1 Pɛ́tɛɛ 3:4 - Ɔngana á Kɛ̌kɛ

⁴ Ɛtɔnda ínɛnu áɓɛ ndiu á ka měma, nnde nnaoújukana. Akeni ɛtɔnda ndɔ átókɛ ka měma áɔɗɛ̌ na aphɔngɔ, nnde ana kantíti ásii k'íso á Mokonga.

1 Pɛ́tɛɛ 3:4 Iomraidhean Croise

Matáyɔ 11:29

Kumbani nkumba áɗoko nɛmɔ na ɓógoɛgɛ ɓɔphɛi nɛmɔ nga, eme neaphɔngɔ na měma édidisa. Kaɓondɔ, ɓenu sasanu ɓoúmbiande.

Matáyɔ 21:5

«Óngoɗea ɓato á ka Sayúni te: Égani phɔ́! Mɔkɔta nɛnu abiki mɔtɛ-anu. Ande nto á aphɔngɔ, akǎmbi gǔ á nka-mponda na mponjo á mponda, miki á mponda.»

Matáyɔ 23:26

Ɓenu ɓakeíme-íme á Ɓaphaisáyɔ nde ca! Sokosani phɔ́ suɓi á cǎ, mpɔ mpɛphɛ í â phɔtɔ ɔsɛnga.

Matáyɔ 5:5

Maseye ka ɓato-aphɔngɔ, ka nyɔngɔ nde ɓátɔande mokonda nde Mokonga ɗɛ́ɓɔku.

Lóka 11:40

Ɓabóbó nde ca! Nkpa nde aɓɔngisigi ngɔngɔ á kema nna tɔndɔ yɛ aámbé aɓɔngisigi phɔtɔ suɓi í?

Lóka 16:15

Kaɓondɔ, Yéso áǒngoɗea ɓe: «Ɓǒphangisia k'íso á ɓakpa gea te, ɓonde ɓato á ɗoni. Mokonga aámbé a gǎkɛ oúba měma anu. Kema nde ɓakpa ɓáoɗokomisa, aunge Mokonga aɔɔna n'ajɔɔkani.

Ɓalɔ́ma 1:23

Ɔma á beba á Mokonga mɛna-ɓoombia, mmbé ande mɛyɔ, ɓâ ndiu obeba iii nde akengeani na nkpa ímbe aokuwa, ɓambǔ, ɓanyama á ecinji gena na ɓunde ɓáoɗaa.

Ɓalɔ́ma 2:29

Moyúda á ɗoni a ndiu mmbé a ye úbikani suɓi akɛ na gúa á ganja suɓi á měma akɛ. Gúa á ganja ndɔ, áɔtɔtɔkɛana ka ɓukpɛkpɛ á Měma á Mokonga, nna ka nyɔngɔ ɛ́ɔphi ndea Mósa. Moyúda á ɗoni ndɔ, nna ɓakpa ɓáunge ɓáombeba, Mokonga aámbé a ndiu ombeba.

Ɓalɔ́ma 6:6

Ɓéúbɛni gea, kokpa á kala nde ɗéɓetú ně mosá, ɗáɓákɔkɛigi ú gǔ á moyangɔ kimoci na Kiísito, ka gea, ɓátúkatúkɛ kokpa asu á ɓojeɗe. Ka gea ɓékéɓɛku ye ɓakɔɓɛ á ɓojeɗe.

Ɓalɔ́ma 7:22

Suɓi á měma ani, neokonda ɛɔphi ndea Mokonga.

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓakɔlítɔ 4:16

Kaɓondɔ, ɓékéɔɛla k'ékuma nɛsu. Nanga nyama asu ákpanga dɔndɔɓɔka ɓokɛ-ɓokɛ, měma asu áoɓá á kɛ̌kɛ esa bui.

Ɓagalatía 5:23

ɓɔphɔngɔ, ɛngɛpha. Ɛɔphi nnaoimisia ka kema ndɔɔ.

Ɓaɛphɛ́sɔ 4:2

Ɓáni na měma édidisa, ɓɔphɔngɔ na měma á phiphia, phiphianani n'ekondi.

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

Ɓakɔlɔsái 3:3

Nga, ɓo ye ku, na enda anu aɛsɔmɛani ka Kiísito suɓi á Mokonga.

1 Ɓatɛsalɔníka 4:11

Suiani phɔtɔ ika ka ɓujɛjɛ. Ɓókongiɛ mɔnɔ ka nyɔngɔ ndea ɓakpa ɓuangbo. Tétemisani ndiu ekuma á ka njaga anu sasanu. Nyɔngɔ ndɔ a tɔ ɓíndɔ ɗéɓenóngoɗi.

2 Ɓatɛsalɔníka 3:12

Cɔ, ɓěsósi ɓakpa ndɔ, ɓɛ́ɔ̌phɛa k'ína á Mɔkɔta Yéso Kiísito gea: Ɓábɛɗanɛgɛ ɓíndɔ akeni, ka gea ɓátɔɛ eea nɛɓɔ sasaɓɔ.

1 Timɔtɛ́ɔ 2:2

Mɛmani phɔtɔ ka ɓaamɛ na ɓakɔta ɓɔbu á ka nji ka gea te, ɓéikɛ ka ɓujɛjɛ, ɓéɓɛ tɔ ɓato á ɓonjánja na ɓánga á Mokonga.

2 Timɔtɛ́ɔ 2:25

Mmbé aɔ̌phɛa ɓakpa nde ɓáopúa na yɛ na měma aphɔngɔ. Kǎi Mokonga aeɓophande měma á kětia á tambea aɓɔ ájeɗe, ɓáoúba koɗoni,

Títɔ 3:2

Ɓákáyɔngɛmbɛ ájeɗe ka phɔa á nkpa, ɓákásanɛmbɛ. Ɓáɓɛ ndiu ɓato-aphɔngɔ, ɓakpa ɓánjá, ɓunde ɓáokáɓa ɓujɛjɛ ka ɓakpa ɓɔbu.

Yakɔ́ɓɔ 1:21

Kaɓondɔ, tókisani kema nde aɔjɔɔkisa měma na kokae ásii bui nnde ɓoně. Ɓeekeani ndiu na édidisa nyɔngɔ nde Mokonga akoni ka měma anu nga, nndɔ ana ɓukpɛkpɛ á amisa anu ka měma.

1 Pɛ́tɛɛ 1:23

Cɔ, ɓɔɓɔkɔtɛani mɔngɔ á koiɓɛ, nna ka mbó á kokpa nnde aokuwa, a ndiu ka mbó nde nnaokuwa, ande gea, nyɔngɔ á Mokonga nnde aoenda mɛyɔ.

1 Pɛ́tɛɛ 3:15

Nɗokomisani ndiu Kiísito ka měma anu ɓea Mɔkɔta nɛnu. Aoɓá na ɓáonóúsia cina á nseɓeɔ nɛnu ka Kiísito, ɓáni tɔ mbenɔ bui na nyɔngɔ á sikisia aɓɔ.