1 Pɛ́tɛɛ 5:8 - Ɔngana á Kɛ̌kɛ

⁸ Kóɗani iso, ɓókoyengiɛmbɛ! Mɓiɓia nɛnu nketi aotimba ɓea simba n'aɔgɔuma ka kaɓa ani mmbé aongoa.

1 Pɛ́tɛɛ 5:8 Iomraidhean Croise

Matáyɔ 13:39

Mɓiɓia mmbé akoni ɔphɔ ájeɗe, ande nketi. Ɗúngú ande sungiaga á mokonda. Ɓato á ɗungu ɓánde ɓamalaéka.

Matáyɔ 24:42

Cɔ, ɛ́ngɛphani nga, ɓókóoúba esa nde Mɔkɔta nɛnu abikaeka.

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 4:1

Mbusa á ɓatisa á Yéso, Měma á kanga ɓojeɗe áonsɔndɔɛa ka nkanda, ka gea nketi ántombɛgɛ.

Matáyɔ 4:11

Mpɔ, nketi áonsaga Yéso, ɓamalaéka ɓáobika ɔmbɛɗaneaga.

Málikɔ 4:15

Mbó nɛngbo ɗágu ka mpɛphɛ á aphe. Mpɛphɛ á aphe ndɔ, a ɓea ɓakpa nde ɓáɔɔ́ka Nyɔngɔ á Mokonga. Kángá iphia, Sɛtáni áophúia Nyɔngɔ kau suɓi aɓɔ.

Lóka 21:34

«Ɛ́ngɛphani! Měma anu kaɗokómanɛmbɛ ka nyɔngɔ á eaga n'ɛbɛɗi á makana, phɔtɔ na mɔphɛ á enda. Ɓoogea ɓó, mmbe esa ndɔ anosɛnɛkɛande kángá mosenda.

Lóka 21:36

Cɔ, ɓókóɗɛmbɛ. Mɛmani Mokonga ka mbenɔ bui. Kaɓondɔ, ɓoɓande na ɓukpɛkpɛ á oloka nyɔngɔ bui nde akiɗianande, mpɔ ɓômama mosá ani eme Muna-Nkpa.»

Lóka 22:31

Yéso áɔyɔnga gea: «Simɔ́ni, Simɔ́ni, Sɛtáni anɔmɛmi gea, ánɔpɛcɛ sumbia ɓî ɓámɔ̂ɔpɛca mbó ka ungɔ.

Yoáni 8:44

Ɓonde ɓana-nketi, ɓo phɔtɔ okaɓa tɔtɔkisa á mɔphɛ á abanu. Ande nto á kaiso kpanga ka nkpangeɔ, nnaomama ka nyɔngɔ nde ande á ɗoni nga, ɗoni nna suɓi akɛ. Mbenɔ nde aɔyɔnga mbɛa, nndɔ a tɔ ebigɔ nɛkɛ ka nyɔngɔ nde yɛ, ande nto á mbɛa n'ande phɔtɔ Aba-mbɛa.

2 Ɓakɔlítɔ 2:11

Negi ɓondɔ ka gea, Sɛtáni kasódemɛgɛmbɛ, nga ɓeoúba kanisia akɛ.

Ɓaɛphɛ́sɔ 4:27

Ɓókómophɛmbɛ nketi ɔma.

Ɓaɛphɛ́sɔ 6:11

Ɔ́lani nkumba émani nde Mokonga abikisi. Mpɔ, ɓóǒsimbia ka tombaga ndea Nketi.

1 Timɔtɛ́ɔ 2:15

Cɔ, ɓake ɓáamande ka měma ka nyɔngɔ á ɛɓɔkɔti, aoɓá na ɓátútuisi ɓeekea, ekondani, na měma á ɓonjánja.

1 Timɔtɛ́ɔ 2:9

Nekondi goto gea, ɓake ɓáɔ́lɛ ngɔ́mbɛ ɓíndɔ akeni. Ɓákaɔ́lanɛgɛmbɛ na ɓemboko, ɓáokɛ́ sekamɔ̌ ɓíndɔ akeni, ɓákáɛtɔndɛmbɛ na kema nde ɓáɓɔngisigi na láté na nnde a n'esombi akpɛ, ɓákaɔ́lɛ phɔtɔ ngɔ́mbɛ nde ana esombi akpɛ.

1 Timɔtɛ́ɔ 3:11

A phɔtɔ ɓó ka ɓake, ɓáɓɛ ɓakpa nde ɓákeni na ɔ́ka aɓɔ, ɓákáɓɛmbɛ n'ɛsɔ ájeɗe-jeɗe, ɓáambɛ tambea aɓɔ ánjá sasaɓɔ na ɓáɓɛ ɓato á ɗoni ka kema bui.

1 Timɔtɛ́ɔ 3:2

Cɔ, akeni nambi-kanisa áɓɛ kángá á nyɔngɔ ájeɗe. Áɓɛ tɔndɔ na nke moci, áambɛ tambea akɛ ánjá sasakɛ, áɓɛ múbaphi, áɓɛ na měma ánjá, áɓɛ nsesi-ɓakɛni na ngoisigi anjánjá.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

Títɔ 1:8

Áɓɛ ndiu nsesi á ɓakɛni, nto á konda kema nde aánjá, nto á kanisia ánjá, nto á koɗoni, nto á kanga á ɓojeɗe, nto-éamba sasakɛ.

Títɔ 2:12

Ɓonjánja-ékondi ndɔ unge, asóphangisi yá á kema ájeɗe, na mɔphɛ á ka mokonda ndee, ɓétambeɛ ka mbenɔ nde na kɔɓɔɔngɛ, na koɗoni na ɓánga á Mokonga.

Títɔ 2:2

Óngoɗea ɓaphomi á ɓǒko gea, ɓáɓɛ ɓato-éamba sasaɓɔ, ɓato-éɗokomisa, ɓato á kanisia ánjá, ɓáɓɛ na ɓeekea akpɛ, suɓi ékondi na phiphia.

Títɔ 2:4

ka gea, ɓégoisɛgɛ ánjá ɓamponjo á ɓake ka konda á ɓamunyaɓɔ na konda á ɓ'anaɓɔ,

Títɔ 2:6

Ɔ́phɛá phɔtɔ ɓaganda gea, ɓáɓɛ ɓato-úbapha

Yakɔ́ɓɔ 4:7

Kaɓondɔ, ódidisani mosá á Mokonga, ɓón'yegɛ nketi na ateande áoga ɗanga.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

Mphaniɔ 12:10

Mpɔ, nɛ́ɔɔ́ka ɛsɔ akpɛ n'aotóka na koba, áogea ɓe: «Mpɔ ye tɔ mbenɔ á ɓoamia á ka měma, ɓukpɛkpɛ, koɓoamɛ ndea Mokonga ajú na kɔkɔta á Kiísito nɛkɛ. Nga, ɓámmaki ka mokonda ntɔngi á ɓana-amasu mmbé ɗáɔ̌tɔngaga ɓɔ keiphe n'esa mɔtɛ á Mokonga.

Mphaniɔ 12:12

Kaɓondɔ, maseye áɓɛ na koba, ɓáni n'iyoma ɓunde ɓoiki na koba. Ande gǎkɛ ngomi ka mokonda n'oɓenge! Ka nyɔngɔ nde, Sɛtáni adidi ko. Yɛ, atúmi n'esúia nga, aúbi gea, mbenɔ nɛkɛ nna ye ásii.»

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 20:2

Áondunga njɔka angbóngbó, njɔka á kala n'ande nketi ímbɔ Sɛtáni, áomɓóaga ka ɓasaga ɛlɛphu moci (1.000).