2 Ɓakɔlítɔ 11:28 - Ɔngana á Kɛ̌kɛ

²⁸ Ɗéké yɔngi nyɔngɔ nɛngbo bui, néoianaga phɛɛ esa bui ka nyɔngɔ á kanisa bubui.

2 Ɓakɔlítɔ 11:28 Iomraidhean Croise

1 Ɓakɔlítɔ 7:17

Cɔ, kaɓɛ na nna ɓó, akeni nkpa na nkpa áendɛ ka etéte á enda nde Mokonga ɗámophi. Áendɛ phɔtɔ ɓea ɓî ɗátú, Mokonga na kámɔphanimbɛ. Ɓɔphɛi ndɔ unge nɛɔphɛa ka kanisa bui.

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

Ɓakɔlɔsái 2:1

Nekondi gǎkɛ ɓóúbɛ ɓî nɛɔbɛɗanaga akpɛ ka phɔanu, ka phɔa ɓaɓêki á ka Laɔdikía na ka phɔa ɓakpa ɓɔbu ɓunde ɓákámɔɔnimbɛ mɔnɔ.

Ɓalɔ́ma 16:4

Ɓɔ, ɗáɓáóloki ka kukuwa ka nyɔngɔ á amisa ani. Eme na kanisa bui nde nna á Ɓayúda, ɓeésegi ɓɔ.

Ɓalɔ́ma 11:13

Neonóngoɗea ɓenu íɓundɔ ɓókó Ɓayúda gea: Nende nteki nɛnu. Ɓî a ɓó, nena maseye k'ékuma nɛmɔ.

Ekuma á ɓateki 18:23

Mbusa á ika kó k'ésa ábɔa, áoga. Áɔtɔmba nji moci-moci á Galatía na Phuigía n'aógbagisaga ɓagoigi ɓɔbu ka měma.

Ɓalɔ́ma 1:14

Nende mbɛɗanigi ka enga ɓakpa ɓɔbu. Enga Ɓagiíki na enga á ɓunde ɓáná Ɓagiíki. Enga á ɓaúbaphi na enga á ɓabóbó.

Ekuma á ɓateki 20:2

Ɓî ɗátúɔtɔmba nji ndɔ, ɗáɔ̌phɛa ɓagoigi nyɔngɔ ásii á gbagisaga á ɓɔ měma. Mbusa índɔ, áoga ka nji á Ɓagiíki,

Ekuma á ɓateki 15:36

Mbusa á ɓ'esa ábɔa, Pɔ́lɔ áongoɗea Baanába te: «Ɓéjɛ phɔ́ ka ɛnjɛa ɓadasu ɓaɓêki ka ntanga-nji moci-moci nde ɗɛ́ɓɛtɔ̌migi nyɔngɔ ndea Mɔkɔta, ka ɛnjɛa ámbé enda aɓɔ a ɓo.»

Ekuma á ɓateki 9:31

Ka matú ndɔ, ɓato á kanisa ɗáɓátú na ɓujɛjɛ suɓi á Yudɛ́a bui, Galiláya, na Samalía. Ɓáɔmɔta ka měma na ɓánga á Mɔkɔta, Měma á kanga ɓojeɗe áǒɓikisa phɛɛ.