1 Pɛ́tɛɛ 4:4 - Ɔngana á Kɛ̌kɛ

⁴ Cɔ, kɛ̌kɛnde, ɓakpa nde ɓákáomúba Mokonga ɓáotangaaga nga, ɓókó ye kimoci na ɓɔ k'aphe á nyɔngɔ ájeɗe-jeɗe. Ka nyɔngɔ índɔ unge ɓáonóbóma.

1 Pɛ́tɛɛ 4:4 Iomraidhean Croise

Matáyɔ 23:25

Ngomi anu ɓaɗundu-ɛɔphi na Ɓaphaisáyɔ. Ɓonde ɓato á odemayɔ! Ɓoosokosaga mpɛphɛ á cǎ n'ɔphɛphɛ nde kádúumani, suɓi í n'atúmi ndiu na kema á kuɓa na nnde á mɔphɛ ájeɗe nɛnu.

Lóka 15:13

Mbusa á esa ábɔa, mmbɔ miki áoɓóaga nkumba nɛkɛ bui, áoga ně ka nji á ɗanga. Kó, áoɓúngisa nkumba ndɔ bui jǎi-jǎi.

Ekuma á ɓateki 13:45

Ɓî Ɓayúda ɗáɓáɔni usɛsɛ á ɓakpa ndɔ, ɓáotúma na nsengo, ɓáongana ɓɔphɛi ndea Pɔ́lɔ na bóma akɛ.

Ekuma á ɓateki 18:6

Ɓayúda ɓâ ndiu oya nyɔngɔ ndea Pɔ́lɔ na bóma akɛ. Kaɓondɔ, Pɔ́lɔ áǒciciia bɔngɔ nɛkɛ, áǒngoɗea te: «Magia anu, áɓɛ ye tɔ ka mɔ̌ anu sasanu. Nna yé nyɔngɔ nɛmɔ. Kɛ̌kɛnde negande k'ékuna nɛngbo.»

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓaɛphɛ́sɔ 5:18

Makana kanɔ́bɛɗɛmbɛ nga, ɛbɛɗi á makana aomúja nkpa. Akeni ndiu, ɓótúmɛ na Měma á kanga ɓojeɗe.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.

2 Pɛ́tɛɛ 2:12

Ɓagoisigi á mbɛa ndɔ, ɓáúkí gǎkɛ úbapha ɓea ɓanyama, ɓunde ɓáɓɔkɔtɛani tɔ ka ta ka mɛ̌kɔ na mowa aɓɔ. Ɓakpa ndɔ ɓáobóma kema nde ɓánáoúba na ɓákuwande ɓea ɓanyama.

2 Pɛ́tɛɛ 2:22

Ande gea te, tambea aɓɔ aphangi base mɛní ndee: «Mbwa asikíí ea á ɓɔɔki akɛ» na «Ngɛa nde ěsokosi, asikíí goto éúphá n'esau.»

Yúda 1:10

Cɔ, ɓakpa ndɔ ɓáobóma kema bui nde ɓákáoúba. Úbapha aɓɔ aotamba kimoci na tambea aɓɔ ɓea ɓanyama ɓunde ɓáká na úbapha. Nndɔ ungɔ aǒɓúngisaga.