1 Pɛ́tɛɛ 3:16 - Ɔngana á Kɛ̌kɛ

¹⁶ Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.

1 Pɛ́tɛɛ 3:16 Iomraidhean Croise

Matáyɔ 5:11

Maseye ka ɓenu, mbenɔ nde ɓáonóbóma, ɓáonótambisaga, ɓáonógeea ájeɗe na ɓátekea anu na nyɔngɔ á mbɛa ka nyɔngɔ ani.

Ekuma á ɓateki 24:16

Kaɓondɔ unge, neogea ɓukpɛkpɛ ani esa bui, néɓɛ kángá kisɛki ka měma mosá á Mokonga na mosá á ɓakpa.

Ekuma á ɓateki 28:22

Cɔ, ɓekondi phɔ́ ɓɛ́ɔ́kɛ ianaga akɔ. Nga, ɓeoúba gea, ɓakpa ɓáɔyɔnga ájeɗe k'ɔ́ma bui gǔ á esomba nde okau.»

Ɓalɔ́ma 9:1

Nɛɔyɔnga ɗoni ka jukana na Kiísito, ké gǎkɛ ɔyɔnga mbɛa. Měma á kanga ɓojeɗe asɔndɔi měma ani ka ɗigimisa gea, nɛɔyɔnga ɗoni.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

1 Timɔtɛ́ɔ 1:19

ka amba ɓeekea na úbapha ánjá. Ɓakpa ɓunɛngbo ɓáyé kanisia á ka měma aɓɔ, ɓâ gǎkɛ oɓúngisa ɓeekea nɛɓɔ.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

2 Timɔtɛ́ɔ 1:3

Neonsega Mokonga, mmbé nɛɔmbɛɗaneaga na měma ánjá ɓíndɔ ɓatatɛ ɗáɓátúogea. Ne phɔtɔ onsega mbenɔ nde neokokanisia k'ɛ́mɛmi nɛmɔ keiphe n'esa kángá sungiaga.

Títɔ 2:8

Ambe phɛá tɔ nyɔngɔ á ɗoni, nnde nkpa káyɛku. Ɓondɔ unge, ǒkusande ɓaɓiɓia akɔ na soni, na ɓákáyɔngɛku ye ájeɗe ka phɔasu.

Ɓaɛbulanía 13:18

Mɛmani ka phɔa asu. Ɓeoúba ɗoni gea ɓékégi kema ájeɗe ka sɛka asu nga, ɓekondi ɓétambɛ ánjá k'aphe bui.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 2:15

Ɓondɔ unge Mokonga akondi gea, ɓógeɛ ɓonjánja, ka gea te, ɓabóbó na ɓato á jǎi-jǎi ɓáphɔngɛ.

1 Pɛ́tɛɛ 2:19

Aánjá mosá á Mokonga mbenɔ nde ɓoophiphia tambaga nde ɓókótókeni ně ka nyɔngɔ á ɓeekea á Mokonga.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.

1 Pɛ́tɛɛ 4:4

Cɔ, kɛ̌kɛnde, ɓakpa nde ɓákáomúba Mokonga ɓáotangaaga nga, ɓókó ye kimoci na ɓɔ k'aphe á nyɔngɔ ájeɗe-jeɗe. Ka nyɔngɔ índɔ unge ɓáonóbóma.