1 Pɛ́tɛɛ 5:10 - Ɔngana á Kɛ̌kɛ

¹⁰ Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

1 Pɛ́tɛɛ 5:10 Iomraidhean Croise

Lóka 22:32

Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.»

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 15:5

Ambe Mokonga mmbé aosóphiphisa měma na kpagisaga asu ásɔɔnganisɛ ánjá ɓíndɔ Yéso akondi.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓalɔ́ma 9:11

Mokonga a gǎkɛ na moangɔ nɛkɛ ka sɔmbɔa á ɓakpa. Sɔmbɔa ndɔ, atóki ka mɔphani nde yɛ aɛɓɔphani, nna ndiu ka tambea aɓɔ. Ka ɔnisa gea, nnaoanganisa moangɔ nɛkɛ, Mokonga áongoɗea Lɛbɛ́ka na káeɓonjimbɛ ɓaniki-ɓǒko nɛkɛ, na ɓákágimbɛ mɔnɔ kaɓɛ kema ánjá kaɓɛ kema ájeɗe gea: «Ngbɛga ambɛɗaneagande miki.»

Ɓalɔ́ma 9:24

Ɓesu ɓáunge ɗásɔɔphani, nna tɔ sɔsɔɓɛ á Ɓayúda, phɔtɔ sɔsɔɓɛ á ɓunde ɓáná Ɓayúda.

1 Ɓakɔlítɔ 1:10

Ɓaya, nenóɗengemisigi k'ína á Mɔkɔta nɛsu Yéso Kiísito gea, ɔ́kanani, ɓókokatanɛgɛ mɔnɔ. Ɓáni ndiu na měma mo na kanisia mo na yɔngɛa mo.

1 Ɓakɔlítɔ 1:9

Mokonga mmbé nnaoanganisa mɔkɔ nɛkɛ, aámbé ɗánɔɔphani gea, ɓójukanɛ n'Anakɛ Yéso Kiísito, Mɔkɔta nɛsu.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

Ɓaphilípi 4:13

Nɛtɔki tɔ bui nga Kiísito aámbé amogbagisigi.

Ɓakɔlɔsái 2:7

Édokoɗeani ka yɛ na ɓótetemisɛ enda anu ka yɛ. Ká kámisani ɓeekea akɛ ɓíndɔ ɗáɓánógoisigi. Ɓáni phɔtɔ na ɓosegi ásii ka Mokonga.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

2 Ɓatɛsalɔníka 2:14

Mokonga ɗánɔɔphani ka ɓoamia ndɔ k'aphe á Mbino-Ánjá nde ɗéɓenɔ́phɛí, ka gea, ɓóɓɛ na ɓoombia ndea Mɔkɔta nɛsu Yéso Kiísito.

2 Ɓatɛsalɔníka 2:17

ánóphɛ ɓukpɛkpɛ, na mamisa anu akpɛ esa bui k'ékuma ánjá, nanga á ɓá kaɓɛɗanaga, nanga á ɓá ka yɔnga.

2 Ɓatɛsalɔníka 3:3

Mɔkɔta a tɔ ɔtɔtɔkisa nnde ɗáyɔngi. Anógbagisande ka měma, anóambande na Nketi.

1 Timɔtɛ́ɔ 6:12

Mǎna emani á ɓeekea ánjá, ódungia ka enda á mɛyɔ. Nga, ka nyɔngɔ índɔ unge Mokonga ɗákɔɔphani mbenɔ nde ɗóɓeeki. Bisa ɓeekea nɛkɔ base mosá á ɓaɗigimisi ɓásii.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

Ɓaɛbulanía 9:15

Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

1 Pɛ́tɛɛ 1:15

Cɔ, ɓáni ndiu ɓato á Mokonga kángá ɓojeɗe ka tambea anu bui, ɓíndɔ Mokonga, mmbé anɔɔphani, ande nto á kanga á ɓojeɗe.

1 Pɛ́tɛɛ 4:10

Ambe nkpa na nkpa ábɛɗaneɛgɛ egabɔ nde Mokonga ɗámophi, ka ɓonjánja á ɓakpa ɓunɛngbo. Kaɓondɔ unge, ɓoɓande ɓaambi ɓánjá á egabɔ ɗanga-ɗanga nde Mokonga ɗánóphi.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

2 Pɛ́tɛɛ 1:3

Ka ɓukpɛkpɛ nɛkɛ, Mokonga asophi kema bui nde akeni ka enda asu. Ɗágeani ɓó ka gea, ɓéjukanɛ ka beba akɛ, na ka úbisa asu mmbé ɗásɔɔphani ka ɓá na ɓoombia na ɓonjánja nɛkɛ sasakɛ.

1 Yoáni 2:25

Mɔkɔ nde yɛ sisakɛ asɔɔku ande enda á mɛyɔ.

Yúda 1:24

Mokonga aɔtɔka ámbá anu ka gea ɓókoguɛmbɛ ka ɓojeɗe na kiɗianisa anu mosá á ɓoombia akɛ kángá kisɛki ka maseye.