1 Pɛ́tɛɛ 3:15 - Ɔngana á Kɛ̌kɛ

¹⁵ Nɗokomisani ndiu Kiísito ka měma anu ɓea Mɔkɔta nɛnu. Aoɓá na ɓáonóúsia cina á nseɓeɔ nɛnu ka Kiísito, ɓáni tɔ mbenɔ bui na nyɔngɔ á sikisia aɓɔ.

1 Pɛ́tɛɛ 3:15 Iomraidhean Croise

Ekuma á ɓateki 21:39

Pɔ́lɔ áonsikisia te: «Ɓɛɛndɔ! Nende Moyúda mmbé aɓɔkɔtɛani ka Táasɔ, ka ntanga-nji á ka Kilikía. Nende nto á ka ntanga-nji nde aombi phɛɛ. Nekondi ómososeɛ nɛ́yɔngɛgɛ na ɓakpa.»

Ekuma á ɓateki 24:25

Ɓî Pɔ́lɔ ɗátú ɔyɔnga nyɔngɔ á koɗoni, ɛngɛpha na tena á nyɔngɔ akpɛ nde abikaeka, Phelíki áoɓá na kɔɓɔɓɔkɔ. Áongea Pɔ́lɔ te: «Ka kɛ̌kɛnde, gǎ phɔ́! Nɛkɔɔphanande goto mbenɔ nɛngbo.»

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

Ɓakɔlɔsái 4:6

Ambe yɔnga nɛnu áɓɛ ánjá esa bui na ɛ́ɓɔngɛɛ ɓakpa na ambe ɓóɓɛoúba sikisia á yɔnga ka nkpa na nkpa ɓíndɔ akeni.

Títɔ 1:2

Kaɓondɔ, ɓáɓánde na nseɓeɔ á enda á mɛyɔ, nnde Mokonga, mmbé nnaɔyɔnga mbɛa, ɗásɔɔku mosá á mbenɔ bubui.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 6:1

Cɔ, ɓî a ɓó, ɓéɗeketɛni goisaga mɔ̌ á nyɔngɔ nde ɗáɓekpangi goisaga í ka nyɔngɔ á Kiísito. Ɓétútuisɛni ye tɔ goisaga k'ététe á ɓakpa nde ɓámɔti. Ɓékécumɛku ye goto goisaga á mɔ̌ á nyɔngɔ ndee: Á kětia tambea ájeɗe na ɓeekea á Mokonga,

1 Pɛ́tɛɛ 1:17

Cɔ, akoɓá k'ɛ́mɛmi nɛnu na ɓɔɔmɔphana Mokonga «Abɛ», mmbé aotena nyɔngɔ á nkpa buakɛ kángá oɓayɔ, ka ɓeana na tambea akɛ, tambeani na kɔɓɔɓɔkɔ ka Mokonga ka mbenɔ nde ɓo phɔ́tɔ ka mokonda.

1 Pɛ́tɛɛ 3:2

nga, ɗáɓáɔni tambea anu n'ánjá na ɓî ɓǒɗokomisa.

1 Pɛ́tɛɛ 3:4

Ɛtɔnda ínɛnu áɓɛ ndiu á ka měma, nnde nnaoújukana. Akeni ɛtɔnda ndɔ átókɛ ka měma áɔɗɛ̌ na aphɔngɔ, nnde ana kantíti ásii k'íso á Mokonga.