1 Pɛ́tɛɛ 4:16 - Ɔngana á Kɛ̌kɛ

¹⁶ Nkpa a gǎkɛ otambaga ka nyɔngɔ nde ande mokiísito, kakuwɛmbɛ na soni, ámbebɛ ndiu Mokonga ka ɓa akɛ na ina ndɔɔ.

1 Pɛ́tɛɛ 4:16 Iomraidhean Croise

Ekuma á ɓateki 11:26

Andondi ye, áonga ně na Antiɔkía. Kó ɓáodondana na ɓato á ka kanisa, ɓáoika na ɓɔ ka saga moci. Ɓáǒgoisaga ɓakpa ɓásii nyɔngɔ á ka měma. Ka Antiɔkía unge ɓákpangi ɔphana á ɓagoigi ɓakiísito.

Ekuma á ɓateki 26:28

Mpɔ Agiípa áonsikisia Pɔ́lɔ te: «Ooúba te, ɔɔtɔka n'ɔmɔɓɔngi ka mbenɔ ábɔa néoɓá mokiísito?»

Ekuma á ɓateki 28:22

Cɔ, ɓekondi phɔ́ ɓɛ́ɔ́kɛ ianaga akɔ. Nga, ɓeoúba gea, ɓakpa ɓáɔyɔnga ájeɗe k'ɔ́ma bui gǔ á esomba nde okau.»

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

Yakɔ́ɓɔ 2:7

Nna phɔtɔ ɓɔ ɓáunge ɓáobóma ina ánjá nde Mokonga ɗánóphi?

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

1 Pɛ́tɛɛ 4:14

Ɓonde ɓato á maseye aoɓá na ɓáonóbóma ka nyɔngɔ á ina á Kiísito nga, Měma á ɓoombia, ande gea Měma á Mokonga aiki suɓi anu.

1 Pɛ́tɛɛ 4:19

Cɔ, ɓakpa nde ɓáotambaga ka nyɔngɔ á tɔtɔkisa á mɔphɛ ndea Mokonga, ɓátútuisɛ tɔtɔkisa á kema ánjá. Ɓábisɛ phɔtɔ měma aɓɔ ka njaga á Mokonga mmbé ěconji. Yɛ, ande mmbé nnaotinganisa mɔkɔ nɛkɛ.