1 Pɛ́tɛɛ 4:14 - Ɔngana á Kɛ̌kɛ

¹⁴ Ɓonde ɓato á maseye aoɓá na ɓáonóbóma ka nyɔngɔ á ina á Kiísito nga, Měma á ɓoombia, ande gea Měma á Mokonga aiki suɓi anu.

1 Pɛ́tɛɛ 4:14 Iomraidhean Croise

Matáyɔ 5:11

Maseye ka ɓenu, mbenɔ nde ɓáonóbóma, ɓáonótambisaga, ɓáonógeea ájeɗe na ɓátekea anu na nyɔngɔ á mbɛa ka nyɔngɔ ani.

Matáyɔ 5:16

Kaɓondɔ, ambe owanga nenu ábɛnyɛ mosá á ɓakpa, ɓáɔnɛ ekuma nɛnu na ánjá. Mpɔ ɓámbebɛ Abanu mmbɔ á na koba.

Lóka 6:22

Maseye ka ɓenu ɓî ɓakpa ɓáonókangea, ɓáonóphaphea, ɓáonóbóma, ɓáonóyága ka nyɔngɔ ani, eme Muna-Nkpa.

Yoáni 15:21

Cɔ, ɓánotambisagande ɓó ka nyɔngɔ ani. Nga, ɓánaomúba mmbé amoteki.

Yoáni 8:48

Ɓayúda ɓáonsikisia Yéso gea: «Nna phɔ́tɔ ɗoni unge ɓeogea, onde Mosamalía n'ona ɓansombo?»

Yoáni 9:28

Mpɔ, ɓáombóma, ɓáogea: «Oɓɛ aámbé onde ngoigi nɛkɛ, ɓe ndiu ɓagoigi ndea Mósa.

Yoáni 9:34

Ɓayúda ɓáonsikisia gea: «Caa! Ɔɓɔkɔtɛani tɔ suɓi á ɓojeɗe. Ookaɓa goisaga asu?» Mpɔ, ɓáomɓeaga ka nsɛngɛ éndu á madondanɔ ndea Ɓayúda ka nyɔngɔ á Mokonga.

Ekuma á ɓateki 13:45

Ɓî Ɓayúda ɗáɓáɔni usɛsɛ á ɓakpa ndɔ, ɓáotúma na nsengo, ɓáongana ɓɔphɛi ndea Pɔ́lɔ na bóma akɛ.

Ekuma á ɓateki 18:6

Ɓayúda ɓâ ndiu oya nyɔngɔ ndea Pɔ́lɔ na bóma akɛ. Kaɓondɔ, Pɔ́lɔ áǒciciia bɔngɔ nɛkɛ, áǒngoɗea te: «Magia anu, áɓɛ ye tɔ ka mɔ̌ anu sasanu. Nna yé nyɔngɔ nɛmɔ. Kɛ̌kɛnde negande k'ékuna nɛngbo.»

Ekuma á ɓateki 28:22

Cɔ, ɓekondi phɔ́ ɓɛ́ɔ́kɛ ianaga akɔ. Nga, ɓeoúba gea, ɓakpa ɓáɔyɔnga ájeɗe k'ɔ́ma bui gǔ á esomba nde okau.»

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

2 Ɓakɔlítɔ 12:10

Kaɓondɔ unge, nena maseye ka nyɔngɔ á ɓɔɔlɔ bui, kaɓɛ mbóma, ɓuyɛnɛ, tambaga ɗanga-ɗanga, k'ína á Kiísito. Mbenɔ nde nena ɓɔɔlɔ, wandɔ unge nena ɓukpɛkpɛ.

2 Ɓakɔlítɔ 4:10

Mbenɔ bui, ɓeokumba tambaga á kukuwa á Yéso ka nyama asu ka gea, enda á Yéso áɔnɛkanɛ phɔtɔ ka nyama asu.

2 Ɓakɔlítɔ 4:16

Kaɓondɔ, ɓékéɔɛla k'ékuma nɛsu. Nanga nyama asu ákpanga dɔndɔɓɔka ɓokɛ-ɓokɛ, měma asu áoɓá á kɛ̌kɛ esa bui.

Ɓagalatía 1:24

Mpɔ, ɓaɓêki ndɔ ɓáombeba Mokonga ka phɔani.

Ɓaɛbulanía 11:26

Ɗáúbi gea, tóndea akɛ ɓíndɔ ɗáɓántóndei Kiísito, ana ɓokambia ángbó phɛɛ kɔnyɛ́nya ɛtɔi bubui nde ɗátú ka Mísii nga, ɗáobisa mɔphɛ akɛ k'ophendɔ nde Mokonga amphendande.

Yakɔ́ɓɔ 1:12

Maseye ka nkpa nde aophiphia tombaga nga, a ye ɔtɔka, atɔande kekombó nde Mokonga ɛ̌ɔku ɓunde ɓánkondi, n'ande enda á mɛyɔ.

Yakɔ́ɓɔ 5:11

Maseye áɓɛ ka ɓunde ɓáphiphíí tambaga. Ɗɔ́ɓɔɔ́ki nyɔngɔ á měma áɗoko ndea Yɔ́bu. Ɓooúba kema nde Mɔkɔta ɗági ka phɔakɛ mbusa í. Nga, Mɔkɔta atúmi na ngomi na ɓonjánja.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 3:14

Cɔ, nanga ɓótótambaga ka nyɔngɔ nde ande á ɗoni, ɓotóɓande na maseye. Ɓókǒɓángɛmbɛ ɓakpa, ɓókóagatanɛmbɛ ka měma.

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.

1 Pɛ́tɛɛ 4:16

Nkpa a gǎkɛ otambaga ka nyɔngɔ nde ande mokiísito, kakuwɛmbɛ na soni, ámbebɛ ndiu Mokonga ka ɓa akɛ na ina ndɔɔ.

2 Pɛ́tɛɛ 2:2

Ɓakpa ɓásii ɓáeɓeande ka tambea nɛɓɔ ájeɗe, na ka nyɔngɔ aɓɔ unge, ɓakpa ɓábómande aphe á ɗoni.