1 Pɛ́tɛɛ 3:14 - Ɔngana á Kɛ̌kɛ

¹⁴ Cɔ, nanga ɓótótambaga ka nyɔngɔ nde ande á ɗoni, ɓotóɓande na maseye. Ɓókǒɓángɛmbɛ ɓakpa, ɓókóagatanɛmbɛ ka měma.

1 Pɛ́tɛɛ 3:14 Iomraidhean Croise

Matáyɔ 10:28

Ɓókǒɓángɛmbɛ ɓundɔ ɓáomowa nyama, ɓákátɔkɛ gǎkɛ mowa měma. Mɓángani ndiu Mokonga mmbé aɔtɔka n'akusisi nyama na měma ka ɛɛmbɛ á nsa nde nnaoímika.

Matáyɔ 10:31

Ɓî aɓó, ɓókoɓángɛmbɛ nga, ɓɔ̌nyɛ́nyi ɓaciɔɗɔ ndɔ ɓɔbu.»

Matáyɔ 10:39

Mmbé aokonda amba á enda akɛ, aɓúngisande ú. Mmbé aɓungisande gǎkɛ enda akɛ ka nyɔngɔ ani, atɔande ú.»

Matáyɔ 16:25

Ka nyɔngɔ nde, mmbé akondi amisa á enda akɛ, aɓúngisande. Mmbé a gǎkɛ oɓeekea ɓúngisa á enda akɛ ka nyɔngɔ ani, atɔande goto ú.

Matáyɔ 19:29

Na nkpa buakɛ mmbé ɗáɗeketi endu nɛɓɔ, ɓana-amakɛ, ɓ'áwákɛ, abakɛ, amakɛ, ɓaniki nɛkɛ, na ciko nɛkɛ ka nyɔngɔ ani, ɓátɔande ú kɔnyɛ́nya mɔngɔ mia moci (100), na tɔá phɔtɔ enda á mɛyɔ.

Málikɔ 10:29

Yéso áonsikisia te: «Eya! Nenóngoɗi ɗoni gea, nkpa nde aɗeketi endu nɛkɛ, ɓana-amakɛ, ɓáwákɛ, amakɛ, abakɛ, ɓ'anakɛ na ciko nɛkɛ, ka nyɔngɔ ani na ka phɔa á Mbino-Ánjá,

Málikɔ 8:35

Nga, nkpa nde akondi amisa á enda akɛ, aɓúngisande ú. Mmbé a ndiu oɓúngisa enda akɛ ka phɔani na ka phɔa á Mbino-Ánjá, aamisande ú.

Yoáni 14:1

Yéso áǒngoɗea ɓagoigi ɓe: «Ɓókotambɛgɛmbɛ ka měma. Mɓeekeani Mokonga, ɓómoɓeekeɛ phɔtɔ eme.

Yoáni 14:27

Nenóɗeketei ɓujɛjɛ, nenophi ɓujɛjɛ nɛmɔ. Kénóphi ɓíndɔ ɓato á ka mokonda ɓáonópha. Cɔ, měma anu kaágatanɛmbɛ, ɓókóɓɛmbɛ na kɔɓɔɓɔkɔ.

Ekuma á ɓateki 9:16

Eme gǎkɛ, nemphangiande tambisaga bui nde ɓángeande ně ka nyɔngɔ ani.»

2 Ɓakɔlítɔ 12:10

Kaɓondɔ unge, nena maseye ka nyɔngɔ á ɓɔɔlɔ bui, kaɓɛ mbóma, ɓuyɛnɛ, tambaga ɗanga-ɗanga, k'ína á Kiísito. Mbenɔ nde nena ɓɔɔlɔ, wandɔ unge nena ɓukpɛkpɛ.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

Yakɔ́ɓɔ 1:12

Maseye ka nkpa nde aophiphia tombaga nga, a ye ɔtɔka, atɔande kekombó nde Mokonga ɛ̌ɔku ɓunde ɓánkondi, n'ande enda á mɛyɔ.

Yakɔ́ɓɔ 5:11

Maseye áɓɛ ka ɓunde ɓáphiphíí tambaga. Ɗɔ́ɓɔɔ́ki nyɔngɔ á měma áɗoko ndea Yɔ́bu. Ɓooúba kema nde Mɔkɔta ɗági ka phɔakɛ mbusa í. Nga, Mɔkɔta atúmi na ngomi na ɓonjánja.

1 Pɛ́tɛɛ 3:6

A tɔ ɓíndɔ Sála ɗáɔmɔ́ka Abalaámu, áɔmɔphana «mɔkɔta». Kɛ̌kɛnde, ɓonde ɓaseka nɛkɛ, aoɓá na ɓoogea ánjá, kángá á kɔɓɔɓɔkɔ á kema.