1 Pɛ́tɛɛ 4:1 - Ɔngana á Kɛ̌kɛ

¹ Cɔ, ka nyɔngɔ nde Kiísito ɗátambigi ka nyama akɛ, ɓenu phɔtɔ, ókakamisani ka ɓá na mɔphɛ nde ɗátú ně. Nga, nkpa nde atambigi ka nyama akɛ, akatani na ɓojeɗe ɗoni.

1 Pɛ́tɛɛ 4:1 Iomraidhean Croise

Málikɔ 3:3

Yéso â gǎkɛ ongoɗea nɗɔti te: «Má mosá á ɓakpa!»

Ɓalɔ́ma 6:11

A phɔtɔ ɓó ka ɓenu. Ɓeekeani gea kukuwa ndɔ anókatanisi na ɓojeɗe bubui, ɓo ye gǎkɛ koenda ka nyɔngɔ á Mokonga ka jukana anu na Yéso Kiísito.

Ɓalɔ́ma 6:2

Tanda phɔ́! Ɓesu íɓunde ɓeku ka nyɔngɔ á ɗeketa asu ɓojeɗe, ɓɛtɔkande goto na ɓeendi suɓi á ɓojeɗe ka ɓo?

Ɓalɔ́ma 6:7

Ka nyɔngɔ nde nkpa nde aku, nna ye tanda nkɔɓɛ á ɓojeɗe.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaɛphɛ́sɔ 6:13

Ɓî a ɓó, bɛɗani nkumba émani bui ndea Mokonga ka gea, ɓóubɛ kǒsimbia ka mana na mɓiɓia k'ésa ájeɗe nde aobika. Mbusa á gɔɓɛa emani unge ɓomamande akpɛ.

Ɓaphilípi 2:5

Ɓáni phɔtɔ sɔsɔɓɛ anu na mɔphɛ ɓíndɔ Kiísito Yéso ɗátú ně.

Ɓaɛbulanía 12:3

Eya, nkanisiani Yéso. Nanga ɓî ɓato á ɓojeɗe ɗáɓánkangei phɛɛ, ɗáphiphíí. Geani tɔ ɓó ka gea te, měma anu kaɛlɛmbɛ na ɗeketa á nseɓeɔ.

Ɓaɛbulanía 4:10

Nga, nkpa a ye ongia ka muúmbiɔ ndeakɛ, aúmbi k'ékuma ndeakɛ ɓíndɔ Mokonga ɗáúmbi phɔtɔ k'ékuma índeakɛ.

1 Pɛ́tɛɛ 2:21

Ka nyɔngɔ índɔ unge Mokonga ɗánɔɔphani nga, Kiísito ɗátambigi phɔtɔ ka phɔa anu, áonóɗeketea mphangiɔ ka gea, ɓóɓeɛ angá akɛ.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.