1 Pɛ́tɛɛ 5:1 - Ɔngana á Kɛ̌kɛ

¹ Cɔ, kɛ̌kɛnde nɛɔ̌phɛa ɓadani ɓagbɛga á kanisa nde ɓá ka ɔlɔ anu. Eme nende phɔtɔ ngbɛga ɓea ɓɔ. Nende nɗigimisi á tambaga ndea Kiísito, neɓande na ka ɓoombia nde asɛnɛkande.

1 Pɛ́tɛɛ 5:1 Iomraidhean Croise

Lóka 24:48

Ɓenu gǎkɛ ɓonde ɓaɗigimisi á nyɔngɔ ndee.

Ekuma á ɓateki 1:22

kpanga ka oɓatisɔ ndea Yoáni, na ka sungiaga ɓî Mokonga ɗántáisi Yéso na koba. Nga, akeni áɓɛ nɗigimisi á nyɔngɔ á jujúka á Yéso ka kukuwa.»

Ekuma á ɓateki 1:8

Ɓoɓande ndiu na ɓukpɛkpɛ mbenɔ nde Měma á kanga ɓojeɗe adidande gǔ anu. Ɓoɓande phɔtɔ ɓaɗigimisi á nyɔngɔ nɛmɔ ka Yɛusalɛ́ma, Yudɛ́a bui, Samalía na ka sungiaga á mokonda.»

Ekuma á ɓateki 11:30

Ɓagbɛga ɓáogea ɓó. Baanába na Saúlɔ ɓáotanga imɔna ndɔ ka ɓagbɛga á kanisa á ka Yudɛ́a.

Ekuma á ɓateki 14:23

Suɓi á kanisa moci-moci á ka nji ndɔ, Pɔ́lɔ na Baanába ɓáɔ̌sɔmbɔa ɓagbɛga á kanisa. Mbusa í, ɓáɔmɛma na ika kángá á eaga ka nyɔngɔ á mɛma á Mokonga. Mpɔ ɓáǒbisa ka njaga Mɔkɔta mmbé ɓámɓeeki éambɛ.

Ekuma á ɓateki 15:4

Ɓî ɓakpa nde kanisa ɗáeteki ɓájú ye na Yɛusalɛ́ma, ɓato á ka kanisa, ɓateki ndea Yéso na ɓagbɛga ɓáǒsesea. Pɔ́lɔ na Baanába ɓáɔ̌tɔmiaga kema bui nde Mokonga ɗági ka njaga aɓɔ.

Ekuma á ɓateki 15:6

Ɓateki na ɓagbɛga ɓáodondanaga ka ianaga ka nyɔngɔ ndɔɔ.

Ekuma á ɓateki 2:32

Yéso ndɔ tɔ aámbé Mokonga ɗánjujúkisi ka kukuwa. Ɓesu ɓɔbu ɓende ɓaɗigimisi á nyɔngɔ ndɔɔ.

Ekuma á ɓateki 20:17

Cɔ, ka Milɛ́tɔ, Pɔ́lɔ áotekisa mbino ka ɔphana á ɓagbɛga á kanisa á ka Ɛphɛ́sɔ.

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ekuma á ɓateki 21:18

Mama í, ɓéoga na Pɔ́lɔ mɔtɛ á Yakɔ́ɓɔ, ɔma nde ɓagbɛga á kanisa ɓɔbu ɗáɓádondanigi.

Ekuma á ɓateki 3:15

Ɗóɓonkusi Yéso, mɛna-ɓoamia, Mokonga â gǎkɛ onjujukisa sɔsɔɓɛ á ɓasí. Ɓende ɓaɗigimisi á nyɔngɔ ndɔ bui.

2 Ɓakɔlítɔ 5:1

Cɔ, ɓeoúba gea, nyama asu a ɓea ɛma nde ɓeoenda suɓi í ka mokonda nnde aɔngbɔɔkana, Mokonga asóbisíí endu na koba, nnde aoiphia mɛyɔ. Nna ɓakpa ɓáunge ɓáphɛkande.

2 Ɓakɔlítɔ 5:8

Eya, ɓena nténdé ɗoni! Ɓekondi ɗeketa á nyama ndee, ka gǎ ika bíbí á Mɔkɔta.

Ɓaphilípi 1:19

Nga, neoúba ɗoni gea, ka nyɔngɔ ɛ́mɛmi nɛnu na ɓî Měma á Yéso Kiísito aomoenga aunge sungiaga á tambaga ani, ande ɓoamia nɛmɔ.

1 Timɔtɛ́ɔ 5:1

Kómphekeɛgɛmbɛ ngbɛga, ntɔ̌mia ndiu nyɔngɔ ɓea abakɔ. Ɔ́tɔmia phɔtɔ ɓaganda nyɔngɔ ɓea ɓana-amakɔ,

1 Timɔtɛ́ɔ 5:19

Kóɓeekeɛmbɛ kitɔngi á ngbɛga akoɓa ɓakpa ɓaɓɛ kaɓɛ ɓasaɔ na ɓákáɗigimisi.

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Títɔ 1:5

Cɔ, ɗékosagi ka kesanga á Kɛɛ́tɛ ka gea, ɔ́ɓɔngisɛgɛ nyɔngɔ bui nde ajigi, na bisa á ɓagbɛga á kanisa ka ntanga-nji bui, ɓíndɔ ɗékososi.

Philɛmɔ́nɔ 1:9

nekondi gǎkɛ ɗengemisaga akɔ ɓó k'ína ékondi. Eya, eme Pɔ́lɔ, ne ye ngbɛga, na kɛ̌kɛnde ne phɔ́tɔ nto á mekakɔ ka nyɔngɔ á Kiísito Yéso.

Ɓaɛbulanía 12:1

Cɔ, ɓesu phɔtɔ, usɛsɛ á ɓaɗigimisi ndɔ asotimbi ka ɛnjia asu ka njoko á mbangɔ. Kaɓondɔ ɓémakɛni ɗanga nnde aosóɗokomisa na ɓojeɗe nde ɓékéoiphia na tá kau. Ɓéɓɛni na moíngí ka mbagɔ kau.

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.

1 Pɛ́tɛɛ 1:7

Tombaga ndɔ ande ka gea, ɓáengekisɛ ɓeekea nɛnu ka gea áúbikanɛ gea, ande á ɗoni. Láté ande kema nde aoújukana, ɓá gǎkɛ otoɓoa ú ka engekisa ɓonjánja í. Ɓeekea nɛnu a phɔtɔ ɓó. Ana kantíti kɔnyɛ́nya láté, akeni gǎkɛ ɓáengekisɛ ú. Ka nyɔngɔ índɔ unge ɓeɓande n'obebɔ, ɓoombia na ɓokutú mbenɔ nde Yéso Kiísito asɛnɛkaeka.

1 Pɛ́tɛɛ 4:13

Cɔ, ɓáni ndiu na maseye ka ɓá anu na ka gbútuka á tambaga ndea Kiísito, ka gea, ɓenu phɔtɔ ɓótúmɛ na maseye phɛɛ mbenɔ nde aphangiande ɓoombia nɛkɛ base ka nkpa buakɛ.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.

2 Yoáni 1:1

Eme, Ngbɛga á kanisa aámbé neɗundu ɓaoɓa ndee k'óɓɛ Ayi mmbé Mokonga ɗákɔsɔmbu, phɔtɔ ka ɓaniki nɛkɔ ɓunde někondi ɗoni. Nna tɔndɔ eme sasani aámbé nenókondi, ɓakpa ɓɔbu ɓunde ɓáúbi gǎkɛ ɗoni, ɓánokondi phɔtɔ ɓó

3 Yoáni 1:1

Eme Ngbɛga á kanisa aámbé neɗundu ɓaoɓa nde Ka Gáyɔ, mmbé nenkondi ɗoni.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.