1 Pɛ́tɛɛ 5:6 - Ɔngana á Kɛ̌kɛ

⁶ Cɔ, ódidisani kusi á njaga á ɓukpɛkpɛ ndea Mokonga ka gea ánotáisɛ ka mbenɔ nde akeni.

1 Pɛ́tɛɛ 5:6 Iomraidhean Croise

Matáyɔ 23:12

Mmbé aǒtáisa, ɓándidisande. Mmbé a gǎkɛ ǒdidisa, ɓántáisande.

Lóka 1:52

Ětókisi ɓaamɛ ka kankaanga á kɔkɔta, áǒsamboa ɓakusi.

Lóka 14:11

Nga, nkpa buakɛ mmbé aǒɗokomisa, ɓándidisande. Nkpa nde a ndiu ǒdidisa aámbé ɓánɗokomisande.»

Lóka 18:14

Mpɔ, Yéso áǒngoɗea: «Cɔ, negie, mphendisigi-manjanja ɗáji mɔtɛ-akɛ, na ye tɔ nto á koɗoni k'íso á Mokonga, nna Mophaisáyɔ. Nga, nkpa buakɛ mmbé aǒɗokomisa, aámbé ɓándidisande. Nkpa nde a gǎkɛ ǒdidisa, aámbé ɓánɗokomisande.»

Ɓalɔ́ma 5:6

Cɔ, ɓî ɗéɓékétú phɔ́ na ka ɓukpɛkpɛ, Kiísito ɗáku ka phɔa ɓato á ɓojeɗe ka mbenɔ ánjá nde Mokonga ɗáangi.

1 Ɓakɔlítɔ 10:22

Cɔ, aoɓá na ɓegi ɓó, ɓeokaɓa jujúkisa á nsengo ndea Mɔkɔta? Ɓe ɓákpɛkpɛ kɔnyɛ́nya yɛ?

1 Timɔtɛ́ɔ 2:6

mmbé yɛ sasakɛ ɗábisi enda akɛ ka phɛ́a, ka nyɔngɔ á amisa á ɓakpa ɓɔbu. Nndɔ unge aɗigimisi ka mbenɔ nde Mokonga ɗábisi gea, akondi amisa á ɓakpa ɓɔbu.

Títɔ 1:3

Ka mbenɔ nde Mokonga Namisi nɛsu ɗábisi, ɗámoúbisi base mbino nde ɗámopi ka ɓeana na moangɔ nɛkɛ gea te, nɛ́tɔ̌miɛgɛ.

Yakɔ́ɓɔ 4:10

Ódidisani mosá á Mɔkɔta, na yɛ anotáisande.

Yakɔ́ɓɔ 4:7

Kaɓondɔ, ódidisani mosá á Mokonga, ɓón'yegɛ nketi na ateande áoga ɗanga.

Yakɔ́ɓɔ 5:10

Ɓaya, ókanisiani phɔ́ ɓaɔtu-nyɔngɔ ndea Mokonga ɓunde ɗáɓáɔyɔnga k'ína á Mɔkɔta, ɓî ɗáɓáphiphíí suɓi á tambaga. Ɓenu, ɓáni phɔtɔ ɓó.