2 Ɓakɔlítɔ 10:14 - Ɔngana á Kɛ̌kɛ

¹⁴ Ɓî ɗéɓejú ye mɔtɛ-anu, ɗéɓékétingi ekuma nde Mokonga ɗásóphi. Nga, ɓesu ɓáunge ɗéɓejú mosá mɔtɛ-anu ka tɔ̌miaga Mbino-Ánjá ndea Kiísito.

2 Ɓakɔlítɔ 10:14 Iomraidhean Croise

Málikɔ 1:1

Wani ande nkpangeɔ á Mbino-Ánjá á Yéso Kiísito, Muna-Mokonga.

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ɓalɔ́ma 1:16

Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓalɔ́ma 2:16

Ɓondɔ unge aɓande esa nde Mokonga atenande akpɛ nyɔngɔ á ɓɔsɔmɛa ndea ɓakpa k'aphe ndea Yéso Kiísito. A tɔ ɓíndɔ Mbino-Ánjá nde nɛɔtɔmiaga ayɔngi.

1 Ɓakɔlítɔ 2:10

Cɔ, Mokonga ɗásóphangi gǎkɛ base nyɔngɔ á ɓɔsɔmɛa ndɔ ka ɓukpɛkpɛ á Měma akɛ. Nga, Měma ndɔ aunge aokáɓa cina á nyɔngɔ bui, nanga áɓá kema nde ɛ̌sɔmɛani phɛɛ suɓi á Mokonga.

1 Ɓakɔlítɔ 3:10

Ka ɓeana na egabɔ nde Mokonga ɗámopi, ɗébisi ɛtɛ á kpanga á mɔphɛkɔ ɓea mphɛki anjánjá. Nkpa ɓaangbo áɔphɛka gǔ í. Cɔ, nkpa na nkpa éɛnjiɛ gǎkɛ ánjá, k'etéte á mɔphɛkɔ nde aɔphɛka.

1 Ɓakɔlítɔ 4:15

Ka enda anu kimoci na Kiísito, nanga ɓótóɓá na ɓagoisigi elephu nkama (10.000), abanu a tɔ mo. Eme ámbé ne ye tɔ abanu suɓi á Yéso Kiísito, ka tɔ̌miaga anu Mbino-Ánjá.

2 Ɓakɔlítɔ 2:12

Cɔ, ka kiɗia ani ka Tɔ́a ka tɔ̌miaga á Mbino-Ánjá ndea Kiísito, ɗɛ́ɔni gea, Mɔkɔta ɗámokoɗei aphe ka bɛɗanaga kó.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

1 Timɔtɛ́ɔ 1:11

Ɓɔphɛi ndɔ a suɓi á Mbino-Ánjá nnde ɗámopi nɛ́tɔ̌miɛgɛ ú, n'atóki ka Mokonga, mɛna-ɓoombia na ɓonjánja.