1 Pɛ́tɛɛ 3:11 - Ɔngana á Kɛ̌kɛ

¹¹ Áɗeketɛ ɓojeɗe, ágeɛ ánjá. Ákaɓɛ ɓujɛjɛ, ásuiɛ kaɓa í ɗoni.

1 Pɛ́tɛɛ 3:11 Iomraidhean Croise

Matáyɔ 5:45

Ɓoogea ɓó, ɓóoɓá ɓana-Abanu mmbɔ á na koba. Nga, yɛ aɔɓɛtisa maní ka ɓakpa ɓánjá na ɓakpa ɓájeɗe na ɔkisa mbua ka ɓato á koɗoni na ɓunde ɓáká ɓato á koɗoni.

Matáyɔ 5:9

Maseye ka ɓunde ɓáobikisa ɓujɛjɛ, ka nyɔngɔ nde Mokonga aɛɓɔphanande ɓɔ, ɓ'anakɛ.

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Málikɔ 14:7

Nga, esa bui, ɓoɓande na ɓato á ɓuyɛnɛ. Ɓǒgeeande ánjá ɓíndɔ ɓokondi. Eme gǎkɛ, kéɓɛku ye na ɓenu esa bui.

Lóka 1:79

Ka bɛnya gǔ asu, ɓesu íɓunde ɓe ka keiphe na kusi á iimbiɔ á kukuwa, na ka ubisa asu aphe á ɓujɛjɛ.»

Lóka 6:35

Nna ɓó. Ókondani ndiu ɓaɓíɓia anu. Ógeeani ánjá. Ɔɛkisani kángá á seɓea á jisia anu. Mpɔ, ophendɔ nɛnu áoɓá ángbó. Ɓóoɓá ɓana-Mokonga Mmbé ana kɔkɔta bui. Nga yɛ, aanjánjá ka ɓundɔ ɓáná n'obebɔ na ɓunde ɓá ájeɗe.

Lóka 6:9

Mpɔ Yéso áǒngoɗea: «Nenoúsi ɓe: Kema sina ɛɔphi nɛsu asosi gea í k'ésa á saɓáto? Kaɓɛ gea kema ánjá, kaɓɛ kema ájeɗe? Kaɓɛ amisa á nkpa, kaɓɛ kusa akɛ?»

Yoáni 17:15

Kɛ́ɔmɛmi gea te, óphúiɛ ɓakpa ndɔ ka mokonda. A ndiu gea, óambɛ ɓɔ na Ntombigi.

Ɓalɔ́ma 12:18

Aoɓá n'atɔtɔkɛani, na nndɔ atókani na ɓenu, endani ka ɓujɛjɛ na ɓakpa ɓɔbu.

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 14:19

Ɓékaɓɛni kema nde aobisa ɓujɛjɛ na káɓa á kema nde áɔphɛka ɓeekea á ɓakpa.

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓalɔ́ma 7:19

Cɔ, kéɔtɔtɔkisa kema ánjá nde nekondi ú, ne ndiu ɔtɔtɔkisa kema ájeɗe nde kéokonda.

Ɓalɔ́ma 7:21

Cɔ, nɛɔni gea, kema nde aɔnyɛ́nyɛ́kana ka phɔa ani a ɓe: Mbenɔ nde neokonda tɔtɔkisa á kema ánjá, nɛ tɔ ɔtɔtɔkisa kema ájeɗe.

Ɓalɔ́ma 8:6

Cɔ, nkpa aoɓea tambea á kokpa, tambea ndɔ áonkusa. Nkpa a gǎkɛ oɓea tambea á Měma á Mokonga, tambea ndɔ áomopha enda na ɓujɛjɛ.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

Ɓaɛbulanía 13:16

Ɓókoɓoseɛmbɛ phɔtɔ geana á ɓonjánja na engana sɔsɔɓɛ anu, ka nyɔngɔ nde ɔphɛ́ɔ ɓíndɔ unge áɔmɓɔngɛa Mokonga.

Yakɔ́ɓɔ 4:17

Mmbé aoúba gea á ɓonjánja na nna gǎkɛ ogea ú, agi ɓojeɗe.

1 Pɛ́tɛɛ 3:12

Nga, iso á Mɔkɔta aɔ̌ɔnjia ɓato á ɗoni. Aphéngi kecue akɛ ka ɔ́ka ɛmɛmi nɛɓɔ. Mɔkɔta nna gǎkɛ ɔtɔka n'aɔ́kani na ɓakpa nde ɓáogea ájeɗe.»

3 Yoáni 1:11

Dani ékondi, kóɓeɛ mɔnɔ tambea ájeɗe, ɓeá ndiu tambea ánjá. Nkpa nde aogea ánjá, ande ɓa Mokonga, mmbé gǎkɛ aogea ájeɗe, nna tanda oúba nyɔngɔ á Mokonga.