2 Ɓakɔlítɔ 1:12 - Ɔngana á Kɛ̌kɛ

¹² Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 1:12 Iomraidhean Croise

Ekuma á ɓateki 23:1

Pɔ́lɔ áǒtúmia ɓato á ka ntua ángbó á ɓɔphɛi n'íso, áǒgea te: «Ɓaya, ka enda ani bui, měma ani na tambea ani aánjá mosá á Mokonga.»

Ekuma á ɓateki 24:16

Kaɓondɔ unge, neogea ɓukpɛkpɛ ani esa bui, néɓɛ kángá kisɛki ka měma mosá á Mokonga na mosá á ɓakpa.

Ɓalɔ́ma 9:1

Nɛɔyɔnga ɗoni ka jukana na Kiísito, ké gǎkɛ ɔyɔnga mbɛa. Měma á kanga ɓojeɗe asɔndɔi měma ani ka ɗigimisa gea, nɛɔyɔnga ɗoni.

1 Ɓakɔlítɔ 1:17

Kiísito ɗákámoteki ka ɓatisa á ɓakpa, ɗámoteki ndiu ka tɔ̌mia á Mbino-Ánjá. Kɛ́ɔtɔmia ú na kɔɓɔɔngɛ á yɔnga á kokpa ka gea, kukuwa á Yéso ka moyangɔ kaɓɛmbɛ kángá kantíti.

1 Ɓakɔlítɔ 12:8

Měma á kanga ɓojeɗe aomopha nkpa egabɔ á yɔnga na kɔɓɔɔngɛ. Měma ndɔ tɔ, aomopha nkpa egabɔ á yɔnga nyɔngɔ á úbapha phɛɛ.

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

1 Ɓakɔlítɔ 2:13

Ɓéké ɔphɛa ú na yɔnga á kɔɓɔɔngɛ á kokpa, ɓe ndiu ɔphɛa na yɔnga nde Měma á Mokonga aosópha. Kaɓondɔ, ɓɛɔyɔnga nyɔngɔ á ka phɔa Měma á Mokonga na ɓakpa nde ɓá tɔ na Měma á Mokonga.

1 Ɓakɔlítɔ 4:4

Ɗoni, měma ani nna ɔmɔtɔnga ka kema. Nna gǎkɛ gea te, neúki ɓojeɗe. Mɔkɔta aámbé ande nteni-nyɔngɔ nɛmɔ.

1 Ɓakɔlítɔ 5:8

Cɔ, ɓégúɛni jaí nɛsu á Pasáka kángá á cacu á kala, kángá ɓojeɗe na mɔphɛ ájeɗe. Ɓégúɛni ndiu jaí ndɔ na mokati á kanga cacu, ande gea, gúa á jaí ka ɗoni na kángá á ɓojeɗe.

2 Ɓakɔlítɔ 1:17

Ɓî ɗéangi ɓó, ande gea te, neoanganisaga moangɔ nɛmɔ? Ɓî neoanga moangɔ ndɔ, neoanga ka kokpa, ka ɓeekea nyɔngɔ na yá í mongɔ ímoci?

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

2 Ɓakɔlítɔ 8:8

Kéonósosea, ne ndiu ɔyɔnga nyɔngɔ á moíngí nde ɓadanu ɓátú ně. Kaɓondɔ, nenóphi mbenɔ á ɔnisa gea, ekondi nɛnu ande á ɗoni.

Ɓagalatía 6:4

Akeni ndiu nkpa na nkpa áambɛ tambea akɛ sasakɛ. Aoɓá n'aóbeba áebebɛ ka yɛ sisakɛ. Kaékengeanisɛmbɛ ndiu na ɓakpa ɓunɛngbo.

Ɓaɛphɛ́sɔ 6:14

Cɔ, mamani akpɛ! Ɗoni áɓɛ ɓea angeɗe nɛnu, koɗoni áɓɛ ɓea ngɔ́mbɛ á k'égogo á nto émani.

Ɓaphilípi 1:10

mpɔ, ɓóoengekisa kema nde ana kantíti, ɓóoɓá phɔtɔ ɓakpa nde ɓá na tambea ánjá, kángá oyeyɔ esa nde Kiísito ajaeka.

1 Ɓatɛsalɔníka 2:10

Ɓonde ɓaɗigimisi nɛsu, na Mokonga phɔtɔ, ɓî tambea asu mosá anu ɓenu ɓaɓêki, ɗátú ánjá, kángá á ɓojeɗe, na kángá á kisɛki.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

Títɔ 2:7

ka kema bui. Oɓɛ sasakɔ, óɓɛ mphangiɔ k'ékuma ánjá. Góisaga tɔ ɓɔphɛi á ɗoni, nnde akeni.

Ɓaɛbulanía 13:18

Mɛmani ka phɔa asu. Ɓeoúba ɗoni gea ɓékégi kema ájeɗe ka sɛka asu nga, ɓekondi ɓétambɛ ánjá k'aphe bui.

Yakɔ́ɓɔ 4:6

Yɛ gǎkɛ, asophi ɓonjánja-ékondi nɛkɛ ángbó phɛɛ, ɓíndɔ Ɓuku á Mokonga ayɔngi phɔtɔ gea: «Mokonga nnaɔɔ́kana na ɓato á ɓemboko, a ndiu ǒɓopha ɓato á édidisa, ɓonjánja-ékondi nɛkɛ.»

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.