2 Ɓakɔlítɔ 11:10 - Ɔngana á Kɛ̌kɛ

¹⁰ Ɓî ɗoni á Kiísito a suɓi ani, nɛyɔngi ɓe: Nna na nkpa nde aɔtɔka imisiani ébeba k'índe neogea ka Akáya. Ɓákámoútɛku ɓoombia í.

2 Ɓakɔlítɔ 11:10 Iomraidhean Croise

Ekuma á ɓateki 18:12

Cɔ, ka matú nde Galíɔ ɗátú mɔkɔta ndea Ɓalɔ́ma ka Akáya, Ɓayúda ɗáɓájúkani gǎkɛ ka maca á Pɔ́lɔ, ɓáombika ně ka ntua á tena á nyɔngɔ.

Ekuma á ɓateki 18:27

Mbenɔ nde Apɔ́lɔ ɗáokonda gǎ na Akáya. Ɓaɓêki á ka Ɛphɛ́sɔ ɓáomopha ɓukpɛkpɛ, ɓáoɗundua ɓaoɓa gea te, ɓaɓêki á ka Akáya ɓánseseɛ ánjá. Ajú ye kó, áǒenga phɛɛ ɓunde ɓá ye ɓaɓêki ka ɓonjánja-ékondi ndea Mokonga.

Ɓalɔ́ma 1:9

Cɔ, Mokonga mmbé nɛɔmbɛɗaneaga na měma ani bui ka tɔ̌miaga Mbino-Ánjá ndea Anakɛ, aoúba gea nnde nɛɔyɔnga ande ɗoni. Yɛ, aoúba gea neonókanisia esa bui.

Ɓalɔ́ma 16:5

Něsambei phɔtɔ ɓato á ka kanisa ɓunde ɓáodondanaga k'éndu mɔtɛ-aɓɔ. Nensambei dani ékondi Ɛpɛnɛ́tɔ, mmbé ɗátú mɓêki á k'ama mosá-mosá ndea Kiísito ka Asía.

Ɓalɔ́ma 9:1

Nɛɔyɔnga ɗoni ka jukana na Kiísito, ké gǎkɛ ɔyɔnga mbɛa. Měma á kanga ɓojeɗe asɔndɔi měma ani ka ɗigimisa gea, nɛɔyɔnga ɗoni.

1 Ɓakɔlítɔ 16:15

Ɓooúba gea Sɛtɛphána n'ekombo nɛkɛ ɓánde ɓakpa nde ɗáɓámɓeeki Kiísito k'ama mosá-mosá ka ntanga-nji ndea ka Akáya. Ɓɔ ɓáunge ɓáɔ̌bɛɗaneaga ɓaɓêki. Ɓaya, nenóɗengemisigi gea,

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

2 Ɓakɔlítɔ 1:23

Eme gǎkɛ, nembisi Mokonga nɗigimisi ka enda ani. Aoɓá na nɛɔyɔnga mbɛa, ámomowɛ. Kéji ye na Kɔlítɔ ka nyɔngɔ nde neonokuia ngomi.

2 Ɓakɔlítɔ 10:15

Cɔ, ɓékéǒɗokomisa amanyɛ́nyɛa ka nyɔngɔ á ekuma ndea ɓakpa ɓuangbo. Ɓeseɓei ndiu gea, ɓɔmɔtande ka ɓeekea nɛnu. Mpɔ, ekuma nɛsu â phɔtɔ ondanda sɔsɔɓɛ anu na sikia gǎkɛ tɔ ka muwɔ nde ɗáɓásóbisíí.

2 Ɓakɔlítɔ 11:12

Kema nde neogea kɛ̌kɛnde, nɛsɛkisiande goto ka gea, ɓakpa nde ɓáokáɓa ébeba k'ékuma nɛɓɔ ɓea ɓesu, ɓákáɓɛmbɛ na ɓukpɛkpɛ í.

2 Ɓakɔlítɔ 11:31

Mokonga, Aba-Mɔkɔta Yéso, mmbɔ obebɔ nɛkɛ ande mɛyɔ, aoúba gea, kɛ́ɔyɔnga mbɛa.

2 Ɓakɔlítɔ 12:19

Kanisia anu esa nde bui ande gea te ɓemɔ̂ kǒunia ka yɔnga mosá anu? Nna ɓó! Ɓɛɔyɔnga mosá á Mokonga, ɓíndɔ Kiísito aokonda, ka nyɔngɔ á mɔtisaga anu ka měma.

2 Ɓakɔlítɔ 9:2

Neúbi ye mɔphɛ ánjá nɛnu. Kaɓondɔ, něbebi ka nyɔngɔ anu, mosá á ɓato á ka Makɛdɔnía, néǒgea te: «Ɓakiísito á ka Akáya, ɓá ye ɛ́ɓɔngisigi ka taɓeá kpanga ka saga nde anyɛ́nyima.» Moíngí nɛnu, aéɓotei ɓakpa ɓásii ka ɔlɔ aɓɔ.

Ɓagalatía 1:20

Cɔ, nenóngoɗi ɗoni mosá á Mokonga gea, kema nde nenóɗundui nna mbɛa.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

1 Ɓatɛsalɔníka 2:10

Ɓonde ɓaɗigimisi nɛsu, na Mokonga phɔtɔ, ɓî tambea asu mosá anu ɓenu ɓaɓêki, ɗátú ánjá, kángá á ɓojeɗe, na kángá á kisɛki.

1 Ɓatɛsalɔníka 2:5

Ɓoúbi phɔtɔ gea, ɓékéǒbeba ɓakpa jǎi ka nyɔngɔ ékondisaga na ɓɔ, ɓéké phɔtɔ okáɓa imɔna ka nyɔngɔ á ɓɔphɛi nɛsu. Mokonga aámbé ande nɗigimisi.

1 Timɔtɛ́ɔ 2:7

Ka nyɔngɔ índɔ unge Mokonga ɗámobisi ntɔmigi-mbino na nteki, ka goisaga ɓunde ɓáná Ɓayúda nyɔngɔ á ɓeekea na ɗoni. Kɛ́ɔyɔnga mbɛa, ne tɔ ɔyɔnga ɗoni.