1 Pɛ́tɛɛ 4:11 - Ɔngana á Kɛ̌kɛ

¹¹ Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

1 Pɛ́tɛɛ 4:11 Iomraidhean Croise

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Yoáni 13:31

Mbusa á juana á Yúda, Yéso áogea: «Cɔ, kɛ̌kɛnde, ɓoombia á Muna-Nkpa, aɔnɛkani. Ɓoombia ndea Mokonga aɔnɛkani ka yɛ.

Ekuma á ɓateki 7:38

A phɔtɔ aámbɔ ɗáedondanisigi Ɓaisilaɛ́li ka nkanda. Ɗáiki na ɓatatasu, phɔtɔ na malaéka, mmbɔ ɗáyɔngi na yɛ ka mamba á Sinái. Yɛ aámbé ɗá phɔ́ ɔɔ́ka mbino á endisa, mpɔ áɔsɔtɔnganisia ú.

Ɓalɔ́ma 11:36

Nga, yɛ aámbé ande nconji á kema bui, kema bui aiki ka ɓukpɛkpɛ nɛkɛ na ka phɔakɛ. Obebɔ áɓɛ ka yɛ esa bui! Áɓɛ ɓó.

Ɓalɔ́ma 12:3

Ka ɓeana na ɓonjánja-ékondi nde Mokonga ɗámopi, aunge nenóngoɗi ɓenu ɓɔbu gea, ká ɓenu kaɓɛmbɛ něɗokomisa phɛɛ, nkpa na nkpa áɓɛ ndiu na měma á ɛngɛpha ka ɓeana na keɓu á ɓeekea nde Mokonga ɗángabei.

Ɓalɔ́ma 16:27

Ɓémbebɛni Mokonga, Yɛ tɔndɔ aámbé ande mɔɔngɛ! Áɓɛ n'obebɔ ka Yéso Kiísito ka saga na saga! Áɓɛ ɓó!

Ɓalɔ́ma 3:2

Anyɛ́nyi ka kema ásii ɗanga-ɗanga. Ka nyɔngɔ nde Ɓayúda ɓáunge Mokonga ɗéɓophi phɔ́ nyɔngɔ nɛkɛ.

1 Ɓakɔlítɔ 10:31

Cɔ, kaɓɛ na ɓooeaga, ɓoonoa na ɓoogea kema sina, geani tɔ kema bubui ka sega á Mokonga.

1 Ɓakɔlítɔ 12:4

Cɔ, Měma á kanga ɓojeɗe a tɔ mo. Yɛ gǎkɛ tɔ aámbé aogaba egabɔ ɗanga-ɗanga.

1 Ɓakɔlítɔ 3:10

Ka ɓeana na egabɔ nde Mokonga ɗámopi, ɗébisi ɛtɛ á kpanga á mɔphɛkɔ ɓea mphɛki anjánjá. Nkpa ɓaangbo áɔphɛka gǔ í. Cɔ, nkpa na nkpa éɛnjiɛ gǎkɛ ánjá, k'etéte á mɔphɛkɔ nde aɔphɛka.

1 Ɓakɔlítɔ 6:20

Mokonga aámbé ɗánósómbi k'ésombi akpɛ. Kaɓondɔ, nɗokomisani pɛ Mokonga ka nyama anu.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 9:13

Ɓǒphangiande ɓakpa base ekuma nɛnu ánjá. Ɓakpa ɓásii ɓánɗɔkɔmisande Mokonga ka nyɔngɔ á ɔ́kapha anu. Nndɔ ungɔ aoɗigimisa ɓeekea nɛnu ka Mbino-Ánjá ndea Kiísito. Ɓámbebande phɔtɔ ka nyɔngɔ á ɓonjánja nɛnu ka égabea ɓɔ nkumba nɛnu na ɓuangbo ɓɔbu.

Ɓaɛphɛ́sɔ 1:19

Ɓoúbande ɓukpɛkpɛ nde aɔbɛɗanaga ka phɔa asu ɓaɓêki. Ɓukpɛkpɛ ndɔ ande nnde Mokonga ɗáɔnisi na ɓukpɛkpɛ

Ɓaɛphɛ́sɔ 4:29

Nyɔngɔ ájeɗe kajúanɛ mɔnɔ tanda k'aphenɔkɔ anu. Yɔngani ndiu tɔ nnde ana kantíti na akenanigi na mɔphɛ á ɓakpa na aɔtɔka na aegbagisigi ɓakpa na gea ánjá ka ɓundɔ ɓáɔnɔɔ́ka.

Ɓaɛphɛ́sɔ 5:20

Nsegani Abɛ Mokonga esa bui ka kema bubui, k'ína á Mɔkɔta nɛsu Yéso Kiísito.

Ɓaɛphɛ́sɔ 6:10

Cɔ, ka sungiaga, ógbagisanagani phɛɛ suɓi á Mɔkɔta na ɓukpɛkpɛ phɛɛ ndea Mɔkɔta.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 2:11

Mpɔ, nkpa buakɛ áɔtɔmiaga base gea, Yéso Kiísito ande Mɔkɔta, ka ɓoombia ndea Abɛ Mokonga.

Ɓakɔlɔsái 4:6

Ambe yɔnga nɛnu áɓɛ ánjá esa bui na ɛ́ɓɔngɛɛ ɓakpa na ambe ɓóɓɛoúba sikisia á yɔnga ka nkpa na nkpa ɓíndɔ akeni.

1 Ɓatɛsalɔníka 2:4

Ɓe ndiu ɔphɛa ɓíndɔ Mokonga akondi. Nga, ɗásɔɔphani, áosópha Mbino-Ánjá nɛkɛ. Ɓéké phɔtɔ okáɓa ékondisaga na ɓakpa, ɓe ndiu ǒkondisaga na Mokonga, mmbé aoengekisa měma asu.

1 Timɔtɛ́ɔ 1:17

Cɔ, ka Moamɛ á mɛyɔ, mmbé nnaokuwa, mmbé ɓákáɔmɔna, Mokonga ímbé nna na dakɛ ɓea yɛ, ambe áɓɛ n'obebɔ na ɓoombia ka saga na saga! Áɓɛ ɓó.

1 Timɔtɛ́ɔ 6:16

Yɛ sasakɛ tɔ aámbé kákuwɛeka. Aiki k'owanga nde nkpa nnaɔtɔka n'ambîmisi. Nna na nkpa nde amɔnimbɛmɔnɔ na nna na nkpa nde aɔtɔka n'amɔni. Cɔ, Mokonga áɓɛ na ɓoombia na ɓukpɛkpɛ ka saga na saga, áɓɛ ɓó.

Títɔ 2:1

Cɔ, oɓɛ gǎkɛ, góisaga tɔ nnde akeni ka goisaga á ɗoni.

Títɔ 2:15

Cɔ, ɓondɔ ungɔ akeni ógoisɛgɛ na gbagisaga á měma á ɓakpa na phekeaga aɓɔ na kɔkɔta nɛkɔ bui. Ambe nkpa kakɔɓɛnjiɛgɛmbɛ.

Ɓaɛbulanía 13:7

Ókanisiani ɓakɔta nɛnu á k'ama mosá-mosá ɓunde ɗáɓánoúbisi nyɔngɔ ndea Mokonga. Ianagani ka phɔa á kema nde ɗáɓátɔtɔkisi ka enda aɓɔ. Mɓeekeani Mokonga ɓea ɓɔ.

Ɓaɛbulanía 5:12

Ka nyɔngɔ nde ɓo ye nyɛ́nyisi mbenɔ ásii phɛɛ, atókeni ɓóɓɛ ɓagoisigi. Nanga áɓá ɓó, ɓo phɔtɔ na siki á goisaga anu nyɔngɔ abɔbɔbɔa á ɓɔphɛi ndea Mokonga. Ɓo phɔ́ goto tɔ na siki á unga, nna ndiu opha anu eea akpɛ

Yakɔ́ɓɔ 1:19

Ɓadani ékondi, kanisiani phɔ́ nyɔngɔ ndee: Ambe nkpa buakɛ, áɓɛ aphǒ ka ɔ́kapha. Áɓɛ gǎkɛ aɗǒ ka yɔnga na ka ɓɛá.

Yakɔ́ɓɔ 1:26

Kaɓɛ nkpa n'agi te ande mokiísito á ɗoni, na nna gǎkɛ koamba yɔngɛa akɛ, ědemi sasakɛ, kanisa nɛkɛ a tɔ á jǎi.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

1 Pɛ́tɛɛ 4:10

Ambe nkpa na nkpa ábɛɗaneɛgɛ egabɔ nde Mokonga ɗámophi, ka ɓonjánja á ɓakpa ɓunɛngbo. Kaɓondɔ unge, ɓoɓande ɓaambi ɓánjá á egabɔ ɗanga-ɗanga nde Mokonga ɗánóphi.

1 Pɛ́tɛɛ 4:16

Nkpa a gǎkɛ otambaga ka nyɔngɔ nde ande mokiísito, kakuwɛmbɛ na soni, ámbebɛ ndiu Mokonga ka ɓa akɛ na ina ndɔɔ.

1 Pɛ́tɛɛ 5:11

Ɓukpɛkpɛ ande akɛ esa bui! Áɓɛ ɓó.

Yúda 1:25

Yɛ Mokonga sisakɛ, Namisi ndeasu ka Yéso Kiísito Mɔkɔta ndeasu, áɓɛ n'obebɔ, ɓongbóngbó, ɓukpɛkpɛ, kɔkɔta, kpanga kala, kɛ̌kɛnde na ka saga na saga, Áɓɛ ɓó!