2 Ɓakɔlítɔ 11:1 - Ɔngana á Kɛ̌kɛ

¹ Cɔ, ɓaya, ómophiphiani phɔ́ ábɔa ka yɔnga nde nɛɔyɔnga ɓea mbóbó. Eya, nɛnɔmɛmi gea, ómophiphiani!

2 Ɓakɔlítɔ 11:1 Iomraidhean Croise

Matáyɔ 17:17

Yéso áonsikisia gea: «Ɓenu ɛɓɔkɔti ájeɗe á kanga ɓeekea á Mokonga nde ca! Neikande na ɓenu ka mbenɔ ángaáni? Mbenɔ ángaáni nde nenóphiphiande? Cɔ, mbikani kani na miki ndɔ koni.»

Ekuma á ɓateki 18:14

Pɔ́lɔ ɗáogea áyɔngɛ, ɓî Galíɔ ɗáǒngoɗea Ɓayúda te: «Aoɓá n'ande nto á ɓojeɗe na nto á kaísɔ, ámbé nɛnɔɔ́kande.

Ekuma á ɓateki 26:29

Pɔ́lɔ áonsikisia te: «Aoɓá ka mbenɔ ábɔa, kaɓɛ ka mbenɔ ásii, nɛɔmɛma Mokonga. Ɛmɛmi ndɔ nna tɔ ka phɔa akɔ sasakɔ, a ndiu phɔtɔ ka phɔa ɓakpa ɓɔbu ɓunde ɓáɔmɔɔ́ka kesande, ɓáɓɛ ɓea eme. Ɓákanómakeɛmbɛ ndiu ka mekakɔ ɓea eme.»

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 3:18

Cɔ, nkpa kědemɛ mɔnɔ sasakɛ. Aoɓá ka ɓenu moci n'aokanisia te, ande mɔɔngɛ á ka mokonda nde, áɓɛ mbóbó ka gea, áɓɛ ye tɔ mɔɔngɛ ɗoni.

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

1 Ɓakɔlítɔ 4:8

Cɔ, ɓo ye tɔ na kema bui nde ɓonasiki í. Ɓo ye tɔ ɓatɔi. Ɓo ye tɔ ɓaamɛ, na ɓéké ɓaamɛ. Eya, nekondi gea ɓóɓɛ ɓaamɛ ɗoni ka gea, ɓesu phɔtɔ ɓémameɛ nji kimoci na ɓenu.

2 Ɓakɔlítɔ 11:19

Ɓenu ɓogi te ɓooúbapha, nndɔ ungɔ ɓǒphiphia ɓabóbó kau ka konda anu.

2 Ɓakɔlítɔ 11:21

Cɔ, neokuwa na soni á yɔnga gea, ɗéɓékétú na ɓukpɛkpɛ á gea kema ndɔɔ. Aoɓá nkpa ɓaangbo n'akengi ébeba ka kema ímoci, eme phɔtɔ neébebande. Kɛ̌kɛnde nɛɔyɔnga ɓea mbóbó.

2 Ɓakɔlítɔ 11:4

Nndɔ atókani ka ɔna ɓî ɓomɓeeki nkpa buakɛ mmbé abiki mɔtɛ-anu na tɔ̌mia anu mbino á Yéso ɓaangbo, mmbé atingani na mmbé ɗéɓenɔtɔ̌mi mbino akɛ. Á bǎ í, ɓokamisigi ɓeekea á měma nɛngbo na mbino nɛngbo nde atingani na Měma á Mokonga na Mbino ánjá nde ɗɔ́ɓɔtɔi mɔtɛ-asu.

2 Ɓakɔlítɔ 12:11

Eme Pɔ́lɔ nɛɔyɔnga ɓea mbóbó nga, ɓenu Ɓakɔlítɔ ɓáunge ɓomososei nndɔ. Nanga ɓî kéna kantíti mosá anu, atókeni ɓenu ɓáunge ɓómoɗokomisɛ. Ɓateki nɛnu ɓundɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 5:13

Cɔ, aoɓá na ɓebóbóki, a tɔ ka Mokonga. A gǎkɛ oɓá na ɓeoúbapha, a ka ɓenu.

Ɓaɛbulanía 5:2

Ɓî yɛ sasakɛ ana ɓɔɛlu á ka měma, aunge aɔtɔka n'ěkui ngomi ɓunde ɓáogea ɓojeɗe kángá á úba í na ka nyɔngɔ nde ɓáɓungigi.