Ɓókóúmanɛ mɔnɔ. Aoɓá n'ande ka nyɔngɔ á mɛma á Mokonga, ɔ́kanani ko ɓaɓɛ anu ka mbenɔ ábɔa. Mbusa í, ɓóodondana ka ɓánga gea, Sɛtáni kanótombɛgɛmbɛ, ka nyɔngɔ nde, ɓókó na ɓukpɛkpɛ á amba nyama anu.
Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.
Ɗáɓásóɓindi na makea asu ka mekakɔ, ɓakpa ɓáosobikisia oyombɔ, ekuma áosóphûmisa, ɓékéɓɛ na tɔ̌ k'íso na ika kángá eaga ka nyɔngɔ á mɛma Mokonga.
Neoúba enda suɓi á ɓuyɛnɛ, néoúba phɔtɔ enda suɓi á ɛtɔi. Ɗénegoigi esa bui na ɔma bui ɓá n'ekuta na ɓá na nja, ɓuiki á ɛtɔi na ɓuiki á ɓuyɛnɛ.
Ɓáɔ̌ɓɛta ɓuangbo n'ɛtɛ ɓáokuwa. Ɗáɓětenigi ɓuangbo na ngɔa gbútuka iɓɛ. Ɗáɓěme ɓuangbo na píndí. Ɓuangbo ɗáɓáɔkɔɓa na ɓáɔ́li mpoko á ɓamɔgɔgɔ na nnde á ɓamɛmɛ. Ɗáɓáendi ka keuka, tambaga na gea á ɓojeɗe ka phɔaɓɔ.