1 Pɛ́tɛɛ 5:12 - Ɔngana á Kɛ̌kɛ

¹² Síla, ɗámoengi ka ɗundua á ɓaoɓa ángbí ndee. K'éme, ande mɓêki ímbe ɓa á ɗoni. Ɗénóɗundui ú ka gbagisaga anu na engekisa anu gea ɓonjánja-ékondi ndea Mokonga nnde ande á ɗoni ɓókoɗeketɛmbɛ.

1 Pɛ́tɛɛ 5:12 Iomraidhean Croise

Yoáni 21:21

Mbenɔ nde Pɛ́tɛɛ amɔni, áongoɗea Yéso te: «Mɔkɔta! Cɔ, mmbé aɓáeka ɓo?»

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ekuma á ɓateki 15:22

Mpɔ ɓateki, ɓagbɛga á kanisa na kanisa bui, ɓáophánga sɔmbɔa ka ɓakpa sɔsɔɓɛ aɓɔ na teka á ɓɔ ka Antiɔkía kimoci na Pɔ́lɔ na Baanába. Ɓáɔ̌sɔmbɔa Yúda mmbé ɓá phɔtɔ ɔmɔphana Balisába na Síla, ɓunde ɗáɓátú na kɔkɔta sɔsɔɓɛ á ɓadaɓɔ.

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ɓalɔ́ma 5:2

Ka nyɔngɔ akɛ phɔtɔ unge ɓena ɓeekea gea, ɓebîmisi ɓonjánja-ékondi ndea Mokonga nnde ande cina á ɓeekea nde ɓeikíí. Ɓena maseye ka nyɔngɔ nde nseɓeɔ nɛsu ande ɓá na ɓoombia ndea Mokonga.

1 Ɓakɔlítɔ 15:1

Ɓaya, nekondi goto nénókanisiɛ Mbino-Ánjá nde ɗénɔtɔ̌migi. Ɗóɓoɓeeki ú, na ka kɛ̌kɛnde, ɓo phɔ́tɔ oamba ú.

2 Ɓakɔlítɔ 1:19

Nga, Muna-Mokonga Yéso Kiísito mmbé eme Pɔ́lɔ, Timɔtɛ́ɔ na Síla ɗɛ́ɓɛnɔtɔ̌mi nyɔngɔ akɛ, ɗákábiki ka nyɔngɔ á ɓeekea kaɓɛ yá á nyɔngɔ. Suɓi akɛ a ndiu tɔ ɗoni.

2 Ɓakɔlítɔ 1:24

Ké phɔtɔ na siki á soseaga anu ka kema nde akeni na ɓeekea í, ka nyɔngɔ nde, ɓeekea nɛnu ka Yéso a ye tɔ na mǐgi akpɛ. Ɓe tɔ ɔbɛɗanaga kimoci ka gea, ɓóɓɛ na maseye.

Ɓaɛphɛ́sɔ 3:3

Mokonga aámbé ɗámɔɔphani ka úbisa ani moangɔ nɛkɛ á ɓɔsɔmɛa. Ɗéneɗundu ábɔa ka nyɔngɔ í gǔ.

Ɓaɛphɛ́sɔ 6:21

Dasu ékondi Tikíkɔ, ande mbɛɗanigi anjánjá ndea Mɔkɔta. Yɛ aámbé anóngoɗeagande nyɔngɔ nɛmɔ bui ka gea te, ɓóúbɛ enda ani a ɓo.

Ɓakɔlɔsái 1:7

Epáphaa dasu mbɛɗanigi ékondi, yɛ aámbé ɗánogoisigi. Yɛ, ande mbɛɗanigi nɛnu ka Kiísito ka ɗoni.

Ɓakɔlɔsái 4:7

Tikíkɔ mmbé ande dasu ékondi na mbɛɗanigi anjánjá k'ékuma ndea Mɔkɔta, yɛ aámbé anóngoɗeagande mbino ani bui.

Ɓakɔlɔsái 4:9

Yɛ, ɓáge na Ɔnɛsímɔ. Ɔnɛsímɔ ande dasu ékondi, na muna-amasu anjánjá. Yɛ, ande ɓ'anu. Ɓɔ, ɓánóngoɗeagande nyɔngɔ bui nde aɔnyɛ́nya wani.

1 Ɓatɛsalɔníka 1:1

Ka ɓaɓêki á ka Tɛsalɔníka, sambani. Eme Pɔ́lɔ aámbé neɗundu ɓaoɓa ndee. Ɓe kimoci na Síla, na Timɔtɛ́ɔ. Ɓenu ɓáunge ɓɔɔngani na Abasu Mokonga, na Mɔkɔta Yéso Kiísito. Cɔ, ɓujɛjɛ na ɓonjánja áɓɛ ka ɓenu.

2 Ɓatɛsalɔníka 1:1

Eme Pɔ́lɔ, Síla na Timɔtɛ́ɔ, ɓenósesi sambani. Ɓesu ɓáunge ɓeɗundu ɓaoɓa nde ka ɓato á kanisa ndea Tɛsalɔníka, ɓunde ɓánde ɓakpa ndea Abasu Mokonga na Mɔkɔta nɛsu Yéso Kiísito.

Ɓaɛbulanía 13:22

Ɓaya, nenóɗengemisigi ɔ́kani nyɔngɔ nde á gbagisaga měma anu nga, kénóɗundui nyɔngɔ endǎ.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

1 Pɛ́tɛɛ 4:10

Ambe nkpa na nkpa ábɛɗaneɛgɛ egabɔ nde Mokonga ɗámophi, ka ɓonjánja á ɓakpa ɓunɛngbo. Kaɓondɔ unge, ɓoɓande ɓaambi ɓánjá á egabɔ ɗanga-ɗanga nde Mokonga ɗánóphi.

2 Pɛ́tɛɛ 1:12

Ka nyɔngɔ índɔ unge nekondi kanisia anu nyɔngɔ ndɔ esa bui, nanga ɓo ye oúba, na kakamana ka nyɔngɔ á ɗoni nde ɗáɓánɔtɔ̌mi.

2 Pɛ́tɛɛ 2:15

Mbusa á ɗeketa aɓɔ aphe á ɗoni, ɗáɓáɓúngigi, ɓáoɓea aphe ndea Baláma muna Bɛɔ́li. Yɛ, ɗákondi tɔá á imɔna k'aphe ájeɗe,

3 Yoáni 1:12

Ɓakpa ɓɔbu ɓáoɗigimisa gea, Dɛmɛtiíɔ ande nkpa anjánjá, nndɔ ande ɗoni. Ɓesu phɔtɔ ɓeoɗigimisa nyɔngɔ ka phɔa akɛ, na oɓɛ ooúba gea ɗigimisa á nyɔngɔ nɛsu ande ɗoni.

Yúda 1:3

Cɔ, ɓadani ékondi, ɗétú na mɔphɛ phɛɛ á ɗunduia anu nyɔngɔ á ɓoamia á ka měma, nnde ɓesu ɓɔbu ɓeɓeeki. Nɛɔni gǎkɛ ánjá nénoɗunduiɛ ka opha anu ɓukpɛkpɛ ka měma, ɓóúniɛ ɓeekea nde Mokonga ɗéɓophi ɓakpa nɛkɛ mɔngɔ ímoci.