1 Pɛ́tɛɛ 3:1 - Ɔngana á Kɛ̌kɛ

¹ A phɔtɔ ɓó ka ɓenu ɓake, ɔ́ɓɔ́kani ɓamunyanu. Nga, nanga ka ɓɔ sɔsɔɓɛ aɓɔ ɓákáoɓeekea nyɔngɔ á Mokonga, ɓǒɓoteande ka tambea anu ánjá kángá ngoɗea aɓɔ ka nyɔngɔ,

1 Pɛ́tɛɛ 3:1 Iomraidhean Croise

Matáyɔ 18:15

Aoɓá dakɔ n'akogǐí ɓojeɗe, gǎ ómphangiɛ ɓojeɗe nɛkɛ na ɓo tɔ na yɛ ɓaɓɛ. Aoɓá n'akɔɔ́ki, ámbé onjisi goto k'ékita.

Ɓalɔ́ma 10:16

Ɓakpa ɓɔbu ɗáɓákáɓeeki gǎkɛ Mbino-Ánjá ndɔɔ. Isáya ɗáyɔngi ɓe: «Mɔkɔta, ani mmbé atóɓeeki Mbino-Ánjá nde ɓetúɔtɔmiaga?»

Ɓalɔ́ma 6:17

Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

Ɓalɔ́ma 7:2

Ɔ́nani phɔ́, nke-éyamani a tɔ kusi á kɔkɔta ɛ́ɔphi ka munyakɛ mbenɔ nde munyakɛ a phɔ́tɔ koenda. Munyakɛ a ye gǎkɛ okuwa, nke ndɔ nna ye kusi á kɔkɔta ɛ́ɔphi ka nyɔngɔ á mǒko ndɔ aku.

1 Ɓakɔlítɔ 11:3

Nekondi gǎkɛ ɓóúbɛ nyɔngɔ ndee: Kiísito ande mɔ̌ á mǒko buakɛ. Mǒko ande mɔ̌ á nke. Mokonga ande mɔ̌ á Kiísito.

1 Ɓakɔlítɔ 14:34

Akeni ɓake ɓádakanɛ suɓi á kanisa. Ɓánáɔtɔka na ɓáesósi gea, ɓáyɔngɛ. Ɓáikɛ kusi á kɔkɔta ɓíndɔ ɛɔphi ndea Mokonga ayɔngi.

1 Ɓakɔlítɔ 7:16

Cɔ, oɓɛ nke-mɓêki, ooúba gea, onamisande munyakɔ ɗoni? Oɓɛ mǒko-mɓêki, ooúba gea, onamisande nkakɔ ɗoni?

Ɓaɛphɛ́sɔ 5:33

Cɔ, a gǎkɛ tɔ ɓó ka ɓenu: Ambe mǒko buakɛ ánkondɛ nkakɛ ɓíndɔ ěkondi sasakɛ na ambe nke ánɗokomisɛ munyakɛ.

Ɓakɔlɔsái 3:18

Cɔ, ɓake, ɔ́ɓɔ́kani ɓamunyanu ɓíndɔ akeni ka Mɔkɔta.

Ɓakɔlɔsái 4:5

Mbenɔ bui nde ɓoodondana na ɓakpa íɓunde ɓáná ɓaɓêki, ɛ́ɓɔnisani ɓɔ tambea nde akeni.

2 Ɓatɛsalɔníka 1:8

Adidande k'ɛɛmbɛ á nsa. Aětambisagande ɓunde ɓánaomúba Mokonga, na ɓunde ɓáoyá ɓeekea á Mbinɔ-Ánjá ndea Mɔkɔta nɛsu Yéso Kiísito.

Ɓaɛbulanía 11:8

Ka nyɔngɔ á ɓeekea, Abalaámu ɗáɓeeki mɔphani ndea Mokonga gea te, átokɛ ka nji nɛkɛ ágɛ ka nji nde Mokonga ɗámɔku gea átɔ́ɛ ú ka ɓotukɔ. Abalaámu áotóa kángá úba ɔma nde aoga.

Ɓaɛbulanía 5:9

Ka nyɔngɔ nde ɗákáúki ye ka kema, â ye tɔ oɓá cina á ɓoamia á mɛyɔ ka ɓakpa ɓɔbu ɓunde ɓáɔmɔ́ka yɛ.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 3:2

nga, ɗáɓáɔni tambea anu n'ánjá na ɓî ɓǒɗokomisa.

1 Pɛ́tɛɛ 3:7

Ɓenu phɔtɔ ɓǒko, ikani na ɓake ɓánu ka ɔ́kana ánjá, na ɓooúba gea, ɓáɔlɔmani kɔnɔnyɛ́nya. Ambe ɓóoɗokomisɛ nga, ɓɔ ɓátɔande egabɔ á enda á ɗoni ɓea ɓenu. Geani ɓó ka gea, ka kema kaɗakɛmbɛ ɛmɛmi nɛnu.

1 Pɛ́tɛɛ 4:17

Cɔ, mbenɔ á tena nyɔngɔ a bîmani. Aoɓá tena á nyɔngɔ n'akpangi ka ɓesu ɓato á Mokonga, sungiaga í aɓande ɓoni ka ɓunde ɓáoyá ɓeekea á Mbino-Ánjá ndea Mokonga?