2 Ɓakɔlítɔ 1:23 - Ɔngana á Kɛ̌kɛ

²³ Eme gǎkɛ, nembisi Mokonga nɗigimisi ka enda ani. Aoɓá na nɛɔyɔnga mbɛa, ámomowɛ. Kéji ye na Kɔlítɔ ka nyɔngɔ nde neonokuia ngomi.

2 Ɓakɔlítɔ 1:23 Iomraidhean Croise

Ekuma á ɓateki 18:1

Mbusa índɔ, Pɔ́lɔ áotóka ka Atɛ́nɛ, áoga na Kɔlítɔ.

Ekuma á ɓateki 18:8

Kiísipɔ, moamɛ á endu á madondanɔ ndea Ɓayúda ka nyɔngɔ á Mokonga ndɔ, â gǎkɛ omɓeekea Mɔkɔta, n'ekombo nɛkɛ bui. Ɓato á ka Kɔlítɔ ɓásii, ɓunde ɗáɓáɔ́ki ɓɔphɛi ndea Pɔ́lɔ, ɓáomɓeekea Mɔkɔta, ɓáǒɓatisa.

Ɓalɔ́ma 1:9

Cɔ, Mokonga mmbé nɛɔmbɛɗaneaga na měma ani bui ka tɔ̌miaga Mbino-Ánjá ndea Anakɛ, aoúba gea nnde nɛɔyɔnga ande ɗoni. Yɛ, aoúba gea neonókanisia esa bui.

Ɓalɔ́ma 9:1

Nɛɔyɔnga ɗoni ka jukana na Kiísito, ké gǎkɛ ɔyɔnga mbɛa. Měma á kanga ɓojeɗe asɔndɔi měma ani ka ɗigimisa gea, nɛɔyɔnga ɗoni.

1 Ɓakɔlítɔ 4:21

Cɔ, ɓokondi ɓo? Nébikɛ mɔtɛ-anu na gbútu, kaɓɛ na měma ékondi na ɓɔphɔngɔ?

1 Ɓakɔlítɔ 5:5

Cɔ, mbisani nkpa ndɔ ka njaga á Sɛtáni gea, nyama akɛ áújukanɛ, měma akɛ áamɛ gǎkɛ esa nde Mɔkɔta Yéso ajande.

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

2 Ɓakɔlítɔ 1:18

Cɔ, Mokonga, mɛna-koɗoni, aoúba gea, moangɔ nesu ɗákátú á ɓeekea á nyɔngɔ na yá í mɔngɔ ímoci.

2 Ɓakɔlítɔ 10:2

Nenóɗengemisigi gǎkɛ ɓe: Mbenɔ nde nejúande mɔtɛ-anu, kékóndɛku ɓómokáisɛ. Nga, neoúba gea negeande ɓó ka ɓakpa nde ɓáokanisia te, ɓesu ɓeobɛɗanaga na mɔphɛ á kokpa.

2 Ɓakɔlítɔ 11:10

Ɓî ɗoni á Kiísito a suɓi ani, nɛyɔngi ɓe: Nna na nkpa nde aɔtɔka imisiani ébeba k'índe neogea ka Akáya. Ɓákámoútɛku ɓoombia í.

2 Ɓakɔlítɔ 11:11

Negi ɓó ka nyɔngɔ éke? Ande ka nyɔngɔ nde kénókóndi? Mokonga aoúba gea nenókondi.

2 Ɓakɔlítɔ 11:31

Mokonga, Aba-Mɔkɔta Yéso, mmbɔ obebɔ nɛkɛ ande mɛyɔ, aoúba gea, kɛ́ɔyɔnga mbɛa.

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

2 Ɓakɔlítɔ 13:10

Kaɓondɔ unge, nenóɗundui ɓaoɓa ndee na neɗanga na ɓenu. Nga ne ye okiɗia, kékóndi néɓɛ nkáe ka kɔkɔta nde Mokonga amopi ka ɓenu. Kɔkɔta ndɔ nna á kusa anu, a ndiu ka mɔtisaga anu ka měma.

2 Ɓakɔlítɔ 13:2

Nena nyɔngɔ á ngoɗea ɓakpa nde ɗáɓági ɓojeɗe mosá na ɓenu ɓɔbu phɔtɔ. Ɗéneyɔngi ú ɓî ɗétú na ɓenu ka tamba nɛmɔ á ko iɓɛ. Nesikíí goto kɛ̌kɛnde na nekéɓei. Ka tamba ndea mbusa ɓî neɓande kó, kénkuiɛku ye nkpa ngomi.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

Ɓagalatía 1:20

Cɔ, nenóngoɗi ɗoni mosá á Mokonga gea, kema nde nenóɗundui nna mbɛa.

Ɓaphilípi 1:8

Mokonga ande nɗigimisi nɛmɔ, nenókondi phɛɛ n'ekondi ndea Kiísito Yéso.

1 Ɓatɛsalɔníka 2:5

Ɓoúbi phɔtɔ gea, ɓékéǒbeba ɓakpa jǎi ka nyɔngɔ ékondisaga na ɓɔ, ɓéké phɔtɔ okáɓa imɔna ka nyɔngɔ á ɓɔphɛi nɛsu. Mokonga aámbé ande nɗigimisi.

1 Timɔtɛ́ɔ 1:20

Imɛnɛ́ɔ na Alɛkisándɛɛ ɓá sɔsɔɓɛ aɓɔ. Kaɓondɔ, ɗébisi ɓakpa ndɔ ka njaga á Sɛtáni ka gea, ɓákámbómɛmbɛ ye Mokonga.