2 Ɓakɔlítɔ 10:4 - Ɔngana á Kɛ̌kɛ

⁴ Nkumba émani nɛsu nna á kokpa, a ndiu á ɓukpɛkpɛ ndea Mokonga, nnde aɔgɔɓa ɓukpɛkpɛ á ɓaɓiɓia. Ɓeotúkatúka kanisia ájeɗe,

2 Ɓakɔlítɔ 10:4 Iomraidhean Croise

Ekuma á ɓateki 7:22

Báomúbisa Mósa kɔɓɔɔngɛ bubui ndea Ɓamísii. Áoɓá mǒko akpɛkpɛ ka ɓoabia nɛkɛ n'ekuma nɛkɛ.

Ɓalɔ́ma 13:12

Esa angɛndi dakɛ. Akeni ɓéɗeketɛni tambea ájeɗe á kaiphiɔ. Ɓɛ́bɛɗɛni ndiu nkumba á emani nde ɓáɔbɛɗaneaga n'esa.

Ɓalɔ́ma 6:13

Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

1 Ɓakɔlítɔ 2:5

Cɔ, cina á ɓeekea nɛnu, kaɓɛmbɛ mɔnɔ ka kɔɓɔɔngɛ á kokpa, áɓɛ ndiu ka ɓukpɛkpɛ phɛɛ ndea Mokonga.

1 Ɓakɔlítɔ 9:7

Nto-émani sina mmbé amɔnɔ ǒphenda sasakɛ k'ékuma á nto á emani? Ngubi-ciko sina mmbé aokona mbó, káeɛ kau? Cɔ, nambi etuge sina mmbé, nna mɔnɔ onoa ka iɓo-ɛ́ɓɛ á k'etuge nɛkɛ?

2 Ɓakɔlítɔ 10:8

Mɔkɔta aámbé ɗásópi kɔkɔta ka gea ɓénómamisɛ ndiu nga, ɓékéokáɓa gúsa anu. Neǒbeba ně phɛɛ na ké gǎkɛ ɔtɔka na neku na soni í.

2 Ɓakɔlítɔ 13:10

Kaɓondɔ unge, nenóɗundui ɓaoɓa ndee na neɗanga na ɓenu. Nga ne ye okiɗia, kékóndi néɓɛ nkáe ka kɔkɔta nde Mokonga amopi ka ɓenu. Kɔkɔta ndɔ nna á kusa anu, a ndiu ka mɔtisaga anu ka měma.

2 Ɓakɔlítɔ 3:5

Ɓeoúba gea, ɓéké na ɓukpɛkpɛ á tɔtɔkisa á kema ɓíndɔ sasasu. Ɓukpɛkpɛ ndɔ a tɔ otóka ka Mokonga.

2 Ɓakɔlítɔ 4:7

Ɓesu íɓunde ɓekumbi ɛtɔi á ka měma ndɔ, ɓe gǎkɛ ɓea mbeka-toko. Mokonga ɗági ɓondɔ ka úbisa a ɓakpa gea, ɓukpɛkpɛ nɛkɛ aángbó, kátóki ka ɓesu sisasu.

2 Ɓakɔlítɔ 6:7

Ɓe tɔ ɔtɔmiaga nyɔngɔ á ɗoni. Ɓɛɔbɛɗaneaga ɓukpɛkpɛ á Mokonga. Nkumba émani nɛsu ka mana ně na kéúnia ně ande koɗoni mosá á Mokonga,

1 Ɓatɛsalɔníka 5:8

Ɓesu gǎkɛ, ɓende ɓato á sɔmani. Kaɓondɔ, ɓékéyengiɛmbɛ. Ande gea te, ɓeekea n'ekondani nɛsu ákengeanɛ na ngɔ́mbɛ á k'égogo ndea nto-émani, nnde ɓáɓɔngisigi na ngɔa. Nseɓeɔ nɛsu á ɓoamia á ka měma, áɓɛ phɔtɔ ɓea kúku á ngɔa nɛkɛ.

1 Timɔtɛ́ɔ 1:18

Cɔ, Timɔtɛ́ɔ, mukuamɔ ɓa ka měma, nekobisíí ɓɔphɛi ndɔ ɓíndɔ ɓaɔtu-nyɔngɔ ndea Mokonga ɗáɓáɔtu mosá ka phɔakɔ. Ambe nyɔngɔ nde ɗáɓáɔtu unge áɓɛ ɓukpɛkpɛ nɛkɔ suɓi á emani ánjá nde o kau,

2 Timɔtɛ́ɔ 2:3

Tambaga ɓea nto-émani anjánjá ndea Kiísito Yéso ɓíndɔ ne kau.

Ɓaɛbulanía 11:30

Ka nyɔngɔ á ɓeekea, Ɓaisilaɛ́li ɗáɓátimbi Yɛíkɔ ka ɓ'esa ngianjaga (6). K'esa á ko ngianjaga iɓɛ, ɓogaɔ ɛ́tɛ nnde ɗátimbi ú áɔngbɔɔkana.