndɔ áomokaea phɛɛ.

2 Ɓakɔlítɔ 11:29 Iomraidhean Croise

Matáyɔ 11:6

Maseye ka nkpa nde káɗeketɛku ɓeekea nɛkɛ ka nyɔngɔ ani.»

Yoáni 2:17

Ɓagoigi nɛkɛ ɓâ ye tɔ okanisia nyɔngɔ nde ɓáɗundu suɓi á Ɓuku á Mokonga ɓe: «Mokonga hoo! Ekondi á k'éndu nɛkɔ, ande ɓea nsa n'aǒtoɓoaga suɓi ani.»

Ɓalɔ́ma 12:15

Ɓáni na maseye na ɓunde ɓá na maseye. Gámani na ɓunde ɓáogáma.

Ɓalɔ́ma 15:1

Ambe ɓesu íɓunde ɓɛmɔti ka ɓeekea, ɓékumbɛni ɓoɗoko á ɓunde ɓákámɔtimbɛ ka ɓeekea. Kákeni ɓékaɓɛ nnde asɔɓɔngɛi.

1 Ɓakɔlítɔ 11:22

Cɔ, ɓókó n'endu nde anokeni ka eaga na noa kau? Ɓootondea kanisa ndea Mokonga, na konda á kusa na soni ɓakpa nde ɓáká na kema ee? Nénongoɗeɛ ɓo? Nénobebɛ? Kétanda onobeba k'índɔ.

1 Ɓakɔlítɔ 12:26

Aoɓá gbútuka á nyama moci n'aosamba, gbútuka bui â phɔtɔ osamba. Aoɓá gbútuka á nyama moci n'anobebɔ, gbútuka bui áoɓá na maseye kimoci na yɛ.

1 Ɓakɔlítɔ 15:36

Mbóbó nde ca! Ɓî ookona mbó, nnaɔtɔka n'atɛi na kákumbɛ phɔ́.

1 Ɓakɔlítɔ 8:13

Kaɓondɔ unge, aoɓá eea n'aongusa dani ka ɓojeɗe, kéeɛeka ye tanda nyama ka gea, kengúsɛ mɔnɔ dani.

1 Ɓakɔlítɔ 8:9

Ɛ́ngɛphani nga, ɓî ɓogbau, gbaua ndɔ, kěgúsɛ mɔnɔ gǎkɛ ɓakpa nde ɓeekea nɛɓɔ kámɔti.

1 Ɓakɔlítɔ 9:22

Mbenɔ nde nɛɔbɛɗanaga sɔsɔɓɛ á ɓakpa nde ɓákámɔtimbɛ ka ɓeekea, tambea ani aokengeana na nndɛaɓɔ ka gea, ɓámɓeekeɛ Kiísito. Eya, neǒyamea ka ɓakpa ɓɔbu ka gea, ɓakpa ɓunɛngbo sɔsɔɓɛ aɓɔ ɓáamɛ ka měma.

2 Ɓakɔlítɔ 13:9

Eya, ɓena maseye ɓî ɓeútú, ɓô gǎkɛ oɓá na ɓukpɛkpɛ. Kema nde ɓɛɔmmɛma Mokonga ka ɓenu ande gea ɓóɓɛ kángá ɓojeɗe.

Ɓagalatía 2:14

Ɓî nɛɔni ye gea tambea aɓɔ atingani na ɗoni á Mbino-Ánjá, néonkeea gǎkɛ Pɛ́tɛɛ mosá á ɓakpa ɓɔbu: «Oɓɛ, onde Moyúda! O gǎkɛ otambea ɓea nkpa na nna Moyúda. Cɔ, ka nyɔngɔ éke nde ǒsosea ɓakpa nde ɓáná Ɓayúda gea, ɓátambeɛ ɓea Ɓayúda?»

Ɓagalatía 6:2

Ɓî a ɓó, ambe nkpa na nkpa ákumbɛ ɓoɗoko á dakɛ. K'aphe ndɔ unge, ɓoɓeande ɛɔphi ndea Kiísito.

Mphaniɔ 2:2

Neoúba ekuma nɛkɔ, na tambea nɛkɔ, na phiphia á tambaga nde ophiphíí. Ne phɔtɔ oúba gea kɔ́ɔtɔka n'ogamani na ɓato á ɓojeɗe. Ɗóǒtombigi ɓunde ɗáɓáǒgea sasaɓɔ, ɓánde ɓateki na ɓáká gǎkɛ ɓateki, ɗóǒɓúbi gea, ɓánde ɓato á mbɛa.

Mphaniɔ 2:20

Cɔ, ne gǎkɛ na oyeyɔ k'óɓɛ. Oomɓɛya nke ndɔ Yɛjɛbɛ́li gea ábɛɗanɛgɛ, mmbé aɔyɔnga sasakɛ gea, ande nke mɔtu-nyɔngɔ ndea Mokonga. A gǎkɛ ɔ̌phɛa ɓabɛɗanigi nɛmɔ na ɓungisaga aɓɔ k'aphe ótungɔ, na ea á nyama nde ɓáphúi ka phɛ́a á ɓamokonga á mbɛa.