1 Pɛ́tɛɛ 3:18 - Ɔngana á Kɛ̌kɛ

¹⁸ Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Pɛ́tɛɛ 3:18 Iomraidhean Croise

Matáyɔ 27:19

Cɔ, ɓî Pilátɔ ɗáiki ka kankaanga á tena á nyɔngɔ, nkakɛ áontekisia mbino gea: «Kǒngisɛ mɔnɔ ka nyɔngɔ ndea nto á koɗoni ndɔ nga, kesande kǐpha netambigi phɛɛ ka njeki ka nyɔngɔ akɛ.»

Matáyɔ 27:24

Ɓî Pilátɔ ɗáɔni te kátɔkɛku ye n'agi kema, na oyombɔ á ɓakpa n'aǒyamea, áɔbɛɗa iɓo, áosokosa njaga akɛ mosá á ɓakpa ɓɔbu, n'aɔyɔnga gea: «Mengombo á nkpa nde, nna k'éme, a ye tɔ ka ɓenu!»

Yoáni 16:10

Aěengekisiande ɓato á ka mokonda koɗoni, ka nyɔngɔ á gǎ ani mɔtɛ á Abɛ na ɓɔ́kɔ́mɔɔnɛku ye.

Ekuma á ɓateki 22:14

Yɛ áomongoɗea te: ‹Mokonga ndea ɓatatasu ɗákɔsɔmbu gea, óubɛ kema nde akondi na ɔna á Nto á ɗoni, na ɔ́ɔ́kɛ ɛsɔ akɛ sasakɛ.

Ekuma á ɓateki 3:14

ɗóɓon'yé Yéso, nto á kanga ɓojeɗe na nto á koɗoni ndɔ, ɓóokonda gea, ɓánkoɗɛ kanu nto á kaiso.

Ɓalɔ́ma 1:4

ɓáombisa na ɓukpɛkpɛ ka ɓá Muna-Mokonga, mbenɔ nde Měma á kanga ɓojeɗe ɗánjujúkisi Yéso Kiísito Mɔkɔta nɛsu ka kukuwa.

Ɓalɔ́ma 4:25

Mmbé Mokonga ɗánkusisi ka nyɔngɔ á ɓojeɗe nɛsu â gǎkɛ onjujukisa ka kukuwa ka gea, ɓéɓɛ ɓato á koɗoni mosá á Mokonga.

Ɓalɔ́ma 5:2

Ka nyɔngɔ akɛ phɔtɔ unge ɓena ɓeekea gea, ɓebîmisi ɓonjánja-ékondi ndea Mokonga nnde ande cina á ɓeekea nde ɓeikíí. Ɓena maseye ka nyɔngɔ nde nseɓeɔ nɛsu ande ɓá na ɓoombia ndea Mokonga.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

2 Ɓakɔlítɔ 1:24

Ké phɔtɔ na siki á soseaga anu ka kema nde akeni na ɓeekea í, ka nyɔngɔ nde, ɓeekea nɛnu ka Yéso a ye tɔ na mǐgi akpɛ. Ɓe tɔ ɔbɛɗanaga kimoci ka gea, ɓóɓɛ na maseye.

2 Ɓakɔlítɔ 13:4

Ande ɗoni gea, mbenɔ nde ɗáɓánkɔkɛigi Kiísito ka moyangɔ, nyama akɛ ɗáɔlɔmani. Kɛ̌kɛnde gǎkɛ aoenda ka ɓukpɛkpɛ ndea Mokonga. Ɓesu ɓateki phɔtɔ, ɓî ɓe kimoci na yɛ, ɓɛɔlɔmani. Ɓukpɛkpɛ ndea Mokonga abɛɗanagande gǎkɛ na ɓesu ka ɔlɔ anu.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓagalatía 1:4

Kiísito yɛ sisakɛ aámbé ɗábiki osókuia ka amisa asu ka ɓojeɗe ka gea, ásophúiɛ ka ɓojeɗe á ka mokonda nde á kɛ̌kɛ ɓíndɔ Abasu Mokonga ɗákondi.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Ɓaɛphɛ́sɔ 3:12

Ɓî ɓɛɔngani na yɛ, na k'aphe á ɓeekea nɛsu, ɓe na aphe base á sɛkɛɗa mosá á Mokonga, kángá ngǎka.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 10:10

Cɔ, Yéso atɔtɔkisi kema nde Mokonga ɗákondi. Áobisa nyama akɛ sasakɛ tɔ mɔngɔ ímoci ka phɛ́a. Ka nyɔngɔ índɔ unge ɓojeɗe á ka měma asu aímiki.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Ɓaɛbulanía 9:26

nga, atúoɓá n'aɓó, ámbé ɗátambigi mongɔ ásii kpanga á conjá á mokonda. Cɔ, kɛ̌kɛnde ka mbenɔ á sungiaga, Kiísito aɔnɛkani tɔ mɔngɔ ímoci ka gea áímɛ ɓojeɗe ka ɓî yɛ sasakɛ aku ɓea nyama á phɛ́a.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

Yakɔ́ɓɔ 5:6

Ɗóɓoteni akpɛ nyɔngɔ ndea ɓakpa ɓunde ɓáká na nyɔngɔ na mowa aɓɔ, ɓɔ ɗáɓákáeunisi.

1 Pɛ́tɛɛ 3:19

Ka ɓukpɛkpɛ á Měma á kanga ɓojeɗe ndɔ, aunge ɗáge phɔtɔ ɔtɔmia nyɔngɔ á ɓoamia á ka měma nde ɗá ka mekakɔ.

1 Pɛ́tɛɛ 4:1

Cɔ, ka nyɔngɔ nde Kiísito ɗátambigi ka nyama akɛ, ɓenu phɔtɔ, ókakamisani ka ɓá na mɔphɛ nde ɗátú ně. Nga, nkpa nde atambigi ka nyama akɛ, akatani na ɓojeɗe ɗoni.

1 Pɛ́tɛɛ 4:6

Ka nyɔngɔ índɔ unge ɗáɓátɔ̌mi phɔtɔ Mbino-Ánjá ka ɓakpa nde ɓáku. Ɗáɓáteni nyɔngɔ nɛɓɔ ɓea ɓakpa ɓɔbu. Kɛ̌kɛnde gǎkɛ, ɓáɔtɔka na ɓáendi ka ɓukpɛkpɛ á Měma á kanga ɓojeɗe ɓíndɔ Mokonga akondi.

1 Yoáni 1:9

Aoɓá gǎkɛ na ɓekěti tambea asu, Mokonga nto á koɗoni mmbé aɔtɔtɔkisa mɔkɔ nɛkɛ, aímande ɓojeɗe nɛsu bui na sokosea asu.