2 Ɓakɔlítɔ 10:7 - Ɔngana á Kɛ̌kɛ

⁷ Ɓo tɔ kɔɛnjia kema gǔ-gǔ. Aoɓá nkpa n'aoúba te, ande nkpa ndea Kiísito, áúbɛ phɔtɔ gea, ɓesu ɓe phɔtɔ ɓó.

2 Ɓakɔlítɔ 10:7 Iomraidhean Croise

Matáyɔ 23:5

Goto, ɓáogea kema nɛɓɔ bui ka gea te ɓakpa ɓáɛɓɔnɛ. Ɓáɔ̌ɓɔɛa phaeka á bɔngɔ ágbae kaɓɛ k'éndóndó, kaɓɛ ka njaga nnde ɓáɗundu kau nyɔngɔ moci-moci á Mokonga. Nkanjo nɛɓɔ an'ɛɔkɔ á koaga.

Lóka 16:15

Kaɓondɔ, Yéso áǒngoɗea ɓe: «Ɓǒphangisia k'íso á ɓakpa gea te, ɓonde ɓato á ɗoni. Mokonga aámbé a gǎkɛ oúba měma anu. Kema nde ɓakpa ɓáoɗokomisa, aunge Mokonga aɔɔna n'ajɔɔkani.

Yoáni 7:24

Ɓókótenɛmbɛ nyɔngɔ k'índe ɓɔɔna ka nsɛngɛ, tenani ndiu nyɔngɔ ka koɗonǐí.»

1 Ɓakɔlítɔ 1:12

Nekondi ngoɗea anu ɓe: Sɔsɔɓɛ anu, nkpa na nkpa aɔyɔnga yɔnga ínɛkɛ gea: «Eme, nende nkpa nde ɓa Pɔ́lɔ.» Ɓaangbo: «Eme nende ɓa Apɔ́lɔ.» Ɓaangbo: «Eme nende ɓa Pɛ́tɛɛ.» Na ɓaangbo «Eme nende ɓa Kiísito.»

1 Ɓakɔlítɔ 14:37

Aoɓá nkpa n'aokanisia te, ande mɔtu-nyɔngɔ ndea Mokonga, n'ana egabɔ ndea Měma á kanga ɓojeɗe ambe áúbɛ base gea te, kema nde nenóɗundui ande ɛɔphi ndea Mɔkɔta.

1 Ɓakɔlítɔ 15:23

Cɔ, ɓejujukande gǎkɛ nkpa na nkpa ka mbenɔ nɛkɛ. Kiísito aámbé ɗájujúki ka kukuwa, ande ánge, mpɔ, ɓakpa nɛkɛ k'ésa nde yɛ abikaeka.

1 Ɓakɔlítɔ 3:23

Cɔ, ɓenu, ɓonde gǎkɛ ɓakpa ndea Kiísito, Kiísito n'ande ɓa Mokonga.

1 Ɓakɔlítɔ 9:1

Cɔ, kéna kɔkɔta á gea á kema nde nekondi ee? Ké nteki ee? Eme, ɗékémɔni Yéso, Mɔkɔta nɛsu ee? Ɓókó ɓaniki ékuma nɛmɔ suɓi á Mɔkɔta ee?

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓakɔlítɔ 11:18

Ɓakpa ɓásii ɓáǒbeba ɓea ɓato á ka mokonda ndee. Eme gǎkɛ něbebande phɔtɔ.

2 Ɓakɔlítɔ 11:23

Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 11:4

Nndɔ atókani ka ɔna ɓî ɓomɓeeki nkpa buakɛ mmbé abiki mɔtɛ-anu na tɔ̌mia anu mbino á Yéso ɓaangbo, mmbé atingani na mmbé ɗéɓenɔtɔ̌mi mbino akɛ. Á bǎ í, ɓokamisigi ɓeekea á měma nɛngbo na mbino nɛngbo nde atingani na Měma á Mokonga na Mbino ánjá nde ɗɔ́ɓɔtɔi mɔtɛ-asu.

2 Ɓakɔlítɔ 12:11

Eme Pɔ́lɔ nɛɔyɔnga ɓea mbóbó nga, ɓenu Ɓakɔlítɔ ɓáunge ɓomososei nndɔ. Nanga ɓî kéna kantíti mosá anu, atókeni ɓenu ɓáunge ɓómoɗokomisɛ. Ɓateki nɛnu ɓundɔ ɓǒseɓei, ɓákámɔnyɛ́nyi gǎkɛ ka kema.

2 Ɓakɔlítɔ 13:3

Ɓî ɓookonda engekisa gea Kiísito aámbé aɔmɔyɔngisa, ɓoengekisande ɗoni. Ka ɓenu Kiísito káútú, a ndiu ophangia ɓukpɛkpɛ nɛkɛ sɔsɔɓɛ anu.

2 Ɓakɔlítɔ 5:12

Ande gea te, ɓékéǒbeba sasasu mosá anu. Ɓe ndiu konóngoɗea ɓuiki asu gea, ɓóóbebɛ na tambea asu, ɓóɓɛ phɔtɔ na nyɔngɔ á sikisia á ɓakpa nde ɓáǒbeba na kema nde aɔɔnɛkana, kaɓɛ ndiu kema nde a suɓi á měma.

Ɓagalatía 3:29

Aoɓá na ɓonde ɓakpa ndea Kiísito, ɓo ye tɔ ɓato á k'ekombo ndea Abalaámu. Ɓonde ɓamɛna-ɓotukɔ ɓíndɔ Mokonga ɗáɔku.

1 Yoáni 4:6

Ɓesu gǎkɛ, ɓende ɓakpa ndea Mokonga. Nkpa nde aomúba yɛ, aɔsɔɔ́ka. Mmbé nna gǎkɛ nkpa ndea Mokonga, nnaɔsɔɔ́ka. K'índɔ unge ɓeoɗigimisa Měma á Mokonga ɗoni, na měma índe ana kisɛki.