1 Pɛ́tɛɛ 3:2 - Ɔngana á Kɛ̌kɛ

² nga, ɗáɓáɔni tambea anu n'ánjá na ɓî ɓǒɗokomisa.

1 Pɛ́tɛɛ 3:2 Iomraidhean Croise

Ɓaɛphɛ́sɔ 5:33

Cɔ, a gǎkɛ tɔ ɓó ka ɓenu: Ambe mǒko buakɛ ánkondɛ nkakɛ ɓíndɔ ěkondi sasakɛ na ambe nke ánɗokomisɛ munyakɛ.

Ɓaɛphɛ́sɔ 6:5

Ɓenu ɓakɔɓɛ, ɓáni kusi á ɓakɔta nɛnu á ka mokonda, óɗokomisani na ɓánga aɓɔ kángá á maibe, ɓíndɔ ɓoombɛɗaneaga Kiísito.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 3:20

Ɓesu gǎkɛ, ɓende ɓato á na koba. Ɓe ka ɓondeaga kiɗia á Namisi nɛsu, Mɔkɔta Yéso Kiísito, mmbé atókande na koba.

Ɓakɔlɔsái 3:22

Ɓenu ɓakɔɓɛ, ɔ́ɓɔ́kani ɓakɔta nɛnu á ka mokonda ka kema bui. Ɓókoɓɛmbɛ tɔ kɔ̌bɛɗaneaga ámbé ɓánoɓóndigi ka nyɔngɔ á ékondisaga na ɓɔ. Geani ndiu na měma mo, ka nyɔngɔ nde, ɓoomɓánga Mɔkɔta.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Pɛ́tɛɛ 1:15

Cɔ, ɓáni ndiu ɓato á Mokonga kángá ɓojeɗe ka tambea anu bui, ɓíndɔ Mokonga, mmbé anɔɔphani, ande nto á kanga á ɓojeɗe.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 3:1

A phɔtɔ ɓó ka ɓenu ɓake, ɔ́ɓɔ́kani ɓamunyanu. Nga, nanga ka ɓɔ sɔsɔɓɛ aɓɔ ɓákáoɓeekea nyɔngɔ á Mokonga, ɓǒɓoteande ka tambea anu ánjá kángá ngoɗea aɓɔ ka nyɔngɔ,

1 Pɛ́tɛɛ 3:3

Ɛtɔnda ínɛnu kaɓɛmbɛ ka nsɛngɛ ɓea: oka á sekamɔ̌ na ɔ́la á mbanga á láté na bɔngɔ ánjá.

2 Pɛ́tɛɛ 3:11

Cɔ, ɓî kema bubui agogokanande ɓó, akeni tambea anu áɓɛ ɓo? Akeni tambea anu áɓɛ ɓíndɔ Mokonga akondi na tamba mosá akɛ kángá kisɛki,