2 Ɓakɔlítɔ 1:20 - Ɔngana á Kɛ̌kɛ

²⁰ Nga, ka Yéso aámbé Mokonga agi eya ka mɔkɔ nɛkɛ bui ndea Mokonga. Ka yɛ Yéso, ɓeoɓeekea: «Áɓɛ ɓó» ka ɗokomisa á Mokonga.

2 Ɓakɔlítɔ 1:20 Iomraidhean Croise

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Lóka 2:14

Ɓoombia ka Mokonga, mmbé á na koba ee! Ɓujɛjɛ ka ɓakpa nɛkɛ, ɓundɔ ěkondi ee!

Yoáni 1:17

Nga, Mokonga ɗásóphi ɛɔphi ka njaga á Mósa, Yéso aámbé asobikíí ndiu na ɓonjánja na koɗoni.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Ɓalɔ́ma 11:36

Nga, yɛ aámbé ande nconji á kema bui, kema bui aiki ka ɓukpɛkpɛ nɛkɛ na ka phɔakɛ. Obebɔ áɓɛ ka yɛ esa bui! Áɓɛ ɓó.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

1 Ɓakɔlítɔ 14:16

Aoɓá n'ɔtɔ ɔmɛma Mokonga ka měma akɔ ka sega akɛ, ɓadakɔ íɓunde ɓákáoengekisa nnde ɔɔyɔnga, ɓákáɓeekeɛku «áɓɛ ɓó» ka ɛmɛmi nɛkɔ á ɓosegi nga, ɓákáoengekisa ɛyɔngi nɛkɔ.

2 Ɓakɔlítɔ 4:15

Tambaga asu bui a tɔ ka nyɔngɔ anu. Kaɓondɔ unge, ɓonjánja-ékondi ndea Mokonga aódonda ɓakpa ɓásii phɛɛ, ka sega akɛ k'ɛ́mɛmi na beba akɛ ka ɓophómbia akɛ.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

Ɓagalatía 3:22

Ɓuku á Mokonga ayɔngi gǎkɛ gea, mokonda bui a kusi á ɓukpɛkpɛ á ɓojeɗe. Kaɓondɔ, ɓakpa nde ɓánde ɓaɓêki, ambe ɓáɓɛ na ɓotukɔ nde Mokonga ɗáɛɓɔku ka nyɔngɔ á ɓeekea Yéso Kiísito.

Ɓaɛphɛ́sɔ 1:6

Kaɓondɔ, ɓémbebɛni Mokonga ka ɓonjánja-ékondi á ɓoombia nɛkɛ ka phɔasu, ka nyɔngɔ á anakɛ.

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

2 Ɓatɛsalɔníka 1:10

Nndɔ, atɔtɔkɛanaeka k'ésa á ja akɛ. Wa, ɓakpa nɛkɛ ɓɔbu ɓunde ɓámɓeeki, ɓánɗokomisaeka, ɓáotangaaga ɓoombia nɛkɛ. Ɓenu phɔtɔ, ɓoɓande sɔsɔɓɛ aɓɔ nga, ɓoɓeeki nyɔngɔ nde ɗéɓenɔtɔ̌mi.

Ɓaɛbulanía 11:13

Suɓi á ɓeekea nɛɓɔ, ɓáokuwa ɓɔbu kángá tɔá á kema nde Mokonga ɗɛ́ɔku. Cɔ ɓɔ, ɗáɓáɔni gǎkɛ n'a phɔ́tɔ ɗanga, ɓáosesea ú. Mpɔ ɓáoɗigimisa gea, ɗáɓátú ɓakɛni, nji nɛsu nna ka mokonda.

Ɓaɛbulanía 13:8

Yéso Kiísito nnaǒketia, kaɓɛ n'ande kala, kesande na mɛyɔ.

Ɓaɛbulanía 7:6

Cɔ, Mɛlkisɛdɛ́ki ɗáká gǎkɛ k'ékombo ndea Láwi. Yɛ â ndiu ɔbɛɗa phaeka moci á nkama á nkumba nde Abalaámu ɗátú ně. Mbusa í, áobisa njaga gǔ á Abalaámu ímbe ande mɛna-mɔkɔ ndea Mokonga.

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.

1 Yoáni 5:11

Nyɔngɔ nde Mokonga aɗigimisi aungee: Yɛ ɗásóphi enda á mɛyɔ nnde aotóka ka Miki-mǒko nɛkɛ.

Mphaniɔ 3:14

Nɗunduia malaéka á ka kanisa ndea ka Laɔdikía ɓe: Mmbé ɓáɔmɔphana Áɓɛ ɓó, nɗigimisi nde akeni na mmbé ande ɗoni, nkpangeɔ á kema bui nde Mokonga ɗáconji ayɔngi ɓe:

Mphaniɔ 7:12

ɓáogea: «Áɓɛ ɓó! Obebɔ, ɓoombia, kɔɓɔɔngɛ, ɓosegi, ɓokutú, ɓukpɛkpɛ phɛɛ, áɓɛ ka Mokonga nɛsu ka saga na saga. Áɓɛ ɓó!»