2 Ɓakɔlítɔ 1:8 - Ɔngana á Kɛ̌kɛ

⁸ Ɓaya, ɓekondi ɓóúbɛ base gea, ɓî ɗéɓetambigi phɛɛ ka nji á ka Asía, ɓoɗoko í ɗásɔnyɛ́nyɛi, ɓéoúba te, ɓékéendɛku ye.

2 Ɓakɔlítɔ 1:8 Iomraidhean Croise

Ekuma á ɓateki 16:6

Pɔ́lɔ na ɓadakɛ ɓáɔnyɛ́nya ka nji bui á Phuigía na Galatía nga, Měma á kanga ɓojeɗe ɗáéimisíí tɔ̌miaga á nyɔngɔ á Mokonga ka nji á ka Asía.

Ekuma á ɓateki 19:41

Agɔɓi ye ɓoabi, áǒphanja ɓakpa.

Ekuma á ɓateki 2:9

Ɓakpa ɓuangbo ɓá sɔsɔɓɛ asu, ɓato á ka Páati, Ɓamɛ́di na Ɓaɛlámu, ɓundɔ ɓáiki ka Mɛsɔpɔtamía, Yudɛ́a na Kapadɔkía, Pɔntɔ na Asía,

Ɓalɔ́ma 1:13

Ɓaya, nekondi ɓóubɛ gea, mɔngɔ ásii ɗéobisa moangɔ á gǎ mɔtɛ-anu, na ka kesande kɛ́tɔtɔkisimbɛ. Cɔ, nekondi néɗunguɛ phɔtɔ mbuka á ka měma mɔtɛ-anu, ɓíndɔ ne phɔtɔ ogea ka ɓakpa nde ɓáná Ɓayúda.

1 Ɓakɔlítɔ 15:32

Cɔ, atú oɓá na ɗémani na ɓanyama á kae-kae ka Ɛphɛsɔ ka nyɔngɔ á kokpa, ekende nɛtɔi kau? Kaɓɛ ɓasí na ɓákáojujuka ka kukuwa, a tɔ ɓíndɔ ɓáyɔngi ka mɛní gea: «Ɓéɛgɛni na ɓénoɛni nga, mama, ɓekuwande.»

1 Ɓakɔlítɔ 16:9

Nga, Mokonga amokoɗei aphe ka bɛɗanaga ekuma ángbó nanga ɓaɓiɓia ɓáɓika.

1 Ɓakɔlítɔ 4:8

Cɔ, ɓo ye tɔ na kema bui nde ɓonasiki í. Ɓo ye tɔ ɓatɔi. Ɓo ye tɔ ɓaamɛ, na ɓéké ɓaamɛ. Eya, nekondi gea ɓóɓɛ ɓaamɛ ɗoni ka gea, ɓesu phɔtɔ ɓémameɛ nji kimoci na ɓenu.

2 Ɓakɔlítɔ 1:9

Ɗéɓetú ɓea ɓato á mekakɔ na ɓeoúba te, ɓásómande. Kema ndɔ ɗágeani ka gea, ɓékéseɓeɛ mɔnɔ ɓukpɛkpɛ asu sasasu. Ɓénseɓeɛ ndiu Mokonga mmbé aǒjujúkisa ɓasí.

2 Ɓakɔlítɔ 6:9

Ɓáɔsɔ́ɔna ɓea ɓakpa nde ɓákáoúbukana, na ɓe ndiu oúbukana ánjá. Ɓáɔsɔ́ɔna ɓea ɓasí na ɓe phɔ́tɔ koenda. Ɓáosótamɓisaga kángá á mowa asu.