2 Ɓakɔlítɔ 11:18 - Ɔngana á Kɛ̌kɛ

¹⁸ Ɓakpa ɓásii ɓáǒbeba ɓea ɓato á ka mokonda ndee. Eme gǎkɛ něbebande phɔtɔ.

2 Ɓakɔlítɔ 11:18 Iomraidhean Croise

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

2 Ɓakɔlítɔ 1:17

Ɓî ɗéangi ɓó, ande gea te, neoanganisaga moangɔ nɛmɔ? Ɓî neoanga moangɔ ndɔ, neoanga ka kokpa, ka ɓeekea nyɔngɔ na yá í mongɔ ímoci?

2 Ɓakɔlítɔ 11:12

Kema nde neogea kɛ̌kɛnde, nɛsɛkisiande goto ka gea, ɓakpa nde ɓáokáɓa ébeba k'ékuma nɛɓɔ ɓea ɓesu, ɓákáɓɛmbɛ na ɓukpɛkpɛ í.

2 Ɓakɔlítɔ 12:1

Ambe néeɗokomisɛ nanga ɓî nna na kantíti. Neogea nɛ́yɔngɛ gǎkɛ mphaniɔ ndea Mɔkɔta k'éme.

2 Ɓakɔlítɔ 12:11

Eme Pɔ́lɔ nɛɔyɔnga ɓea mbóbó nga, ɓenu Ɓakɔlítɔ ɓáunge ɓomososei nndɔ. Nanga ɓî kéna kantíti mosá anu, atókeni ɓenu ɓáunge ɓómoɗokomisɛ. Ɓateki nɛnu ɓundɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 12:9

Mpɔ, Mokonga â gǎkɛ omosikisia gea: «Ɓonjánja ékondi nɛmɔ k'óɓɛ áɓɛ phɔ́ úngaa! Ɓukpɛkpɛ nɛmɔ atɔtɔkɛani suɓi á ɓɔɔlɔ nɛkɔ.» Kaɓondɔ, eme Pɔ́lɔ, nekondi gǎkɛ, néebebɛ ka nyɔngɔ á ɓɔɔlɔ nɛmɔ ka gea te, ɓukpɛkpɛ ndea Kiísito ámogbukumiɛ.

2 Ɓakɔlítɔ 5:16

Kaɓondɔ unge ɓéké ye ɔmbɛɗa nkpa n'etéte á kokpa akɛ. Nanga ɓî ɗéɓɛmbɛɗi Kiísito kala n'etéte á kokpa, kɛ̌kɛnde ɓéké ye ɔmbɛɗa n'etéte ɓíndɔ.

1 Pɛ́tɛɛ 1:24

Nga, ɗáɓáɗundu suɓi á Ɓuku á Mokonga ɓe: «Ɓakpa ɓɔbu ɓá ɓea ɔphɔ, ɓoombia nɛɓɔ bui a ɓea maya á ɔphɔ. Ɔphɔ áɔɔmɔkaka, maya áotitikana.