1 Pɛ́tɛɛ 4:7 - Ɔngana á Kɛ̌kɛ

⁷ Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

1 Pɛ́tɛɛ 4:7 Iomraidhean Croise

Matáyɔ 24:42

Cɔ, ɛ́ngɛphani nga, ɓókóoúba esa nde Mɔkɔta nɛnu abikaeka.

Matáyɔ 25:13

Yéso áɔsɛkisia yɔnga te: «Ɛ́ngɛphani nga, ɓókóoúba kaɓɛ esa, kaɓɛ mbenɔ.»

Lóka 21:34

«Ɛ́ngɛphani! Měma anu kaɗokómanɛmbɛ ka nyɔngɔ á eaga n'ɛbɛɗi á makana, phɔtɔ na mɔphɛ á enda. Ɓoogea ɓó, mmbe esa ndɔ anosɛnɛkɛande kángá mosenda.

Lóka 21:36

Cɔ, ɓókóɗɛmbɛ. Mɛmani Mokonga ka mbenɔ bui. Kaɓondɔ, ɓoɓande na ɓukpɛkpɛ á oloka nyɔngɔ bui nde akiɗianande, mpɔ ɓômama mosá ani eme Muna-Nkpa.»

Lóka 22:46

Mpɔ áǒngoɗea: «Ɓoɗe ka nyɔngɔ éke? Máni ɓɔ́mɛmɛ ka gea ɓókoguɛmbɛ mbenɔ nde ɓáonótombaga.»

Ɓalɔ́ma 12:12

Ɓáni na maseye ka nyɔngɔ nde ɓoseɓei, ɓáni na měma áɗokǒ suɓi á tambaga. Mɛmani na moíngi ka koɗoni.

1 Ɓakɔlítɔ 15:24

Mbusa índɔ, áoɓá sungiaga, Kiísito atúkatúkande koɓoamɛ, kɔkɔta na ɓukpɛkpɛ bui. Mpɔ, áonsikisia Abɛ Mokonga koɓoamɛ.

1 Ɓakɔlítɔ 7:29

Ɓaya, nnde nɛyɔngi a ɓe: Mbenɔ kájigi ye ásii. Cɔ, kpangá á kɛ̌kɛnde, ɓakpa nde ɓána ɓake, ɓáikɛ ɓea ɓakpa nde ɓáná na ɓake.

Ɓaɛphɛ́sɔ 6:18

Mɛmani Mokonga kángá ɗeketa. Mɛmani mbenɔ bui ka ɓukpɛkpɛ á Měma. Phɛani tɔ̌ kángá ɛla k'ɛ́mɛmi ka phɔa ɓakpa ɓɔbu ndea Mokonga.

Ɓaphilípi 4:5

Akeni ɓakpa ɓɔbu ɓáúbɛ ɓɔphɔngɔ anu. Nga, Mɔkɔta asóobika.

Ɓakɔlɔsái 4:2

Suiani ɛmɛmi, ɛ́ngɛphani k'ɛ́mɛmi kau, ɓáni phɔtɔ na měma á ɓosegi ka Mokonga.

2 Timɔtɛ́ɔ 4:5

Oɓɛ gǎkɛ, óamba ka kema bui, óphiphiɛ tambaga, bɛɗanaga ekuma á tɔ̌mia á Mbino-Ánjá. Tɔtɔkisa ekuma nɛkɔ ánjá.

Títɔ 2:12

Ɓonjánja-ékondi ndɔ unge, asóphangisi yá á kema ájeɗe, na mɔphɛ á ka mokonda ndee, ɓétambeɛ ka mbenɔ nde na kɔɓɔɔngɛ, na koɗoni na ɓánga á Mokonga.

Ɓaɛbulanía 10:25

Ɓékéɗeketɛmbɛ dondanaga kimoci ɓíndɔ ɓakpa ɓuangbo ɓáɛmbani na ɗeketa í. Ɓégbagisanɛgɛni goto phɛɛ nga, ɓɔɔni gea esa á ja á Mɔkɔta a ye tɔ bíbí.

Ɓaɛbulanía 9:26

nga, atúoɓá n'aɓó, ámbé ɗátambigi mongɔ ásii kpanga á conjá á mokonda. Cɔ, kɛ̌kɛnde ka mbenɔ á sungiaga, Kiísito aɔnɛkani tɔ mɔngɔ ímoci ka gea áímɛ ɓojeɗe ka ɓî yɛ sasakɛ aku ɓea nyama á phɛ́a.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

1 Pɛ́tɛɛ 3:7

Ɓenu phɔtɔ ɓǒko, ikani na ɓake ɓánu ka ɔ́kana ánjá, na ɓooúba gea, ɓáɔlɔmani kɔnɔnyɛ́nya. Ambe ɓóoɗokomisɛ nga, ɓɔ ɓátɔande egabɔ á enda á ɗoni ɓea ɓenu. Geani ɓó ka gea, ka kema kaɗakɛmbɛ ɛmɛmi nɛnu.

1 Pɛ́tɛɛ 5:8

Kóɗani iso, ɓókoyengiɛmbɛ! Mɓiɓia nɛnu nketi aotimba ɓea simba n'aɔgɔuma ka kaɓa ani mmbé aongoa.

Mphaniɔ 16:15

«Cɔ, ɔ́kani, nebiki ɓea nkukuɓa. Maseye ka mmbé aɔphɛa tɔ̌ na ámbá bɔngɔ nɛkɛ, kágɛku ndúmbú na kuwa na soni mosá á ɓakpa.»