2 Ɓakɔlítɔ 11:26 - Ɔngana á Kɛ̌kɛ

²⁶ Ka tamba nɛmɔ ɗanga-ɗanga, ɗétambigi ásii phɛɛ: Tɔta na koko ka ɔɓa ka nyɔngɔ á tuma á iɓo phɛɛ, púa na ɓato á oyombɔ, púa na ɓakpa ájeɗe á k'ékuna nɛmɔ na ɓunde á k'ékuna nɛngbo. Ɗéóloki kukuwa ka nji, ka nkanda, ka oɓenge na ka ɔlɔ á ɓadani á mbɛa.

2 Ɓakɔlítɔ 11:26 Iomraidhean Croise

Ekuma á ɓateki 13:45

Ɓî Ɓayúda ɗáɓáɔni usɛsɛ á ɓakpa ndɔ, ɓáotúma na nsengo, ɓáongana ɓɔphɛi ndea Pɔ́lɔ na bóma akɛ.

Ekuma á ɓateki 13:50

Ɓayúda ɓâ ndiu ǒyombokisa ɓakɔta á nji, na ɓake á koomba ɓundɔ ɗáɓáombeba Mokonga. Ɓɔ, ɓáokpanga tambisaga á Pɔ́lɔ na Baanába, ɓáǒɓeaga ka nji nɛɓɔ.

Ekuma á ɓateki 14:19

Mbusa, Ɓayúda á ka Antiɔkía na Ikɔníɔ, ɓáɔsɔia usɛsɛ á ɓakpa gea ɓágamanɛ na ɓɔ, ɓámmowɛ Pɔ́lɔ ka ɓɛtaga akɛ n'ɛtɛ. Ɓáonga ně ka ngba á ntanga-nji, ɓáokanisia te aku.

Ekuma á ɓateki 14:5

Ɓayúda na ɓunde ɓáná Ɓayúda, na ɓakɔta nɛɓɔ, ɓâ gǎkɛ osuia tambisaga Pɔ́lɔ na Baanába, na mowa aɓɔ ka ɓɛtaga aɓɔ n'ɛtɛ.

Ekuma á ɓateki 15:40

Pɔ́lɔ â gǎkɛ ɔnsɔmbɔa nɛkɛ Síla. Mpɔ, ɓaɓêki ɓáɔmɛma Mokonga ka phɔa á ɓɔ gea, ɓágɛ na ɓonjánja-ékondi ndea Mɔkɔta.

Ekuma á ɓateki 17:13

Cɔ, ɓî Ɓayúda á ka Tɛsalɔníka ɓáɔ́ki gǎkɛ gea, Pɔ́lɔ a phɔtɔ ɔphɛa nyɔngɔ á Mokonga ka Bɛlɔ́ya, ɓáɔ̌gɛndɛa kó ka yombokisa na ɗengisa á ɓakpa.

Ekuma á ɓateki 17:5

Ɓayúda ɓâ ndiu oɓá na nsengo, ɓáodondanisa usɛsɛ á ɓakpa jǎi-jǎi ɓundɔ ɗáɓědondi k'ɔ́ma ɗanga-ɗanga, ɓáoyombokisa ntanga-nji. Ɓáokiɗia k'éndu ndea Yasɔ́ni, ɓáǒkaɓa Pɔ́lɔ na Síla ka gǎ na ɓɔ mosá á madondanɔ.

Ekuma á ɓateki 18:12

Cɔ, ka matú nde Galíɔ ɗátú mɔkɔta ndea Ɓalɔ́ma ka Akáya, Ɓayúda ɗáɓájúkani gǎkɛ ka maca á Pɔ́lɔ, ɓáombika ně ka ntua á tena á nyɔngɔ.

Ekuma á ɓateki 19:1

Ɓî Apɔ́lɔ ɗátú ka Kɔlítɔ, Pɔ́lɔ áophoɗa ka nji á mamba-mamba, áodida ka Ɛphɛ́sɔ. Kó, áǒdonda ɓagoigi ɓuangbo,

Ekuma á ɓateki 19:23

Ka matú ndɔ unge, ɓakpa ɗáɓáyomboki phɛɛ ka phɔa á aphe ndea Mɔkɔta.

Ekuma á ɓateki 20:19

Ɗɛ́ɔmbɛɗaneaga Mɔkɔta k'edidisa bui, na iɓo á ngamɔ, suɓi á tambaga nde Ɓayúda ɗáɓáomotambisaga ka nyɔngɔ á maca nɛɓɔ.

Ekuma á ɓateki 20:3

áoika kó ka ɓasonge ɓasaɔ. Na asôkambea ka koko ka gǎ na Sulía, áɔɔ́ka gea Ɓayúda ɓáonca. Kaɓondɔ, áosuia sikianaga k'aphe á Makɛdɔnía.

Ekuma á ɓateki 23:10

Ɓî eongo ɗátú ye akpɛ, mɔkɔta á ɓato émani áoɓánga gea, ɓakpa ndɔ ɓáncoagande Pɔ́lɔ. Kaɓondɔ, áǒsosea ɓato émani gea, ɓágɛmbɛɗɛ Pɔ́lɔ sɔsɔɓɛ aɓɔ, ɓángɛ ně ka ɓogaɔ á ɓato émani.

Ekuma á ɓateki 25:3

gea, ɓáɔni ánjá ɓámbikisɛ ka ɓɔ Pɔ́lɔ na Yɛusalɛ́ma. Nga, ɗáɓáɔ́kani na bisa á ɓakpa k'aphe ka gea, ɓámmowɛ Pɔ́lɔ.

Ekuma á ɓateki 27:42

Ɓato émani ɗáɓáogea, ɓáemowɛ ɓato á mekakɔ ka nyɔngɔ nde, ɗáɓákákondi gea, ka ɓɔ moci kateɛmbɛ n'aɔɔ́ga.

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

Ɓalɔ́ma 8:35

Ekende áɔtɔka katanisa asu n'ekondi ndea Kiísito? Tambaga, kema ájeɗe nde aoúja měma á nkpa, kisoni, nja, ɓuyɛnɛ á ngɔ́mbɛ, ɓiá, kukuwa?

1 Ɓakɔlítɔ 15:30

Cɔ, ɓesu, ka nyɔngɔ sina nde ɓeǒmakea ka kukuwa mbenɔ bui?

1 Ɓakɔlítɔ 15:32

Cɔ, atú oɓá na ɗémani na ɓanyama á kae-kae ka Ɛphɛsɔ ka nyɔngɔ á kokpa, ekende nɛtɔi kau? Kaɓɛ ɓasí na ɓákáojujuka ka kukuwa, a tɔ ɓíndɔ ɓáyɔngi ka mɛní gea: «Ɓéɛgɛni na ɓénoɛni nga, mama, ɓekuwande.»

2 Ɓakɔlítɔ 11:32

Ɓî ɗétú ka Damasíki, mɔkɔta moci mmbé ɗáɔbɛɗanaga kusi á kɔkɔta ndea moamɛ Aɛ́ta, áǒbisa ɓaambi ka nji ka gea, ɓámodungɛ.

Ɓagalatía 2:4

nanga ɓî ɓana-ayi ɓájeɗe ɓáunge ɗáɓáonsosea. Ɓɔ, ɗáɓáengisi sɔsɔɓɛ asu ka ɓɔsɔmɛa ka bika sɔna ɓî ɓeoenda ánjá ka ɔngana asu na Kiísito. Ɗáɓátú na mɔphɛ á bisa asu ɓea ɓakɔɓɛ nɛɓɔ.