2 Ɓakɔlítɔ 10:1 - Ɔngana á Kɛ̌kɛ

¹ Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓakɔlítɔ 10:1 Iomraidhean Croise

Matáyɔ 11:29

Kumbani nkumba áɗoko nɛmɔ na ɓógoɛgɛ ɓɔphɛi nɛmɔ nga, eme neaphɔngɔ na měma édidisa. Kaɓondɔ, ɓenu sasanu ɓoúmbiande.

Matáyɔ 21:5

«Óngoɗea ɓato á ka Sayúni te: Égani phɔ́! Mɔkɔta nɛnu abiki mɔtɛ-anu. Ande nto á aphɔngɔ, akǎmbi gǔ á nka-mponda na mponjo á mponda, miki á mponda.»

Ekuma á ɓateki 8:32

Nkpa ndɔ ɗátú otanga k'ɔ́ma nde ɓáɗundu ɓe: «Ɗátú ɓea mɔgɔgɔ mmbé ɓáogaontena, áɔkɔɓa ɓea muna-mɔgɔgɔ mosá á nkpa nde aonkangaɗua. Kayɔngɛ gǎkɛ ka kema.

Ɓalɔ́ma 10:20

Isáya áogaojúa ka yɔnga akpɛ gea: «Ɓakpa nde ɗáɓákátúomokaɓa, ɓámɔɔni. Nɛ́ɔ̌sɛnɛkɛa ɓunde ɗáɓákáomoúsia ka kema.»

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

Ɓalɔ́ma 15:15

Ɗénóɗundui ɓaoɓa nde na ɓukpɛkpɛ ka kanisianu nyɔngɔ nde ɓo ye úbi ú. Ɗégi ú ka ɓonjánja-ékondi nde Mokonga ɗámopi,

1 Ɓakɔlítɔ 2:3

Kaɓondɔ, mbenɔ nde eme ɗéjú mɔtɛ-anu, ɗékétú na ɓukpɛkpɛ, néoɓá na kɔɓɔɓɔkɔ, nyama áɔmɔsɔka.

1 Ɓakɔlítɔ 4:10

Ɓesu, ɓende ɓabóbó ka nyɔngɔ á Kiísito, ɓenu gǎkɛ, ɓonde ɓato á kɔɓɔɔngɛ ka nyɔngɔ á jukana anu na Kiísito. Ɓesu ɓende ɓakusi, ɓenu ɓo gǎkɛ, ɓákpɛkpɛ. Ɓesu, ɓakpa ɓáɔsɔɓɛnjiaga, ɓenu gǎkɛ, ɓakpa ɓáonóɗokomisa.

1 Ɓakɔlítɔ 4:21

Cɔ, ɓokondi ɓo? Nébikɛ mɔtɛ-anu na gbútu, kaɓɛ na měma ékondi na ɓɔphɔngɔ?

2 Ɓakɔlítɔ 10:10

Nga, ɓuangbo ɓáogea te: «Ɓaoɓa ndea Pɔ́lɔ akái na gbaga phɛɛ. Mbenɔ nde aoɓá sɔsɔɓɛ asu, áoɓá aɔlɔ, nyɔngɔ nɛkɛ â tɔ oɓá ecici.»

2 Ɓakɔlítɔ 10:2

Nenóɗengemisigi gǎkɛ ɓe: Mbenɔ nde nejúande mɔtɛ-anu, kékóndɛku ɓómokáisɛ. Nga, neoúba gea negeande ɓó ka ɓakpa nde ɓáokanisia te, ɓesu ɓeobɛɗanaga na mɔphɛ á kokpa.

2 Ɓakɔlítɔ 10:7

Ɓo tɔ kɔɛnjia kema gǔ-gǔ. Aoɓá nkpa n'aoúba te, ande nkpa ndea Kiísito, áúbɛ phɔtɔ gea, ɓesu ɓe phɔtɔ ɓó.

2 Ɓakɔlítɔ 11:21

Cɔ, neokuwa na soni á yɔnga gea, ɗéɓékétú na ɓukpɛkpɛ á gea kema ndɔɔ. Aoɓá nkpa ɓaangbo n'akengi ébeba ka kema ímoci, eme phɔtɔ neébebande. Kɛ̌kɛnde nɛɔyɔnga ɓea mbóbó.

2 Ɓakɔlítɔ 11:30

Aoɓá na nena siki ébeba, áɓɛ tɔ ka nyɔngɔ á utua ani.

2 Ɓakɔlítɔ 12:5

Cɔ, něbebande ka nyɔngɔ á nkpa ndɔɔ. K'éme sasani gǎkɛ, něɗokomisande tɔ ka nyɔngɔ á utua ani.

2 Ɓakɔlítɔ 3:12

Ɓî ɓena nseɓeɔ ndɔ, aunge ɓebisi měma asu phɛɛ kau.

2 Ɓakɔlítɔ 5:20

Ɓende ɓakpa nde ɓɛɔyɔnga k'ína á Yéso nga yɛ aámbé asóteki. Ande gea te, Mokonga aámbé agi te ɓɛ́nɔɔphanɛ. Cɔ, ɓenóɗengemisigi k'ína á Kiísito gea te, ɓɔ́ɔnganɛ na Mokonga.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

2 Ɓakɔlítɔ 7:4

Nenóseɓei phɛɛ na ɓe phɔtɔ ǒbeba na ɓenu. Nanga ɓétambaga, měma ani atúmi na nténdé na maseye.

Ɓagalatía 4:13

Ɓookanisia ka nyɔngɔ sina nde ɗénɔtɔ̌migi Mbinɔ-Ánjá k'ama mosá-mosá. Ɗátú ka nyɔngɔ nde ɗétúosamba.

Ɓagalatía 5:2

Ɔ́mɔɔ́kani phɔ́! Eme Pɔ́lɔ nenóngoɗi gea: Aoɓá na ɓánogúsi ganja, ámbé Kiísito káɓɛku ye na kantíti ka ɓenu.

Ɓaɛphɛ́sɔ 3:1

Kaɓondɔ unge, eme Pɔ́lɔ nɛɔmɛma Mokonga. Ne ka mekakɔ ka nyɔngɔ ékuma ndea Yéso Kiísito ka phɔanu ɓenu íɓunde ɓókó Ɓayúda.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaphilípi 4:5

Akeni ɓakpa ɓɔbu ɓáúbɛ ɓɔphɔngɔ anu. Nga, Mɔkɔta asóobika.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

2 Ɓatɛsalɔníka 3:17

Mɔkɔ nde, ande á ka njaga ani sasani eme Pɔ́lɔ. Ɓende unge neobisaga njaga ka ɓaoɓa nde neoɗunduaga bui: nndɔ unge ande ɗundua nɛmɔ.

Philɛmɔ́nɔ 1:19

Eme Pɔ́lɔ aámbé neɗundu nyɔngɔ nde na njaga ani sasani gea: nekophendande. Oɓɛ gǎkɛ, kanisia gea, ona nyɔngɔ nɛmɔ nga, ɗékobikíí na mbino á ɓoamia.

Philɛmɔ́nɔ 1:9

nekondi gǎkɛ ɗengemisaga akɔ ɓó k'ína ékondi. Eya, eme Pɔ́lɔ, ne ye ngbɛga, na kɛ̌kɛnde ne phɔ́tɔ nto á mekakɔ ka nyɔngɔ á Kiísito Yéso.

1 Pɛ́tɛɛ 2:11

Ɓadani ékondi, ɓonde ɓakɛni na ɓato á motô ka mokonda ndee. Kaɓondɔ unge nɛnɔ́phɛí gea, teani mɔphɛ ájeɗe, nnde aomana na měma anu.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.