1 Pɛ́tɛɛ 4:13 - Ɔngana á Kɛ̌kɛ

¹³ Cɔ, ɓáni ndiu na maseye ka ɓá anu na ka gbútuka á tambaga ndea Kiísito, ka gea, ɓenu phɔtɔ ɓótúmɛ na maseye phɛɛ mbenɔ nde aphangiande ɓoombia nɛkɛ base ka nkpa buakɛ.

1 Pɛ́tɛɛ 4:13 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 25:21

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓéguɛ jaí kimoci!›

Matáyɔ 25:23

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓeguɛ jaí kimoci!›

Matáyɔ 25:31

Mbenɔ nde Muna-Nkpa abikande k'óbebɔ nɛkɛ kimoci na ɓamalaéka ɓɔbu, aikande ka kankaanga á koɓoamɛ.

Matáyɔ 25:34

Cɔ, Mɔkɔta aengoɗeande ɓundɔ ɓáɓande ka njaga akɛ á mǔku te: ‹Bikani, ɓenu íɓundɔ Abɛ anóbisíí njaga, tɔani koɓoamɛ nde ɗáɓáɓɔngisigi ka ɓenu, kpanga á ɓî ɗáɓáconji mokonda.

Matáyɔ 5:12

Gúani jaí na maseye, ka nyɔngɔ nde ɛkɔmi nɛnu ángbó ana koba. Nga, ɓondɔ unge ɗáɓáetambisigi ɓaɔtu-nyɔngɔ ndea Mokonga á mosá anu.

Málikɔ 8:38

Aoɓá nkpa n'aku na soni ka phɔani na ka phɔa ɓɔphɛi nɛmɔ mosá á ɓakpa á k'ɛ́ɓɔkɔti nde, nga ɓánde ɓato á ɓojeɗe na ɓakpa nde ɓán'ye Mokonga, eme Muna-Nkpa nenkuiande phɔtɔ soni esa nde nebikaeka ka ɓoombia ndea Abɛ Mokonga kimoci na ɓamalaéka á kanga ɓojeɗe.»

Lóka 17:30

Aɓande phɔtɔ ɓó esa nde eme Muna-Nkpa nɛsɛnɛkande.

Ekuma á ɓateki 16:25

Ka gabekana ésa, Pɔ́lɔ na Síla ɗáɓátú ɔmɛma na émba embɔ á beba á Mokonga. Ɓadaɓɔ ɓato á mekakɔ, ɓáɔ̌ɓɔ́ka.

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

Ɓalɔ́ma 5:3

Nanga ɓéotambaga, ɓena maseye nga, ɓeoúba gea, tambaga aobikisa moíngí,

Ɓalɔ́ma 8:17

Cɔ, kaɓɛ na ɓende ɓaniki, ɓeɓande phɔtɔ na ka ɓotukɔ nde Mokonga aɛɓɔku ɓakpa nɛkɛ. Ɓɛtɔande ɓotukɔ ndɔ kimoci na Kiísito nga, ɓî ɓeotambaga kimoci na yɛ, ɓeɓande phɔtɔ kimoci na yɛ ka ɓoombia nɛkɛ.

Ɓalɔ́ma 8:18

Nɛɔni gea tambaga bui nde ɓeně kɛ̌kɛnde kákengeani na ɓoombia nde Mokonga asóphangiande base.

2 Ɓakɔlítɔ 1:5

Nga, ɓî ɓeotambaga ásii ɓíndɔ Yéso ɗátambigi, asótúmisi na ɓukpɛkpɛ á phɔngisa á měma á ɓadasu.

2 Ɓakɔlítɔ 1:7

Kaɓondɔ, ɓena nseɓeɔ ásii ka ɓenu nga, a tɔ ɓíndɔ ɓeotambaga kimoci, a tɔ unge Mokonga aɔphɔngisa měma asu, ɓesu ɓɔbu.

2 Ɓakɔlítɔ 4:10

Mbenɔ bui, ɓeokumba tambaga á kukuwa á Yéso ka nyama asu ka gea, enda á Yéso áɔnɛkanɛ phɔtɔ ka nyama asu.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

Ɓaphilípi 3:10

Kema nde nekondi, a tɔ úba á Kiísito na ɓukpɛkpɛ á jujúka akɛ ka kukuwa, tambaga kimoci na yɛ, kuwa ɓea yɛ.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

2 Timɔtɛ́ɔ 2:12

Aoɓá na ɓeophiphia tambaga kimoci na Kiísito, ɓemameande nji kimoci na yɛ. Kaɓɛ na ɓen'yé Kiísito, yɛ phɔtɔ, asóyande.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

1 Pɛ́tɛɛ 2:21

Ka nyɔngɔ índɔ unge Mokonga ɗánɔɔphani nga, Kiísito ɗátambigi phɔtɔ ka phɔa anu, áonóɗeketea mphangiɔ ka gea, ɓóɓeɛ angá akɛ.

1 Pɛ́tɛɛ 5:1

Cɔ, kɛ̌kɛnde nɛɔ̌phɛa ɓadani ɓagbɛga á kanisa nde ɓá ka ɔlɔ anu. Eme nende phɔtɔ ngbɛga ɓea ɓɔ. Nende nɗigimisi á tambaga ndea Kiísito, neɓande na ka ɓoombia nde asɛnɛkande.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

Yúda 1:24

Mokonga aɔtɔka ámbá anu ka gea ɓókoguɛmbɛ ka ɓojeɗe na kiɗianisa anu mosá á ɓoombia akɛ kángá kisɛki ka maseye.

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.