1 Pɛ́tɛɛ 3:21 - Ɔngana á Kɛ̌kɛ

²¹ Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.

1 Pɛ́tɛɛ 3:21 Iomraidhean Croise

Matáyɔ 28:19

Cɔ, gǎni ka ɓato á ekuna bui, ɓókětiɛ ɓɔ ka ɓá ɓagoigi, ɓóǒɓatisɛ ɓɔ k'ína á Abɛ, k'ína á Anakɛ, na k'ína á Měma á kanga ɓojeɗe.

Málikɔ 16:16

Nkpa nde aɓeekeande, ɓáomɓatisa, yɛ aámbé Mokonga anamisande. Cɔ, mmbé káɓeekeɛku, Mokonga atenande nyɔngɔ nɛkɛ akpɛ.

Yoáni 13:9

Mpɔ, Simɔ́ni Pɛ́tɛɛ áongoɗea: «Cɔ, Mɔkɔta, komosokosɛ tɔndɔ ecinji. Ómosokosa phɔtɔ njaga na mɔ̌.»

Ekuma á ɓateki 16:33

Ka mbenɔ á keiphe ndɔ tɔ, mɓondigi-mekakɔ áɔ̌bɛɗa, na gǎ á sokosa aɓɔ aphɛphɔa. Kɛ̌kɛndɔ tɔ, ɓáomɓatisa yɛ na ɓakpa nɛkɛ ɓɔbu.

Ekuma á ɓateki 2:38

Mpɔ, Pɛ́tɛɛ áǒsikisia te: «Kětiani tambea anu ájeɗe, ɓánoɓatisɛ moci-moci ka ina á Yéso Kiísito gea te, Mokonga áímɛ ɓojeɗe nɛnu, mpɔ ɓoɓande na ɓokambia á Měma á kanga ɓojeɗe.

Ekuma á ɓateki 22:16

Cɔ, kɛ̌kɛnde, kema sina nde ooɓondea? Má, ɓáoɓatisɛ, ɔ́mɛmɛ Mokonga ka gea te, áímɛ ɓojeɗe nɛkɔ.›

Ekuma á ɓateki 8:36

Ɓáotútuisa tamba nɛɓɔ, ɓáokiɗia k'ɔ́ma nde ɗátú na iɓo. Mbɛɗanigi angbóngbó ndɔ â gǎkɛ ongea te: «Cɔ, iɓo ungee, ekende aomoimisia oɓatisɔ?» [

Ekuma á ɓateki 8:37

Philípɔ áongea: «Kaɓɛ n'oɓeeki ka měma akɔ bui, ɓáɔtɔka na ɓákoɓatisi.» Mpɔ nkpa ndɔ áonjisia: «Neɓeeki gea te Yéso Kiísito ande Muna-Mokonga.»]

Ɓalɔ́ma 5:14

Ɓî a ɓó, kukuwa ɗátú na kɔkɔta kpanga ka matú ndea Adámu na ka gǎ jua ka matú ndea Mósa. Kɔkɔta á kukuwa ɗátú gǔ á ɓakpa nde nanga ɗáɓákagi ɓojeɗe ɓea Adámu, mmbé ɗátingíígi ɛɔphi ndea Mokonga. Adámu akengeani na nkpa nde ɗáɓáoɓondeaga bika akɛ.

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

1 Ɓakɔlítɔ 4:6

Ɓaya, nɛyɔngi nyɔngɔ ndɔ gǔ ani na gǔ á Apɔ́lɔ gea, tambea asu áɓɛ mphangiɔ ka ɓenu. Mpɔ, ɓóoúba kantíti á nyɔngɔ ndee: «Ɓókotingɛ mɔnɔ nyɔngɔ nde ɗáɓáɗundu.» Kaɓondɔ unge, nkpa kěbebɛmbɛ ka phɔa nkpa moci, na ɓɛnjiaga á ɓakpa ɓunɛngbo.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

Ɓagalatía 3:27

Kaɓondɔ, ɓenu ɓɔbu ɓunde ɗóɓojúkani na Kiísito k'óɓatisɔ, tambea anu akengeani ye tɔ na yɛ.

Ɓaɛphɛ́sɔ 5:26

ka gea, ásokoseɛ kanisa mosá á Mokonga: Áosokosea ú na yɔnga.

Ɓakɔlɔsái 2:12

Ɓî ɗáɓánóɓatisi, ɗáɓánóúmbi kimoci na Kiísito, ɓô phɔtɔ ojujuka ka kukuwa kimoci na yɛ. Nga, ɗóɓoɓeeki ɓukpɛkpɛ ndea Mokonga nnde ɗánjujúkisi Kiísito ně sɔsɔɓɛ á ɓasí.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Timɔtɛ́ɔ 6:12

Mǎna emani á ɓeekea ánjá, ódungia ka enda á mɛyɔ. Nga, ka nyɔngɔ índɔ unge Mokonga ɗákɔɔphani mbenɔ nde ɗóɓeeki. Bisa ɓeekea nɛkɔ base mosá á ɓaɗigimisi ɓásii.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Ɓaɛbulanía 11:19

Nga, Abalaámu ɗáoúba te, Mokonga ana ɓukpɛkpɛ á jujúkisa á nkpa n'aku. Kaɓondɔ unge Mokonga ɗánsikisíí anakɛ. Nndɔ ande ɓea mphangiɔ á jujúka ka kukuwa.

Ɓaɛbulanía 13:18

Mɛmani ka phɔa asu. Ɓeoúba ɗoni gea ɓékégi kema ájeɗe ka sɛka asu nga, ɓekondi ɓétambɛ ánjá k'aphe bui.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Ɓaɛbulanía 9:24

Cɔ, Kiísito ɗákángí ɔma á kanga ɓojeɗe nde ɓakpa ɓáphɛ̌ki na njaga aɓɔ. Nndɔ a tɔ iii á ɔma á kanga ɓojeɗe ndea ɗoni. Angí ndiu ɗoni na koba, ɔma nde yɛ, kɛ̌kɛnde a ye mame mosá á Mokonga ka phɔasu.

1 Pɛ́tɛɛ 1:3

Ɓémbebɛni Mokonga, Aba-Mɔkɔta nɛsu Yéso Kiísito! Ka nyɔngɔ á ɓongbóngbó á ngomi nɛkɛ aunge ɓɛɓɔkɔtɛani goto mɔngɔ á koiɓɛ, ka jujúkisa á Yéso Kiísito ka kukuwa sɔsɔɓɛ á ɓasí. Kaɓondɔ unge ɓena nseɓeɔ nde ana enda,

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.