1 Pɛ́tɛɛ 3:22 - Ɔngana á Kɛ̌kɛ

²² Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.

1 Pɛ́tɛɛ 3:22 Iomraidhean Croise

Matáyɔ 22:44

‹Mɔkɔta-Mokonga angoɗi Mɔkɔta nɛmɔ: Ika nkɛkɛɔ á njaga ani á mǔku, na ka ɓî něbisande ɓaɓiɓia akɔ kusi á ecinji akɔ.›

Matáyɔ 28:18

Mpɔ Yéso áobika ka mpɛphɛ aɓɔ, áǒngoɗea te: «Ɓámopi kɔkɔta bui á na koba na nnde á ka mokonda.

Málikɔ 12:36

Nga, Daúdi sasakɛ, Měma á kanga ɓojeɗe ɗánteki áyɔngɛ ɓe: Mɔkɔta Mokonga ɗángi Mɔkɔta nɛmɔ te, Ika ka njaga ani á mǔku, na ka ɓî něbisande ɓaɓiɓia akɔ kusi á ecinji akɔ.

Málikɔ 16:19

Ɓî Mɔkɔta Yéso agɔɓi ye ngoɗea aɓɔ ɓó, Mokonga áontáisa na koba. Yɛ, áoika ka njaga á mǔku á Mokonga.

Lóka 20:42

Nga Daúdi sasakɛ aámbé ayɔngi suɓi á ɓuku nɛkɛ á embɔ gea: ‹Mɔkɔta Mokonga ɗángoɗi Mɔkɔta nɛmɔ: Ika ka njaga ani á mǔku,

Yoáni 13:32

Aoɓá ɓoombia ndea Mokonga na ɗáɔnɛkani ka yɛ, ɓoombia nɛkɛ aɔnɛkanande phɔtɔ ka Mokonga. Ageande ú kángá á iphia.

Ekuma á ɓateki 1:11

Ɓáǒngoɗea te: «Ɓato á ka Galiláya, nyɔngɔ sina nde ɓomamei wani, na ɓɔɔnjia na koba? Yéso, mmbé Mokonga ɗántókisi ka nkíndí anu, áontáisa na koba, ajande goto tɔ ɓíndɔ ɓɔmɔni n'aotáia na koba.»

Ekuma á ɓateki 3:21

Kɛ̌kɛnde gǎkɛ, akeni Kiísito áikɛ na koba ka sungiaga ɓî Mokonga aɓɔngisiande goto kema bui, ɓíndɔ ɗéengoɗi ɓaɔtu-nyɔngɔ nɛkɛ á kala, ɓato á kanga á ɓojeɗe.

Ɓalɔ́ma 8:34

Ani mmbé aɔtɔka n'ateni nyɔngɔ nɛɓɔ akpɛ? Nna tanda na nkpa mo. Nga, Kiísito Yéso aámbé ɗáku, gǔ índɔ, áojujuka ka kukuwa, aiki ka njaga á mǔku á Mokonga n'a phɔtɔ ɔmɛma ka phɔasu.

Ɓalɔ́ma 8:38

Ka nyɔngɔ nde neoúba ɗoni gea, nna na kema nde aɔtɔka n'asókatanisi na ekondi ndea Mokonga. Kaɓɛ n'ande kukuwa, kaɓɛ n'ande enda, kaɓɛ n'ande ɓamalaéka, kaɓɛ n'ande ɓakɔta, kaɓɛ n'ande kema á kɛ̌kɛ, kaɓɛ n'ande kema nde abikande, kaɓɛ n'ande ɓato á ɓukpɛkpɛ,

1 Ɓakɔlítɔ 15:24

Mbusa índɔ, áoɓá sungiaga, Kiísito atúkatúkande koɓoamɛ, kɔkɔta na ɓukpɛkpɛ bui. Mpɔ, áonsikisia Abɛ Mokonga koɓoamɛ.

Ɓakɔlɔsái 3:1

Ɓî ɗóɓojujúki ka kukuwa kimoci na Kiísito, káɓáni kema á na koba, ka kankaanga á koɓoamɛ nde Kiísito aiki kau ka njaga á mǔku á Mokonga.

Ɓaɛbulanía 1:13

Mokonga kángoɗimbɛ mɔnɔ tanda ka ɓamalaéka ndeakɛ: «Ika ka njaga ani á mǔku, na ka ɓî něbisande ɓaɓiɓia ndeakɔ kusi á ecinji akɔ.»

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 1:6

Ɓî Mokonga ɗámbikisi Miki nɛkɛ ánge ka mokonda, â ndiu ɔyɔnga gea: «Ɓamalaéka ndea Mokonga ɓɔbu ɓágbukɛ muanku mosá akɛ.»

Ɓaɛbulanía 10:12

Kiísito ɗábisi ndiu nyama akɛ sasakɛ k'ɔ́phɛ́ɔ mɔngɔ ímoci tɔndɔ ka íma á ɓojeɗe. Mbusa á í, áoika ka njaga á mǔku á Mokonga ka saga na saga.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Ɓaɛbulanía 6:20

Wandɔ unge Yéso ɗángí mosá asu ka phɔa asu nga, a ye ngbɛga á ɓatoɓeigi-phɛ́a á kanga sungiaga ɓea nkókó índɔ á Mɛlkisɛdɛ́ki.

Ɓaɛbulanía 8:1

Cɔ, nyɔngɔ ángbó ka nyɔngɔ ɗanga-ɗanga nde ɓɛyɔngi aungee: Ɓena ngbɛga á ɓatoɓeigi-phɛ́a mmbé a ɓíndɔ ɓetóki ka yɔnga í. Yɛ aámbé aiki ye tɔ na koba ka njaga á mǔku á kankaanga á kɔkɔta á Mokonga Mɛna-ɓukpɛkpɛ.

Ɓaɛbulanía 9:24

Cɔ, Kiísito ɗákángí ɔma á kanga ɓojeɗe nde ɓakpa ɓáphɛ̌ki na njaga aɓɔ. Nndɔ a tɔ iii á ɔma á kanga ɓojeɗe ndea ɗoni. Angí ndiu ɗoni na koba, ɔma nde yɛ, kɛ̌kɛnde a ye mame mosá á Mokonga ka phɔasu.