1 Pɛ́tɛɛ 4:6 - Ɔngana á Kɛ̌kɛ

⁶ Ka nyɔngɔ índɔ unge ɗáɓátɔ̌mi phɔtɔ Mbino-Ánjá ka ɓakpa nde ɓáku. Ɗáɓáteni nyɔngɔ nɛɓɔ ɓea ɓakpa ɓɔbu. Kɛ̌kɛnde gǎkɛ, ɓáɔtɔka na ɓáendi ka ɓukpɛkpɛ á Měma á kanga ɓojeɗe ɓíndɔ Mokonga akondi.

1 Pɛ́tɛɛ 4:6 Iomraidhean Croise

Matáyɔ 24:9

Ɓánɔtɔngande ka tambisaga na mowa anu. Ɓakpa ɓɔbu ɓánokangeande ka nyɔngɔ á ina ani.

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

Ɓagalatía 2:19

Cɔ, ka nyɔngɔ ɛ́ɔphi unge neku. Ɛɔphi ndɔ unge amokusisi ka gea te, enda ani áɓɛ ka Mokonga. Ɗéku kimoci na Kiísito ka moyangɔ.

Ɓagalatía 5:25

Ɓî Měma unge aosóendisa, akeni ndiu tambea asu áɓɛ ɓíndɔ Měma akondi.

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Pɛ́tɛɛ 3:19

Ka ɓukpɛkpɛ á Měma á kanga ɓojeɗe ndɔ, aunge ɗáge phɔtɔ ɔtɔmia nyɔngɔ á ɓoamia á ka měma nde ɗá ka mekakɔ.

Mphaniɔ 14:18

Mpɔ, malaéka ɓaangbo mmbé ana kɔkɔta gǔ á nsa áotóka k'ɔ́ma ɔ́phɛ́ɔ áonkogea mmbɔ ɗádungi píndí á pheá gea: «Bɛɗa píndí ndeakɔ ótenɛ mbuka á mujabíbu nde agɔmbi ka mokonda nga, a ye mɔti.»