2 Ɓakɔlítɔ 11:13 - Ɔngana á Kɛ̌kɛ

¹³ Nga, ɓakpa ndɔ, ɓánde ɓateki á mbɛa, ɓánde phɔtɔ ɓademigi k'ékuma nɛɓɔ, ɓáǒdemisaga gea, ɓánde ɓateki ndea Kiísito.

2 Ɓakɔlítɔ 11:13 Iomraidhean Croise

Matáyɔ 25:24

Mmbɔ ɗábɛɗi imɔna á láté moci áombîmisia mɔkɔta, áongea te: ‹Mɔkɔta! Nɛmɔɔúba gea te, onde nkpa akpɛkpɛ: Ooɗungua ɔma nde kókonanigi, ɔɔkɔngɔa ɔma nde kómisí mbó.

Ekuma á ɓateki 15:1

Mbusa, ɓakpa ɓuangbo, ɓunde ɗáɓátóki na Yudɛ́a, ɓáoga ka ntanga-nji á Antiɔkía á ka Sulía. Ɓáju ye kó, ɓáokpanga goisaga á ɓadaɓɔ ɓaɓêki ɓɔbu nyɔngɔ ndee: «Aoɓá na ɓókógú ganja ɓíndɔ ɛɔphi ndea Mósa asosi, ɓókótɔkɛku na ɓoami ka měma.»

Ekuma á ɓateki 15:24

Ɓɛɔ́ki gea, ɓakpa ɓuangbo ka ɓesu ɓátóki koni kángá á moangɔ nɛsu. Ɓáonóagatisa na kɔɓisa á měma anu na nyɔngɔ nɛɓɔ.

Ekuma á ɓateki 20:30

Sɔsɔɓɛ anu phɔtɔ, ɓademigi ɓákiɗianande ɓáɔyɔnga mbɛa na ɓootea á ɓaɓêki k'aphe nɛɓɔ.

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

2 Ɓakɔlítɔ 11:15

Cɔ, nna gǎkɛ nyɔngɔ á tangaaga aoɓá ɓabɛɗanigi ndea nketi na ɓáégai ka ɓá ɓabɛɗanigi á koɗoni ndea Mokonga. Kaɓondɔ, sungiaga aɓɔ aɓeanande n'ekuma nɛɓɔ.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

Ɓagalatía 1:7

Eya, nna na Mbino-Ánjá nɛngbo, a ndiu tɔ na ɓakpa nde ɓáonoyombokisa na kaɓa á gaía Mbino-Ánjá ndea Kiísito.

Ɓagalatía 2:4

nanga ɓî ɓana-ayi ɓájeɗe ɓáunge ɗáɓáonsosea. Ɓɔ, ɗáɓáengisi sɔsɔɓɛ asu ka ɓɔsɔmɛa ka bika sɔna ɓî ɓeoenda ánjá ka ɔngana asu na Kiísito. Ɗáɓátú na mɔphɛ á bisa asu ɓea ɓakɔɓɛ nɛɓɔ.

Ɓagalatía 4:17

Ɓakpa ndɔ ɓáɔnɔɓɔngaga, na mɔphɛ aɓɔ nna ánjá ka ɓenu. Mɔphɛ aɓɔ a ndiu gea, ɓánokatanisɛ n'eme ka gea te, ɓóbisɛ mɔphɛ anu ka nyɔngɔ nɛɓɔ.

Ɓagalatía 6:12

Ɓakpa ɓunde ɓáokáɓa gúsisa anu ganja k'akpɛ, ɓánde ɓakpa ɓunde ɓáokonda ébeba ka nyɔngɔ á kokpa. Ɓáogea ɓó ka ɓánga tambaga ka moyangɔ ndea Kiísito.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

Ɓaphilípi 3:18

Ne ye nongoɗi nyɔngɔ nde mɔngɔ ásii. Kɛ̌kɛnde, nesikíí goto ú na neogáma: Ɓakpa ɓásii ka tambea aɓɔ ájeɗe, ɓánde ɓaɓiɓia á moyangɔ ndea Kiísito.

Ɓaphilípi 3:2

Óambani na ɓato-ájeɗe, ɓambwa ndee ɓunde ɓáotetemisa nyɔngɔ á gua ganja á epe-epe.

Ɓakɔlɔsái 2:4

Nɛyɔngi nndɔ ka gea, nkpa kanódemɛgɛmbɛ nanga ánɔɓɔngaga.

Ɓakɔlɔsái 2:8

Óambani ka gea, nkpa kanótombɛgɛmbɛ ka ɓɔngaga anu na nyɔngɔ á mbɛa á kanga kantíti á kɔɓɔɔngɛ, nnde aotóka ka ɓato á ka mokonda. Nndɔ aotóka ka asii á ɓakpa na měma ájeɗe á ka mokonda. Nndɔ nna gǎkɛ ka Kiísito.

1 Yoáni 2:18

Ɓaniki amɔ, mbenɔ á sungiaga ungee. Ɗɔ́ɓɔɔ́ki gea te, Mɓiɓia á Kiísito aobika. Ɓaɓiɓia akɛ ɓá ye sɛnɛki ye tɔ ɓásii na ɓeúbi gea, ɓe ye tɔ ka mbenɔ á sungiaga.

1 Yoáni 4:1

Ɓadani ékondi, ɓókǒɓeekeɛmbɛ ɓundɔ ɓáogea, ɓána Měma á Mokonga. Akeni ɓɔ́cɔcɛ ka ɗigimisa mmbe měma kau atóki mɔtɛ á Mokonga. Nga, ɓaɔtu-nyɔngɔ á mbɛa ɓáɓiki phɛɛ ka mokonda.

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 2:2

Neoúba ekuma nɛkɔ, na tambea nɛkɔ, na phiphia á tambaga nde ophiphíí. Ne phɔtɔ oúba gea kɔ́ɔtɔka n'ogamani na ɓato á ɓojeɗe. Ɗóǒtombigi ɓunde ɗáɓáǒgea sasaɓɔ, ɓánde ɓateki na ɓáká gǎkɛ ɓateki, ɗóǒɓúbi gea, ɓánde ɓato á mbɛa.

Mphaniɔ 2:20

Cɔ, ne gǎkɛ na oyeyɔ k'óɓɛ. Oomɓɛya nke ndɔ Yɛjɛbɛ́li gea ábɛɗanɛgɛ, mmbé aɔyɔnga sasakɛ gea, ande nke mɔtu-nyɔngɔ ndea Mokonga. A gǎkɛ ɔ̌phɛa ɓabɛɗanigi nɛmɔ na ɓungisaga aɓɔ k'aphe ótungɔ, na ea á nyama nde ɓáphúi ka phɛ́a á ɓamokonga á mbɛa.

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.