1 Pɛ́tɛɛ 5:9 - Ɔngana á Kɛ̌kɛ

⁹ Ɓókogamanɛ na yɛ, kakamanani ka ɓeekea. Úbani gea ɓadanu ɓaɓêki ka mokonda bui ɓá tɔ ka tambaga ndɔɔ.

1 Pɛ́tɛɛ 5:9 Iomraidhean Croise

Lóka 22:32

Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.»

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

1 Ɓakɔlítɔ 10:13

Tombaga bubui nde aonódonda, a tɔ unge aǒdonda ɓakpa ɓɔbu. Mokonga kánóɗeketɛku gea, tombaga nde ɓoɓande kau anyɛ́nyɛ ɓukpɛkpɛ anu nga, Yɛ nna oketia mɔkɔ nɛkɛ. Mbenɔ nde ɓoɓande suɓi á tombaga, anóphande gǎkɛ ɓukpɛkpɛ á phiphia í na aphe á tɔka í.

Ɓaɛphɛ́sɔ 4:27

Ɓókómophɛmbɛ nketi ɔma.

Ɓaɛphɛ́sɔ 6:16

Ɓeekea á Mokonga, áɓɛ nguɓa nɛnu esa bui: Nnde aímande nsɔ́a á nsa ndea nketi.

Ɓakɔlɔsái 2:5

Nga, nanga néɓá ɗanga na ɓenu ka nyama, ɓe tɔ kimoci ka měma. Nena maseye ka ɔna ɓî moangɔ nɛnu bui aotamba ánjá mɔtɛ-anu na ɓosui ɓeekea á Kiísito.

1 Ɓatɛsalɔníka 3:3

Timɔtɛ́ɔ anoambi gea te, ka ɓenu kaɗeketɛmbɛ ɓeekea á Mokonga ka nyɔngɔ á ɓakpa tambisaga akɛ. Ɓo gǎkɛ oúba gea, tambisaga ndɔ a tɔ moangɔ ndea Mokonga ka ɓesu.

1 Timɔtɛ́ɔ 6:12

Mǎna emani á ɓeekea ánjá, ódungia ka enda á mɛyɔ. Nga, ka nyɔngɔ índɔ unge Mokonga ɗákɔɔphani mbenɔ nde ɗóɓeeki. Bisa ɓeekea nɛkɔ base mosá á ɓaɗigimisi ɓásii.

2 Timɔtɛ́ɔ 3:12

Ɓakpa ɓɔbu ɓunde ɓákondi enda ka beba á Mokonga ka jukana aɓɔ na Kiísito Yéso ɓáetambisagande.

2 Timɔtɛ́ɔ 4:7

Ɗémani emani ánjá, ɗéjú ka sungiaga á njoko á gǎ mbangɔ, ɗéambi ɓeekea nɛmɔ.

Ɓaɛbulanía 11:33

Ka nyɔngɔ á ɓeekea unge ɗáɓátɔki nji ndea ɓaamɛ. Ɗáɓáɔbɛɗanaga ka kɔkɔta nɛɓɔ na koɗoni na tɔá á kema nde Mokonga ɗáɔku. Ɓakpa ɓuangbo ɗáɓáɗaki aphenɔkɔ á ɓasimba.

Ɓaɛbulanía 12:8

Eya, kaɓɛ Mokonga na káɔnɔ́sɛ́ka ɓea aba-miki buakɛ mmbé aonsɛ́ka anakɛ, ande gea ɓókó ɓaniki nde Mokonga ɛ̌ɓɔkɔti, ɓo ndiu ɓaniki áǒbika ně.

Yakɔ́ɓɔ 4:7

Kaɓondɔ, ódidisani mosá á Mokonga, ɓón'yegɛ nketi na ateande áoga ɗanga.

1 Pɛ́tɛɛ 1:6

Ka nyɔngɔ índɔ bui unge, ɓáni na maseye phɛɛ, nanga kɛ̌kɛnde akeni ɓóɓɛ suɓi á tombaga ɗanga-ɗanga ka mbenɔ ábɔa.

1 Pɛ́tɛɛ 2:21

Ka nyɔngɔ índɔ unge Mokonga ɗánɔɔphani nga, Kiísito ɗátambigi phɔtɔ ka phɔa anu, áonóɗeketea mphangiɔ ka gea, ɓóɓeɛ angá akɛ.

1 Pɛ́tɛɛ 3:14

Cɔ, nanga ɓótótambaga ka nyɔngɔ nde ande á ɗoni, ɓotóɓande na maseye. Ɓókǒɓángɛmbɛ ɓakpa, ɓókóagatanɛmbɛ ka měma.

1 Pɛ́tɛɛ 4:13

Cɔ, ɓáni ndiu na maseye ka ɓá anu na ka gbútuka á tambaga ndea Kiísito, ka gea, ɓenu phɔtɔ ɓótúmɛ na maseye phɛɛ mbenɔ nde aphangiande ɓoombia nɛkɛ base ka nkpa buakɛ.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 6:11

Ɓâ gǎkɛ ǒɓopha nkpa na nkpa bɔngɔ éndǎ ábu, ɓáǒngoɗea te, ɓáɓondeɛ phɔ́ ka mbenɔ ábɔa na ka ɓî mɔɔmba á ɓadaɓɔ ɓabɛɗanigi na ɓana-amaɓɔ íɓunde ɓásiande ɓea ɓɔ, akpeengeanande.

Mphaniɔ 7:14

Néonsikisia te: «Mɔkɔta nɛmɔ, oɓɛ aámbé ooúba.» Áomogea: «Ɓundɔ, ɓáunge ɓátóki ka tambaga ángbó. Ɓásokosi bɔngɔ éndǎ nɛɓɔ na magia á Muna-Mɔgɔgɔ, ka ɓondɔ, bɔngɔ nɛɓɔ áoɓá ábu.