2 Ɓakɔlítɔ 11:23 - Ɔngana á Kɛ̌kɛ

²³ Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 11:23 Iomraidhean Croise

Ekuma á ɓateki 14:19

Mbusa, Ɓayúda á ka Antiɔkía na Ikɔníɔ, ɓáɔsɔia usɛsɛ á ɓakpa gea ɓágamanɛ na ɓɔ, ɓámmowɛ Pɔ́lɔ ka ɓɛtaga akɛ n'ɛtɛ. Ɓáonga ně ka ngba á ntanga-nji, ɓáokanisia te aku.

Ekuma á ɓateki 20:23

Měma á kanga ɓojeɗe amoengekisi ndiu gea, ka ntanga-nji bui mekakɔ na tambisaga aomoɓondea.

Ekuma á ɓateki 21:11

áosóbikia. Áɔbɛɗa angeɗe ndea Pɔ́lɔ, áǒɓóaga ně k'écinji na ka njaga, áogea: «Měma á kanga ɓojeɗe agi ɓe: Ɓende unge Ɓayúda á ka Yɛusalɛ́ma ɓámɓóagande mɛna-angeɗe ndee, ɓáombisa ka njaga á ɓakpa nde ɓáná Ɓayúda.»

Ekuma á ɓateki 25:14

Ɓî ɗáɓáɗe kó esa ásii, Phɛ́sitɔ áongoɗeaga Moamɛ Agiípa nyɔngɔ gǔ á Pɔ́lɔ te: «Nkpa moci a wani, Phelíki ɗánɗeketi ka mekakɔ.

Ekuma á ɓateki 27:1

Ɓî ɗáɓáphángí gea ɓeoga ka koko na Italía, ɓáombisa Pɔ́lɔ na ɓato á mekakɔ ɓunɛngbo ka njaga á ká ɓakɔta moci á Ɓalɔ́ma, ina akɛ Yulío mmbé ɗátú mɔkɔta á ekombo á ɓato émani nde ɓáɔɔphana «Ekombo á ɓato émani ndea moamɛ á Ɓalɔ́ma.»

Ekuma á ɓateki 28:16

Ɓî ɓejú ye ka Lɔ́ma, ɓáonsosea Pɔ́lɔ, áikɛ k'ɔ́ma ínɛkɛ sasakɛ na nto émani nde ɗáonamba.

Ekuma á ɓateki 28:30

Cɔ, Pɔ́lɔ áoika ɓasaga ɓaɓɛ k'éndu nde yɛ ɗáǒphendea. Áǒsesea ɓakpa ɓɔbu ɓunde ɗáɓáobika motɛ-akɛ,

Ekuma á ɓateki 9:16

Eme gǎkɛ, nemphangiande tambisaga bui nde ɓángeande ně ka nyɔngɔ ani.»

Ɓalɔ́ma 8:36

Ɓáɗundu suɓi á Ɓuku á Mokonga ɓe: «Ka nyɔngɔ akɔ unge kukuwa aosókena esa bui. Ɓáɔsɔɔna ɓea ɓamɔgɔgɔ nde ɓákeni na kukuwa.»

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

1 Ɓakɔlítɔ 3:5

Cɔ, Apɔ́lɔ ande ani? Pɔ́lɔ ande ani? Ɓe tɔndɔ ɓabɛɗanigi, ɓunde ɗóɓoɓeeki ka ɓeana na ɓɔphɛi nɛɓɔ. Nkpa na nkpa ɗátɔtɔkisi ekuma ɓíndɔ Mokonga ɗángabei.

1 Ɓakɔlítɔ 4:1

Kaɓondɔ, ósobɛɗani ɓea ɓabɛɗanigi ndea Yéso Kiísito, ɓɛɔbɛɗanaga ka tɔ̌mia nyɔngɔ á ɓɔsɔmɛa ndea Mokonga.

1 Ɓakɔlítɔ 4:11

Na ka kɛ̌kɛnde, ɓena nja n'ɛnyɔta, ɓena ɓuyɛnɛ á ngɔ́mbɛ, ɓáosótambisaga, ɓeoga na ɓeótambeaga kángá ɔma á ɓuiki.

1 Ɓakɔlítɔ 4:9

Nga, neokanisia te, Mokonga ɗásobisi ɓesu ɓateki ɓato á mbusa phɛɛ. Ɓáosotanga ɓea ɓakpa nde ɓáteni nyɔngɔ nɛɓɔ akpɛ ka kukuwa. K'índɔ unge ɓato á ka mokonda bui na ɓamalaéka ɓá ye tɔ osotangaaga.

2 Ɓakɔlítɔ 10:7

Ɓo tɔ kɔɛnjia kema gǔ-gǔ. Aoɓá nkpa n'aoúba te, ande nkpa ndea Kiísito, áúbɛ phɔtɔ gea, ɓesu ɓe phɔtɔ ɓó.

2 Ɓakɔlítɔ 11:5

Cɔ, neokanisia te, ɓateki ndɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 4:11

Nanga ɓî ɓe phɔ́tɔ oenda, ɓe bíbí á kukuwa ka nyɔngɔ á Yéso, ka gea enda akɛ áɔnɛkanɛ ka nyama á kukuwa nde ɓeně.

2 Ɓakɔlítɔ 6:9

Ɓáɔsɔ́ɔna ɓea ɓakpa nde ɓákáoúbukana, na ɓe ndiu oúbukana ánjá. Ɓáɔsɔ́ɔna ɓea ɓasí na ɓe phɔ́tɔ koenda. Ɓáosótamɓisaga kángá á mowa asu.

Ɓagalatía 6:17

Kpanga á kɛ̌kɛnde, nkpa kamotambisɛgɛmbɛ ye goto. Nga, epe-epe nde neně ka nyama ani, ande ka nyɔngɔ á Yéso.

Ɓaɛphɛ́sɔ 3:1

Kaɓondɔ unge, eme Pɔ́lɔ nɛɔmɛma Mokonga. Ne ka mekakɔ ka nyɔngɔ ékuma ndea Yéso Kiísito ka phɔanu ɓenu íɓunde ɓókó Ɓayúda.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 6:20

Nende ntɔnganisi á Mbino-Ánjá, ka nyɔngɔ í unge ne ka mekakɔ. Kaɓondɔ, mɛmani Mokonga gea, nɛ́tɔmiɛgɛ ú na nténdé ɓíndɔ akenani ně.

Ɓaphilípi 1:13

Nga, ɓaɓondigi ɓɔbu éndu ndea moamɛ angbóngbó na ɓakpa ɓunɛngbo ɓɔbu, ɓáoúba base gea, ne ka mekakɔ ka nyɔngɔ á bɛɗaneaga á Kiísito.

Ɓaphilípi 2:17

Nanga ɓámomowa gǎkɛ ɓea nyama á phɛ́a ka nyɔngɔ á ekuma á ɓeekea nɛnu nnde ande ɛkɔmi ka Mokonga, nena maseye k'índɔ, nésikia ɓá na maseye kimoci na ɓenu ɓɔbu.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

Ɓakɔlɔsái 1:29

Ka nyɔngɔ índɔ unge nɛɔbɛɗanaga na mana na ɓukpɛkpɛ nde Kiísito aomopa. Nndɔ aomoenga ka tɔtɔkisa ekuma na ɓukpɛkpɛ.

1 Ɓatɛsalɔníka 3:2

ɓéonótekisia Timɔtɛ́ɔ k'aphe á gbagisa anu ka měma na phɛá anu gea te, ɓɔ́mɔtɛ ka ɓeekea á Mokonga. Yɛ ande dasu mbɛɗanigi ékuma ndea Mokonga. A phɔtɔ ɔɛmbisa Mbino-Ánjá ndea Kiísito.

1 Timɔtɛ́ɔ 4:6

Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

2 Timɔtɛ́ɔ 1:16

Ambe Mɔkɔta áɛgeɛ ekombo ndea Ɔnɛsiphɔ́ɔ ɓonjánja nga, ɗáomogbagisaga měma mɔngɔ ásii, kángá á kuwa na soni ɓî ne ka mekakɔ.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

2 Timɔtɛ́ɔ 2:9

Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

2 Timɔtɛ́ɔ 3:11

Ɔphɔtɔ oúba ɓî ɓakpa ɓámodaɗi na tambisaga ani ka Antiɔkía, Ikɔnía, na ka Lísta. Eya, ɗétambigi phɛɛ. Mɔkɔta â gǎkɛ ómoamisa kíndɔ bui.

Philɛmɔ́nɔ 1:9

nekondi gǎkɛ ɗengemisaga akɔ ɓó k'ína ékondi. Eya, eme Pɔ́lɔ, ne ye ngbɛga, na kɛ̌kɛnde ne phɔ́tɔ nto á mekakɔ ka nyɔngɔ á Kiísito Yéso.

Ɓaɛbulanía 10:34

Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.